بعد يومين..ماكدرت واتصلت بيها..لكن هالمرة اذا كان بداخلي ذرة نضافة تجاهها فهي وسختها..بنت 16وتسولف بكلام فعلا بائعة هوى ..وعرفت اني مو اول رقم عدها..ومرت الايام وعلاقتي بيها مثلها مثل كل وحدة عندي..
بعدها انشغلت بالامتحانات وعفت التلفون يرتاح مني ومن البلاوي اللي اسويها..قبل كنت اكول اهمال اهلي هو السبب هسة شنو السبب ..اني السبب انجرفت وكمت استلذ بالحرام لكن على حساب منو؟على حساب سمعتي..جنت من امر بالشارع محد يتعرضلي ..هسة احس كل الناس تهمس عني.. ست وسن:درة حبيبتي ليش صافنه حاولي تحلين قبل لايخلص الوقت درة:حاضر ست ..وبديت اكمل الاجابة.. من كملت وبقينا بس كم طالبة بالصف..ست وسن طلبت مني اشيللها الاوراق وفعلا.. ست وسن: شبيج درة ليش هيج مستواج بالنازل درة:ضروف ست.. ست وسن:لان والدج توفى..بالعكس هاي وسيلة حتى تهدين نجاحك له هو ووالدتك.. درة:ماجاي اكدر ست ست وسن:درة عوفي شكو شي مو زين بالج وانتبهي بس لدراستج هي اللي تنفعك واذا على هذا المود{Mood,المزاج} انتي تصلين.. درة بخجل :هاااا ست وسن:صلي حبيبتي صلي هي الشي الوحيد اللي ينفع الانسان بساعة الضيق والعسر لانك تفرغين كل همومك لله.. درة:تمنيت عندي اخت مثلك ست.. ست وسن :ياام اللسان اني اختك ومدرستك واي شي تحتاجين كولي..
نصر:بعد ان خليتها تتعود على اتصالي تمنيت تنجح باختبار لعين فكرت بي..
درة:اشو هذا مختفي ولابين..احسن مالي خلك التلفون بعد..
