فتاة الاهلي

بارت 12

وصلنا ف البارت اللي فات ان ايه كانت مضايقه علشان عمرو فهم غلط..وبدال م كان المفروض هو اللي يصالحها الموضوع اتقلب و المفروض هي اللي تصالحه دلوقتي.. بصت ع ساعه كانت 7 ونص.. قامت بسرعه جهزت علشان متتاخرش ع شغل..

كانت مبسوطه و مضايقه ف نفس الوقت م اللي عمرو قاله.. مبسوطه علشان هو قلقان عليها وخايف لما بترجع بليل لوحدها.. ومضايقه علشان حست انه مجرد تحكم وعايز يعيش دور سي السيد..

_____________________________________________

طبعا الشله خصلت وكل واحد روح بيته..

(مي)

بعد م خلصنا اليوم اللي كان بجد تحفه.. كان واحشني اوي الجو د.. هو اه اضايقيت لما لزقه دي جت بس فرحت اوي لما قال انهم سابو بعض.. معرفش لي كنت فرحانه بصراحه.. بس مش مهم.. المهم دلوقتي هاني.. انا مش شايفه غير اننا اخوات.. عمري م تخيلت ف يوم اني اكون مراته و الجو د.. بس صعبان عليا اوي.. يعني اول مره يحب..يحب من طرف واحد كده..المهم انام انا دلوقتي علشان تعبانه جدا..

________

(هاني)

م انت اللي غبي برضه ي هاني مكنش لازم تقولها حاجه قبل م تكتشف خطوه منها الاول.. انت اللي اتسرعت.. اول م حسيت بمشاعر نحيتها روحت تقولها ع طول زي الحمار.. يعني ممكن علاقتنا تدمر دلوقتي بسبب اللي حصل.. لا بس ان شاء الله  مي هتنسي و مش هتتغير.. ي رب..

________

(رمضان)

ياااا مش مصدق اخيرا هم و انزاح من ع قلبي.. اخيرا سبت لزقه.. بس هو انا لي فرحان اوي كده اني سبتها وانا المفروض كنت بحبها وطالع بيها السما.. د انا ياما اتخانقت مع ماما ومني علشانها.. معقول د كله بسبب الصوره؟؟ ولا انا اصلا كنت مستني حجه علشان ابعد عنها؟؟.. هو انا اصلا كنت بحبها.. ولا كان عاجبني جو الارتباط د بس.. عااااا كفايه تفكير بقي.. مش مهم المهم دلوقتي ان خلاص مبقاش فيه منه ف حياتي.. بس المهم.. مي كانت زالقمر النهارده.. وحشتني اوي بنت ال لازينه..__

_____

(منه)

لا م هو مش حته بتاعه كده اللي هتاخد رمضان مني.. لازم طبعا اخليه يكرها..مش عارفه حابب فيها اي د.. انا احلي منها اصلا.. وبعدين د انا منه.. يعني اي حد يقف قدامي هفرمه..

_______________

(هشام)

انا بجد صعبان عليا اوي البنت دي.. وبعدين انا كنت خلاص توبت وقربت من ربنا وقلت مش هعمل كده ف بنات الناس تاني.. واتجوزت منه وقلت خلاص هبدأ حياه جديده ونضيفه.. مع اني عارف و متاكد ان منه وافقت علشان بس الفلوس اللي كانت معايه ف الاول.. بس هي مش قادره تفهم ان الفلوس دي كانت حرام.. ومدام قلت ابدأ حياه جديده يبقي لازم اسيب اي حاجه حرام..وابدأ اجيب فلوس كويسه ب الحلال بقي.. بس هو يعني انا لو قلتلها لا هتغلب.. مهي ممكن تتفق مع اي حد تاني بسهوله جدا..والحد د ممكن يعمل معاها افزع م الل كنت هعمله.. لالا.. ساعدني ي  رب الاقي حل لحسم دي شكلها غلبانه اصلا..