راحت مي مع غالي ومارتن للملعب..كان الفريق كله هناك..
مارتن:: فهمهم انت بقي يا حسام..انا في المكتب...سابهم ومشي..
بص حسام للفريق اللي بيبص لمي بأستغراب مستنين تفسير..
حسام:: امم..هو انتي اسمك اي..
مي:: مي..
حسام:: كابتن مارتن شاف مي وهي بتلعب و عايزنا نلعب معاها ماتش..
رمضان بسخريه:: شافها بتلعب اي ب عرايس باربي..
ابتسمت له مي باستفزاز وقالت بصوت واطي:: خفه..
ابتسم حسام لتعليقها..
حسين بأبتسمه لطيفه:: هاي انا حسين..اكيد عارفاني صح..(مد ايدو يسلم عليها)
مي:: اه طبعا اكيد عارفاك (سلمت عليه) انا مي..
اكرامي:: اشطا اتشرفنا يا مي..نلعب..
مي:: اشطا لو جاهزين..
عمرو:: اشطا..اغالي هنتقسم ازاي..
مي:: لا هو المفروض انا لوحدي..
حسين:: لوحدك ايه؟..
حسام:: هي هتلعب لوحدها ضدنا..
رمضان:: هههه ضحكتني النكته دي...انا مش لاعب يعم مش ناقص تضيع وقت..انا رايح لمنه سلام..
حسام بحزم:: رمضان التدريب لسه مخلصش وانا مقلتش لحد يمشي..وهتلعب معانا يلا..
رمضان:: غصب يعني؟..
حسام بتهديد:: يلا يا رمضان لو مش عايز تجري الملعب 10 مرات..
رمضان::10 مرات..وعلي ايه..يلا نلعب..
بدئو لعب....
(الكوره مع رمضان..بيجري بيها لجون مي اللي هو اصلا فاضي..بس مي تقطع منه الكوره بسرعه وتجري بيها..تعدي جمال و غالي (بطريقه كريستيانو..(شفوه وهو بيلعب) ترقص حسين و تريزيجه..وتشوط تيجي في العرضه تردلها تاني و تشوطها جوون..)
ملحوظه:: مي مبتلعبش مع الفريق كله..(اكرامي..رمضان..حسام..عمرو..حسين)
رمضان:: ايه يا اكرامي..ركز..
فضلو يلعبو لحد الماتش ما خلص 4/3 لمي..
مارتن كان بيراقب الماتش..طريقه لعبها عجبتو كدا..فقرر يسألها عن الفكره اللي في دماغه بس مش دلوقتي..
حسام:: لعبك حلو جدا..برافو..
حسين:: ايه يا شيخه ده..انتي بتلعبي احسن مني اصلا..انتي بتتمرني من امتي..
مي:: من وانا عندي 5سنين..وابتدأت اتعلم حركات جديده من 8سنين..
عمرو:: بس مين اللي علمك كل ده..
مي:: هاني اخويا..انا وهو بنلعب مع بعض علي طول..
عمرو:: اهااا..
