محمد :اتشرفت بمعرفتج مره ثانيه مع السلامه .
يقين :شكرا محمد (كالتها بابتسامه ) باي .
محمد:"من كالت شكرا وطلع اسمي من حلكها ما اعرف اشحسيت عبالك دخل الصوت بكلبي وكام يرفرف ههههه اه شنو هاي ابنيه لو ملاك"
نورا :(اثناء مدنرجع للبيت ) محمد اشوفك اتاقلمت ويه يقين وجنتو تحجون ولا كأنو اني موجوده ..ابتسامات ونضرات حسيتك معجب بيها .تره انته هاي اول مره اتشوفها وهيج .
محمد :ولج انتي اشبيج هو حجي عادي عجبني كلامها وحبيت احسسها اني مضايج من الجيه وبعدين انتي بديتي الموضوع وسئلتيها .يله وصلنه طبي .
------------------****------------------''''''''
نرجع اليقين : ماما اني اجيت
ام يقين :منو جابج ؟
يقين :محمد اخو نورا ونورا هم
ام يقين : همزين الله يخليهم خوش ناس
يقين :اي ماما كولش خوش ناس وخاصتا اخو نورا محمد ولد محترم كولش ومؤدب ^'^ .
بعد مرور اربع ساعات :
ام يقين :يله بنتي انتي ابقي بالبيت واني رايحة لبيت خالج لان خالج مريض كولش وخابرت على مرت خالج اتكول اخذنا للمستشفى حالته خطره .
يقين :يوم تره الساعة بثمانية بالليل وراح تاخذين علي اخويه وياج وابويه محيبات بالبيت اني اخاف ليش ما اروح وياكم
ام يقين :لا بنتي اني ما اتئخر اتلث ساعات لو اربعه واجي
يقين:اوك بس مو اتخلوني انتضر لان اخاف وحدي حبابه
ام يقين :يله احنه طالعين سدي ورانه الباب واي شي يصير خابري عليه ولا اتفتحين الباب الي واحد
يقين :صار ماما مو تتءخرين
يقين:صارت بالعشره بالليل وهم ماكو وين راحت اني خايفه خلي احجي ويه نورا اني خايفه ...الو اهلا نورا اشلونج خوما نايمه
نورا :هلو يقين اني زينه لا منايمه كاعده بالاستقبال يم محمد نتفرج تلفزيون
يقين :هااا اوك
نورا :يقين اشبيج شو مو على بعضج بيج شي
يقين :لا مبيه شي بس امي وعلي وبابا بره البيت واني وحدي وخايفه كولش
نورا :يقين اشبيج جبانه قابل شكو بيها يرجعون غير ؟
يقين :اي كالت اربع ساعات لو اتلاثه وهمه طلعو من الثمانيه...نورا اوكفي ثواني اكو صوت فوك بالطابق الثاني
شسوي هسه
نورا :صوت شنو ولج خوفتيني ؟
يقين :شمعرفني عبالك واحد يفتح باب الصطح(وهيه تبجي) ......لحكيلي عفيه شسوي يوووم نورا اشلون
محمد :"من جانت نورا تحجي ويه يقين جنت اسمع الحجي الي دار كوله ومن سمعت نورا اتكول صوت فوك اني جمدت خفت على يقين ليصير بيها شي"
نورا: محمد كوم انروح اني وياك لبيت يقين بسرعه يقين اتكول اكو صوت بالسطح وهيه خايفة ود تبجي كوووم
البنيه وحدها
محمد :متاكده ؟
نورا :اي
محمد :"نورا لبست وكمت ركض شغلت سيارتي وطلعنا وبهل اثناء اخذت التلفون مال نورا وكمت اخابر على يقين بس مجاوب ...متعرفون اصار بيه
حسيت نفسي مخنوك وخايف على يقين ليصير بيها شي "
انتضروا البارت الجديد فريبا باااااي♡
أنت تقرأ
❤لاعب المنتخب العراقي عندما يحب ❤
Romanceتتحدث القصة عن لاعب شاب ومشهور جدا من المنتخب العراقي يقع بحب صديقه اخته ..لنرى ما ستحكيه القصه من معاناته لكي لا يكشف ^-^ اتمنه تنال اعجابكم »الشكر موصول الئ مصممه الغلاف « شكر لك http://my.w.tt/UiNb/AQTgABWdxF
