ام محمد : حبيبي اني امك واعرفك واقراك،، من نضراتك الها وقلقك عليها وحته من اجتي لحد الان انت ما تطلع من البيت وضال تفتر منا ومنا ههههه ابني وعرفك 😂
محمد : لعد هلكد امبين عليه احبها هههه والله يا امي مينكدرلج 😅
بس يوم قبل متحجين وياها اني راح
اخذ رئيها بموضوع العرض الي اجاني
بس بغير طريقه
حته اذا ما تقبل اني الغي الروحه
ام محمد : ماشي ابني ابراحتك
محمد : رحت للاستقبال وكعدت وجان اسمع صوت يقين تحجي ويه امي بالمطبخ صحتلها
محمد : مساء الخير يقين اشلونج اليوم يقين : مساء الخير هلو محمد زينه الحمد لله انت اشلونك
محمد : زين بس اريد احجي وياج بموضوع خلينه نروح بالحديقه نحجي
يقين : اوك
محمد : طلعنه بالحديقه اني وياها وكعدنه بيها
محمد : يقين انتي يمكن سمعتيني من حجيت ويه امي هذيج المره وكلتلها اني اريد اتأكد من البنيه الي احبها اتحبنظ لو لا
يقين : اي سمعتكم « متدري بيه اشكد اختنكت «
محمد :اي اني تقريبا اتأكدت منها واريد اصارحها بالموضوع
يقين : هاا اي صارحها اذا تدري بيها اتحبك
محمد : اي تقريبا عرفت من نضراتها وحجيها ما اعرف بس حاس بيها واني اليوم اجاني عرض من نادي معروف بيطاليه واحتمال كولش جبير اروح واستقر اهناك، والمهم انتي تقريبا اتصيرين ابعمرها واريد اسمع وجهت نضرج اذا كلتلها انسافر بعد الزواج تقبل
يقين : ما اعرف هيه تقبل لو لا بس اني اذا احبه اكيد اروح وين ميروح صحيح هي الغربه صعبه بس اتهون، اذا
جنت احبه مستعده اروح ويه الاخر الدنيا بس اكيد نتفق انو نجي كل مده انزور اهلنا هنا «انت ليش هيج دتسوي بيه هو اني دا احاول انساك وانت جاي تاخذ رئيي بحياتك «
محمد : يعني شدكولين هسه تقبل ؟؟!
يقين : اذا اتحبك تتقبل ضروفك
محمد : شكرا يقين 😊
يقين : عليمن دتشكرني هواني اشسويت
محمد : هسه اني مطمن 😥 راح اقبل بالعرض
محمد : يوم يوم
ام محمد : هاا ابني اشبيك
محمد : يوم روحي احجي ويه يقين لمحيلها اذا اجوها خطابه تقبل
ام محمد : ابني اشبيك مستعجل البنيه خالها مصارله اشكم يوم من مات اثكل اشبيك
محمد : هم صحيح اني نسيت زين بس شوفيها مفكره بالزواج لو شايلته من بالها الخاطري روحيلها
ام محمد : اضاهر انت مستعجل ماشي ماشي رايحه
محمد : «لك اشبيك محمد اثكل خزيتنه »
:
:
:
:
يقين : كمت من يم محمد ورحت لغرفه يقين جانت يقين بعدها بالمدرسه ،
ما استحملت ونزلت دموعي ونمت علئ الجربايه وكمت ابجي 😢
»ابعمري ما حبيت ومن حبيت طلع يحب وحده ويريد يتزوجها والمصيبه الجبيره جاي يسألني لان اني ابعمرها
اوففف اوففف «
دخلت عليه خاله ام محمد
ام محمد : ياا يقين اشبيج تبجين خوما متأذيه من شي «دريت بيها تبجي من ورا محمد «
يقين : لا خاله بس راسي يوجعني
ام محمد : ها راسج يوجعج هسه اجيبلج بندوله
يقين : لا خاله ميحتاج هسه يروح وجع الراس
ام محمد : انتي من وجع الراس تبجين لعد اشلون من تتزوجين واتجيبين اطفال
يقين : اصلا اني امقرره ما اتزوج اخلص ادراستي واتعين وعيش احسلي
»محمد وراح يتزوج «
ام محمد : 😦ليش حبي متتزوجين شو جمال واخلاق وتربيه اشناقصج
يقين : لا خاله اصلا اني اضوج واكوم ابجي اذا اهلي يجيبون هذا الموضوع
هذا قراري
ام محمد : يعني هسه اذا اجاج شاب وراد يخط بعدها ما امكمله الجمله وقاطعتها يقين
يقين : مباشرا ارفض وبدون نقاش
ام محمد : اي حياتي هذي حياتج وانتي حره بيها يله اروح للمطبخ اكمل اكل
محمد : اجتني امي
ام محمد : ابني البنيه حاجيتها
محمد : اي اشكالت
ام محمد : اتكول رافضه فكره الزواج نهائيا واتكول اي واحد يتقدملي مباشرا وبدون نقاش ارفض لان اني امفكره اكمل دراستي واتعين واكعد
محمد : هاا اي يوم خليها براحتها 😓
محمد : من امي كالت هيج حسيت بحزن محاسه بحياتي وقررت اروح اليطاليا والعب اهناك وانساها اليقين لان ما ردت اسوي خلاف بينها وبين نورا اختي واذا اتقدمتلها ورفضت اكيد راح تتغير علاقتها باختي فغيرت رايي
:
:
:
:
:
تسريع للاحداث :
رجعت ام يقين من البصره ويقين راحت البيتهم ونورا ويقين خلصو امتحانات السادس اعدادي وطلعو معدلات عاليه
:
:
:
بيت محمد
محمد : يوم بقالي بس اليوم و باجر اروح اليطاليه طلعت التاشيره وخلصت الاجرائات وانتم سنه واسحبكم واني اجي كل سته اشهر اشوفكم راح اوصي عمي علاء هو بيته قريب علينه يمر عليكم كل فتره
ام محمد : ماشي ابني حضرتلك ملابسك الشتويه والصيفيه وخليتهن بالجنط واذا اتريد شي كلي والله ما ادري اشلون راح اصبر علئ افراكك
محمد : لا اتخافين عليه كل يوم راح اتشوفيني افتحلج كامره ونحجي للصبح بس لتزعلين ويضل بالج عليه ادعيلي الله يوفقني
ام محمد : ان شاء الله ادعيلك الله يوفقك ،
:
:
: يقين : سمعت من نورا محمد حيسافر اليطاليه وبعد سنه يسحبهم ويه لهناك يالله لو اتشوفوني اتكولون راح يغمه عليه صارت الدنيه سوده بعيني وضليت ما اكل ولا اشرب وهامله صحتي امب تسالني ما اجاوب عبالك ميت ويمشي علئ الكاع
نورا : الو هلو يقين اشلونج
يقين : اهلا نورا اني زينه انتي اشلونج نورا : اني مو زينه لان محمد باجر حيروح وبعد ما اشوفه ورا سته اشهر يله يجي
يقين :😢 « جنت ادري بي حيروح بس ما ادري بي حيروح باجر «
اي حبيبتي ادعيله مو اضلين تبجين عليه
يقين : اكلج يمكن راح اجيج لان ضايجه
»ردت اشوف محمد قبل ليروح اكيد باجر مراح اكدر اشوفه «
نورا : اي تعالي اصلا انذ هم ضايجه ومحمد ديعزل بغراضه
يقين : اوك اكول الماما واذا قبلت يجيبني علي اخويه
نورا : اوك باييي
يقين : باي
يقين : كلت الماما وقبلت رحت سبحت وبدلت وحطيت مكياج خفيف ولبست جينز وبدي ازرق وشال وجنطه وطلعت اني وعلي اخويه
يقين : وصلني ودخلت للبيت
انتهئ البارت
اتمنئ عجبكم
لتنسون اتصوتون اذا عجبكم
عددالكلمات 860
راح انزل بارت جديد باجر ان شاء الله
أنت تقرأ
❤لاعب المنتخب العراقي عندما يحب ❤
Romanceتتحدث القصة عن لاعب شاب ومشهور جدا من المنتخب العراقي يقع بحب صديقه اخته ..لنرى ما ستحكيه القصه من معاناته لكي لا يكشف ^-^ اتمنه تنال اعجابكم »الشكر موصول الئ مصممه الغلاف « شكر لك http://my.w.tt/UiNb/AQTgABWdxF
