يقين : رحت للمطبخ لكيت خاله مموجوده طلعت للكراج شفت محمد كاعد بالحديقه
"عزه هذا اشكعده مو هستوه جان نايم شبسرعه كعد بسلا حس بيه جنت واكفه فوك راسه وصافنه بوجها "
-
-
- محمد : شفت يقين طلعت من المطبخ محمد : هلو يقين
يقين : هلو محمد وين خاله ؟ اشو ماكو بالبيت ؟
محمد : طلعت راحت لبيت جيرانه ابنهم جايه ولد «مولود جديد » راحت اتباركلهم
يقين : اهاا اوك
محمد: رايده شي منه؟
يقين : ها اا لا ماكو شي بس اه لا لا ماكو شي
محمد : اشبيج احجي
يقين : ماكو شي
" اه لو تدري اشكد جوعانه حته بعدني لا متغديه ولا شي ميته من الجوع 😣 عله الريوك اكلت لكمتين اه بطني "
يله محمدعن اذنك اروح يم نورا
محمد : براحتج »»»»»»»»»««««««»اوكفي اكلج انتي ماكله شي صدك انتي محد صبلج غده خلي اكل النوره اتصبلج
يقين : لا ما اشتهي ،،بعدين نوره دتقره خليها الماده صعبه
محمد : الساعه بالاربعه ونص الضهر وانتي بعدج علئ الريوك هذا اذا جنتي متريكه ،،،،تعالي ويايه خاي اصبلج غده انتي لو اتضلين تموتين من الجوت ومتاكلين
يقين : كام محمد واني رحت ورا
محمد : اشمشتهيه اصبلج اكو برياني دجاج واكو كبه اكليلج
يقين : بكيفك
محمد : اوك راح اسويهن اثنينهن
يقين : اساعدك بشي ،،،انطيني اني اكلي
محمد: لا انتي بس كعدي علئ الميز ما اطول
يقين : اني ضليت واكفه يمه جان يسحب الكرسي مال ميز ويكلي كعدي ومن دون نقاش وهو يبتسم المهم كعدت وكمت اباوع عليه وهو يكلي الكبه
بعدين سوه زلاطه وصب البرياني
وطلع برتقال من الثلاجه وسوا عصير بالخلاط
حط الاكل علئ الميز وكال
محمد : ها اشلوني مو طباخ ماهر
يقين : اي ،، شكرا الك تعبتك وياي
محمد : يقين ليش متشيلين الرسميه بالحجي ويايه
يقين : اوك «بابتسامه »
اكعد ويايه اكل
محمد : لا اني متغدي بس راح اسويلي عصير واكعد اشربه يمج.
يقين: اوك☺
-
-
-
-
يقين : اتغديت وخلصت وكمت دا اريد اغسل المواعين دا افرغهن وانقلهن للسنك
محمد : خلي اساعدج بشيلهن
يقين: لا عليمن هن شكم ماعون
محمد : لا عادي
محمد : شلتهن وياها وكعدت علئ الكرسي جان تجي امي لكت يقين علئ السنك واني كاعد
ام محمد : محمد اشبيك ابني ليش متساعد لبنيه لعد نورا وين
يقين : لا خاله اصلا خلصت بعدين محمد
ما قصر هو السوالي الغده ونورا دتقره
ام محمد : اني رحت شفت جوارينه مرت ابنهم جابتلهم ولد الله يخلي الهم
ويتربه بعزهم ،،
والله اتمنئ ازوجك محمد وافرح بيك واشيل ولدك بس اتكول اي والله اخطبلك الي اتعجبك بس كول اي
"اتعمدت احجي هيج حته اشوف ردت فعلهم اثنينهم اريد اتأكد هم صدك معجبين اببعض "
محمد : ها يوم اشبيج هليام بس اتريدين اتزوجيني واتخلصين مني
" يوم بس انتضري اتأكد من مشاعري ومشاعرها واكيد راح اتفرحين بيه "
يقين : سمعت خاله من جانت تحجي هيه ومحمد اني جنت كاعده يمهم
ما اعرل ليش اتضايقت وحسيت نفسي ضايجه
ام محمد : مو صحيح يقين اي ام اتريد تفرح اب ابنها
يقين :
انتهئ البارت اتمنئ يعجبكم
ملاحظه / راح انهي القصه احتمال بعد بارتين بس اطوال ادعموني. 👍👍
# jukoorane
أنت تقرأ
❤لاعب المنتخب العراقي عندما يحب ❤
Romanceتتحدث القصة عن لاعب شاب ومشهور جدا من المنتخب العراقي يقع بحب صديقه اخته ..لنرى ما ستحكيه القصه من معاناته لكي لا يكشف ^-^ اتمنه تنال اعجابكم »الشكر موصول الئ مصممه الغلاف « شكر لك http://my.w.tt/UiNb/AQTgABWdxF
