السلام عليكم
اشلونكم 😞
اسفه والله ادري بنفسي مقصره وياكم ان شاء الله يعجبكم البارت طبعا راح اذكركم بالاحداث الاخيره بصوره مختصره وبعدين ابدي يله نبدي اكشن 🎬🎬🎬🎬🎬🎬🎬
نورا : لبستها واني لبست وصحت علئ محمد يشيلها لان نايمه وجسمها جمر من الحراره
محمد : شلتها وخليتها بالمقعد الخلفي وصعدت وياها نورا
نورا : محمد هذا المضمد وين رايح بعد
محمد : لا ما اخذها اله شنو شاب يضربها ابره لو ايقيس ضغطها
نورا : محمد الطب ما بي هاي الشغلات
محمد : لاااا بعدين احتمال هيه متقبل واتكول ليش اخذتوني علئ مضمد مو مضمده ،،
محمد : "اني طالعه روحي وخايف عليها ونورا اتكلي اخذها علئ المضمد ،، هسه بالله هاي شحجي وياها ،،،،
حسيت بيقين متئذيه من ورايه لان اني البللتهم "
اااهههه اشلون راح اخلي عيني بعينها من تصحه
محمد : اخذتها للمضمد دخلنه بس طافره روحي اشلون راح يفحصها هذا الشاب المضمد امري لله شسوي مضطر ، دخلنه للمضمد فحص ضغطها
كال ضغطها مرتفع وفحص حرارتها
مرتفعه كولش كال راح اخبطلها ابره اتنزل حرارتها هيه صاير عدها فلاونزه بالاعضام
محمد : يعني متكدر تنطيها دوه منا للصبح حته اخذها دكتور الصبح بس تنزل حرارتها
المضمد : لا حبيبي حرارتها جداا مرتفعه
محمد : اعذرني لان راح ادخل بس تكدر اتحطلها كانونه ؟
المضمد : ابراحتك حبيبي ماكو مانع
محمد : حطلها الكانونه وضربها ابره طبعا هيه بين الصاحيه وبين النايمه احسها كامت تهذي وتحجي بس بصوت ناصي
نورا : حبيبتي يقين اشبيج شتكولين ؟
يقين : اني متئذيه و راسي يوجعني بس اني وين «بصوت متقطع «
نورا : حبيبتي جبناج للمضمد وهسه حنرجع للبيت
محمد : رجعنه للبيت واخذتها للغرفه جنت شايلها وهيه متمسكه بملابسي وما اعرف اشتحجي ما كدرت اسمعها لان صوتها ناصي ، نومتها علئ الجربايه وجنت احاول اوخر ايدها من التيشيرت اللابسه وخرتها وكمت ،
محمد : نورا ديري بالج عليها مو اتخليها وتنامين احنا الي سببنالها هذه الي دتمر بي اعتني بيها
نورا : هو احنه لو انت بللتنه بالمي وخليتنه نرجف !!؟علئ العموم ماكو داعي اتوصيني بصديقتي يله انته هم روح نام اتن مو كلت باجر وراك روحه للنادي
محمد : هاا اي ذكرتيني وبعدين لازم اسافر للبصره علمود المعسكر التدريبي يله روحي يمها تصبحون علئ خير ،
«الوقت : الساعه بالتسعه الصبح »
محمد:كمت الصبح تعبان وقلق علئ يقين سبحت وبدلت واخذت ملابس بالجنطه لان راح اروح للبصره ورا ما اروح للنادي نزلت شفت امي سلمت عليها
محمد : صباح الخير امي
ام محمد : صباح الورد حبيب امك
محمد : يوم نورا ويقين ما كعدن من النوم ؟
ام محمد : يقين بعدها نايمه ونورا راحت للدوام
محمد : ها زين يقين اشلون صارت خوما بعدهت مصخنه
ام محمد : لا حرارتها انخفضت
محمد : يوم كل اشويه وروحي شوفيها خطيه ليصير بيها شي ومحد يدري
ام محمد : لتخاف اني كل اشويه اروحلها
محمد : اني اروح للنادي اشوفهم شيريدون مني طالبيني ومناك اروح للبصره ليضل بالج وسلميلي علئ يقين ونورا وكولي اليقين كلش اعتذر لان جنت السبب بمرضج
ام محمد : اتروح وترجع بالسلامه ولتكطع وياي طمني عن امورك وكلامك يوصللهن ان شاء الله
محمد : جنت ابد ما اريد اروح وادعي من ربي يلغون الروحه لان راح يضل عقلي وگلبي يم يقين ،
:
:
:
:
:
:
:
رحت للنادي دخلت علئ مساعد المدير
محمد : السلام عليكم
م،ر : وعليكم السلام اشلونك محمد
محمد : زين الحمد لله ،،،،دزولي رساله وخابر عليه السكرتير مالك وكال يردوك شكو شصاير استاذ
م،ر : اي محمد اتفضل اكعد خلي اتناقش وياك بموضوع مهم
محمد : كعدت وكتله اتفضل
م ،ر : محمد مثل متعرف انت اكثر من عرض اجاك من فرق معروفه خارج العراق وجنت دائما ترفض هلمره اجاك عرض من نادي معروف جدا بيطاليه وعرضهم جدا مغري احنه من وجهت نضرنه اننصحك مضيع هاي الفرصه وتوكل علئ الله ووافق انت شدكول وشنو رئيك
محمد : والله ما اعرف شكلك طبعا اني جدا سعيد انو دا اقدم للكره العراقيه كل ما املك من قوه ومهاره بحيث جذبت عرض مهم من ايطاليه بس خليني افكر واردلك خبر
م ،ر : صدك نسيت اكلك انت لازم تبقئ اهنا ابغداد علمود تجديد عقدك ويه النادي يعني لتلتحق بالمعسكر الي بالبصره واذا صار وقبلت بالعرض مال النادي الايطالي فبعد احسلك والقرار بيدك
محمد : طلعت من النادي والفرحه صارت فرحتين فرحه العرض وفرحه اني ما راح التحق بالمعسكر ، رجعت للبيت واني فرحان دخلت لكيت امي بالمطبخ
محمد : السلام عليكم
ام محمد : وعليكم السلام ابني !!!
اشلونك حمودي
محمد : هله يوم رجعت المدير كلي ماكو داعي اتروح لان عندي شكم شغله بالنادي اكلج تعالي اريدج اخذ رئيج بشغله
ام محمد : تعال ابني اكعد هنا خلي اجيبلك شي اتشربه اكيد محتر وبعدين نحجي
محمد : يوم انتضرج بالاستقبال خلصي الي بيدج وتعاليلي
ام محمد ماشي ابني
:
:
: «تسريع للاحداث »
محمد : اجتي امب وسولفتلها علئ العرض الي اجاني فكالتلي
ام محمد : ابني انته من زمان جانت تجيك عروض وترفضها من ورانه اني واختك حته متعوفنه بوحدنه بس هاي المره اني شايفتك سعيد بالعرض هواي لذالك ابني اتوكل علئ الله ووافق واحنه اكيد راح انساندك
وليضل بالك علينه اني واختك ،فكر بمستقبلك لان احنه اهواي اخذنه من عمرك وكلشي مشفت من حياتك شيلناك الحمل وانته بعدك شاب
محمد : اي يوم اني هالمره ما اعرف كلش فرحان بالعرض و هو هذا العرض الي جنت اتمناه ،،
بس يوم اني عندي موضوع ثاني اريد احجي وياج بي
ام محمد : اي ابني احجي اكلج تذكرين من كلتلج اني عندي بنيه معجب بيها و منتضر اتأكد منها اتبادلني المشاعر لو لا
ام محمد : اي ابني اتذكر اكيد
محمد : اي يوم اريدج اتروحين وتحجين وياها وتشوفيها اذا عدها مشاعر الي يعني قصدي سئليها اذا اجيت وتقدمتلها تقبل لو ترفض
ام محمد : اي احجذ وياها بس هيه يقين صديقه اختك مو ؟!!
محمد : شنووو 😰؟؟! هاا .... 😟 اي هيه بس يوم اشلون عرفتي بيها هيه هذي الي اريدها ؟؟؟؟
ام محمد : حبيبي اني امك واعرفك واقراك،، من نضراتك الها وقلقك عليها وحته من اجتي لحد الان انت ما تطلع من البيت وضال تفتر منا ومنا ههههه ابني وعرفك 😂
محمد : لعد هلكد امبين عليه احبها هههه والله يا امي مينكدرلج 😅
بس يوم قبل متحجين وياها اني راح
اخذ رئيها بموضوع العرض الي اجاني
بس بغير طريقه
حته اذا ما تقبل اني الغي الروحه
ام محمد : ماشي ابني ابراحتك
انتهئ البارت
عدد الكلمات 955 كلمه
اتمنئ يعجبكم
انطوني رئيكم بي وصوتوله
وناقشوني بالقصه واحداثها اذا عدكم استفسار
باااااي
احبكم 😘
أنت تقرأ
❤لاعب المنتخب العراقي عندما يحب ❤
Romanceتتحدث القصة عن لاعب شاب ومشهور جدا من المنتخب العراقي يقع بحب صديقه اخته ..لنرى ما ستحكيه القصه من معاناته لكي لا يكشف ^-^ اتمنه تنال اعجابكم »الشكر موصول الئ مصممه الغلاف « شكر لك http://my.w.tt/UiNb/AQTgABWdxF
