محمد :وصلنه لبيتنه وطبينه من باب المطبخ جان تتلكانه امي
ام محمد:وين جنتوا والله خوفتوني عليكم رحتو تركضون ركض شكو اشبيكم احجي ويه محمد ميجاوب يكلي من نرجع اسولفلج وانتي نورا ليش مجاوبين علئ تلفونج يله واحد منكم يسولفلي ،
يقين :هذا الحجي كوله كالته خاله ام محمد ومتدري بيه اني ورا محمد ويقين
انتبهتلي خاله وسلمت عليها طبعا هيه اتفاجئت من شافتني وكالتلي هلو حبي يقين خيرج شكو خوفتوني؟
محمد :نورا ويقين انتم روحو نامو واني اسولف الامي
نورا : ماشي يله يقين خلي انام
محمد : سولفت الامي وطمنتها ورحت للاستقبال فتحت التلفزيون وكعدت اباوع علئ لعبه مال طوبه جان تدخل عليه نورا ويقين شايلات افراشاتهم ههههه جنهم عرب شايله 🐫🐪 ههه شكلهم يضحك المهم ،
محمد : هااا خيركم شو هنااا
نورا : لا بس كلنه انام اهنا لان السبلت مال غرفتي طافي والدنيا حااااره
محمد : لا لتنامون اهنا صعدو الغرفتي نامو بيها واني انام اهنا
يقين : والله دا حس اني دا اثكل عليكم ودا احرجكم والله ما اعرف اشلون اردلكم الجميل
محمد : يقين ليش هل حجي وانتي ليش هيج اتفكرين والله لا اتعبينه ولا شي وبعدين مقامج بمقام نورا وانتي صديقتها وعشرت عمر وياها وهيه دائما اجيب طاريج بالخير
يقين : شكرا الكم 😇
محمد : يله صعدو خليني اكمل اللعبه
يقين : صعدنه لغرفه محمد دخلنه للغرفه الغرفه اطير العقل بيها جربايه مال نفرين بيضه وحلوه كولش والغرفه امرتبه وريحتها ريحه محمد وعطره نفسه ايجنن دخلنه وحطينه غطه جديد علئ الجربايه ونمنا اني ونورا عليها ورا ربع ساعه واني مجايني نوم اما نورا فهيه غاطه بالنوم اندك الباب مال غرفه
يقين : بقيت علئ الجربايه متمدده بس صحت منو اتفضل جان عبالي خاله ام محمد بس طلع محمد فتح الباب مال غرفه
محمد : بس اريد شاحنتي " يا يابه شفتها متمدده علئ جربايتي ونفس الجها الي انام بيها اتفاجئت بس هيه اول مشافتني اتفاجئت وكعدت" ورادت اتكوم من الجربايه بس اني كلتلها لا ابقي براحتج بس احذ الشاحنه واطلع جانت الشاحنه علئ المجر ( الميز )الي يم الجربايه والجهه مالتها اني اتقربت وهيه حسيتها استحت فاخذت الشاحنه وكلتلها تصبحين علئ خير
يقين : وانت من اهل الخير ، طلع من الغرفه ونمت وثاني يوم الصبح هم كعدت علئ صوت الباب الساعه جانت بالسته كمت بس بعدني نعسانه رحت افتح الباب فتحته وجان يطلع محمد سديت الباب بوجه " عزه هاي اني اشسوير اشكد عيب " حطيت الشال علئ راسي بسرعه وفتحت الباب
يقين :اني اسفه سديت الباب بسرعه بس جنت بدون حجاب
انتهئ البارت 😅اتمنئ يعجبكم راح انزل بارت فد اشويه 😊💐
أنت تقرأ
❤لاعب المنتخب العراقي عندما يحب ❤
Romanceتتحدث القصة عن لاعب شاب ومشهور جدا من المنتخب العراقي يقع بحب صديقه اخته ..لنرى ما ستحكيه القصه من معاناته لكي لا يكشف ^-^ اتمنه تنال اعجابكم »الشكر موصول الئ مصممه الغلاف « شكر لك http://my.w.tt/UiNb/AQTgABWdxF
