فِّتّأّةّ أّلَمَيِّتّمَ,,,,,
#الجزء_الثاني
وبنفس اليوم بالليل كانو البنات سهرانين نور ورغد عم يلعبو شدة ورنا متل العادة عم تئرا رواية وتشرب كاسة عصير اما قدر ضلت ئاعدة جنب الشباك يلي بيطل عالساحة وهي زعلانة..😢
نور :وله رغد حاج تغشي
رغد :انا غشاشة ؟ هي لإني ربحت عليكي 😂😂
نور :اي غشاشة. مو قدر كلامي صحيح ؟
بس قدر ما ردت عليها وضلت شاردة
ئربت رغد علئ قدر وئالت :يالله قدر فكيها يعني اخرتا يرجع
قدر :وبركي مارجع 😢
نور :لا لاتفاولي انشالله يرجع
رغد :شو نور شايفتك ملهوفة علئ رجعة تيم اكتر من اختو 😏
نور :اه ...مممافي شي بس ازضي الله يرجعو بالسلامة
ضحكت رنا وسكرت الرواية وئالت :لك اعترفي نور
نور :ععلئ ششو اعترف
رغد :انك بتحبي ❤
نور :لك انتو شو دخلكون
قدر :وله نور بس يرجع تيم بتحكيلو انك بتحبي وخلصينا من هالئصة
نور :لك انتو شلون عرفتو 😥
ضحكو البنات عليها ...
وفجأة سمعو صوت جاي من الساحة وركدو عالشباك لحتئ يشوفو بس مائدرو يشوفو شي لأنو كانت الساحة عتمة
رنا :شايفين شي بنات
نور :في خيالات 😱
قدر :يمكن هاد تيم ،رح اطلع شوفو
رغد :شو جنيتي يمكن مو اخوكي
رنا: انا رح اضوي الضو
رغد :لك لا شو جنيتي هلئ بتشلئي الدبب علينا بركي حرامي لأ بركي مجرم ومسلح ويئتلنا ازا شفنا 😱
وفجأة بلش يفتح باب المهجع شوي شوي ...خافو البنات وركدو وتخبو ورا تخت رغد وهنن مرعوبين
وسمعو صوت شب عم يحكي مع حدا تاني
الأول :شو هي غرفة البنات
التاني :اي انا سمعت انو هدول الأربع بنات هنن اكبر بنات بالميتم لهيك حاطينون بغرفة لحالون بعيد عن الصغار
الأول :طيب وينون ؟
التاني :والله مدري ،
وصارو يتفتلو بالغرفة كأنن عم يدورو عشي والبنات مرعوبين وخايفين يشوفوهون وبس وصلو عند تخت رغد ئال الشب :نحنا لازم نروح شكلا المربية صحيت
وهربو الشباب وبعد شوي طلعو البنات مرعوبين من الغرفة وبلشو يخبطو علئ غرفة المربية ...وطلعت وهي عم تتاوب. وتئول :لك ليش هالتخبيط كلو شبكون
وبلشو البنات يحكو سوئ
المربية :لك اسكتو وحاكوني وحدة وحدة
نور :ففففيي حححرااا....
المربية :لا رح افهم منك كتيير ،احكيلي انتي رغد
رغد :نانا نحنا كنا سهرانين...
المربية :يخربيتكون لهلئ السهر ولية انتي وياها شو نسيتو انو بكرا عنكون دوام مدرسة
قدر :بس نانا ...
المربية :بلا بسبسة يالله شرفو عالمهجع وخمس دئايئ بدي لائيكون نمتو
وراحو البنات عالمهجع...
رنا :وليش ما رضيت تسمعنا
رغد :ياترئ مين هدول ؟ وشو بدون
نور :انا خايفة يرجعو 😥
قدر : مو شكلون حرمية ،انتو سمعتوون لما سألو علينا وئالو انو نحنا اكبر بنات الميتم
رنا :لك قدر ليكون هادا مئلب من اخوكي تيم
قدر :لا تيم مابيمزح هيك مزح تئيل بعدين نسيتي انو تيم مسافر 😒
رغد :خلص بكرة ازا رجعو بنواجهون
قدر :شو جنيتي انتي والله ئصفو ركبي من الرعبة اليوم
رنا : بنات خلينا ننام لأنو تأخر الوئت و بكرة عنا دوام
وراحو البنات كل وحدة عتختا وهنن خايفين يرجعو الشباب واخيرا نامو ...
والصبح بكير فاتت المربية عليهون وبلشت تصحيهون وتشيل عنون الحرامات وتئول ئومو ولة انتي وياها ،نعسانين صح ؟ اي لكن هاد اللي بدو يسهر 😒
نور :اخ لو تعرفي الكابوس اللي عشنا مبارح يا نانا 😣
المربية :يالله ئومي بلا حكي فاضي هلئ بتتئخرو عالمدرسة
مسكت المربية قدر وئالت :قدر كيفو اخوكي وينو ليش معد اجا
قدر :نانا تيم طلع مسافر
المربية :مسافر ؟طب لوين ؟علئ حسب علمي انتي وتيم مالكون حدا
قدر :والله علمي علمك وحتئ رفيئو مابيعرف لوين راح
المربية :طيب الله يرجعو بالسلامة ،يالله بنتي روحي جهزي حالك مشان تروحي عالمدرسة
وهنن عالطريئ ...بلشت رغد تطلع حواليها اطلعت عليها قدر وئالت :رغد شبكي ؟
رغد :مابعرف بس حاسة انو في حدا بيرائبنا 😥
رنا :خلص رغد حاج وسوسة ،بجوز اللي صار مبارح مئلب من شباب الميتم بقسم الولاد
قدر :بجوز
نور :بنات الله يوفئكون لا تتركوني لحالي خايفة انخطف
رغد :هههههه لا تخافي اساسا اللي بدو يئرب عوحدة فينا بدي اكسر ايدو
رنا :ولو نور نحنا معك ورح تخافي ،
واتفئو ينسو اللي صار ....وكملو طريئون عالمدرسة
اما بنفس الطريئ كان بالفعل في حدا عم يرائبون ،
كانو الشبين ئاعدين بالسيارة وعم يتطلعو بالبنات وئال واحد فيون واسمو طارق :اي هدول اربع بنات وكلون بنفس العمر كيف رح تعرف اي وحدة فيون المطلوبة
رد عليه التاني (فادي ) :والله ماني عارف بس رح نضل نحاول لحتئ نعرف اي وحدة فيون
طارق :لك اخي ليش مابتسئل ادارة الميتم وبتريح راسك
فادي :بالله انتة اهبل وللا عم تستهبل بتعرف انو البنت وراها مصايب وازا سئلت عليها رح ترجع تفتح الملفات الئديمة كلها ونحنا مو نائصنا
طارف : طيب متل مابدك ،يعني رح ترجع تفوت عالميتم متل مبارح 😥
فادي :اكيد لأ ،اساسا مبارح طول ماني بالميتم وانا حاطط ايدي عئلبي بس ئلت لحالي بركي ازا نبشنا بغراض البنات اعرف اي وحدة فيون اللي بدي اياها
طارق :الخلاصة فادي وبعدين شو رح يصير
#2
فادي :رح نضل نرائب وانا عم فكر بخطة تخلينا نتعرف عالبنت بأسرع وئت ،بس هلئ خلينا نروح انا تعبان ونعسان خلينا نمشي
وراحو .....
وبس خلص دوام المدرسة ،رجعو البنات عالميتم وبس دخلو سمعو حدا عم يبسبس من عالسور اتطلعو عليه وصرخت قدر :تيم 😍😍
تيم :لك يخربيتك مابتبطلي عادتك انتي هلئ بتجي نانا علئ صوتك
قدر :نزيلي لهون بسرعه 😍
ونط تيم جنب نور وئال :كيفك نوور
نور :اااهللين تتيم الحمدلله عالسلامة ☺
تيم :الله يسلمك
وئرب علئ قدر وكان بدو يضمها بس هية شلحت كندتا وصارت تضربو وتئلو :ليش سافرت بدون ما تخبرني
تيم :لك قدر في وحدة بتستئبل اخوها هيك
وبلش يهرب منها وهي تركد ورا بالكندرة
قدر :وين عم تهرب مني تعال
وهوة يركد وهي عم تلحئو وفجأة طلعت رغد بوجهو وخبط فيها وئعو سوا وهوة صار فوئها تئريبا 😂
انصدمو البنات وجمدو بأرضون اما تيم نسي حالو وصفن بوجه رغد وهية لسا مو واعية عالشي يلي صار ولسا عم تتوجع من الوئعه ،واخيرا انتبهت انو تيم لسا وئعان عليها وصرخت :ولا تيم ئوم عني ياواطي عنجد انك ما بتستحي 😠
انحرج تيم وئال :اانا اسف رغد بالغلط والله
رغد :كيف بالغلط يعني انتة ما بتستحي
قدر :شبنا رغد لا تكبري الئصة ئلك بالغلط
وفاتت رغد عالمهجع مزعوجة ،واخيرا طلعت المربية ...
وئالت :لك ليش هالضجة لسا هلئ اجيتو من المدرسة ؟
وشافت تيم وائف بين البنات ،
المربية :شو استاز تيم الحمدلله عالسلامة ،يلي غاب غيبتك جاب هدية ،وين كنت ولا
تيم :لك كيفك نانا والله اشتئتلك واشتئت لئتلاتك 😍
المربية :اطمن متحمتلك علئ وحدة ،وانتي قدر ليش حاملة كندرتك بإيدك ؟
خبت قدر الكندرة ورا ضهرة وصارت تصفر 😂
تيم :شايفة نانا شو عملت فيني قدر بدي اشكيلك عليها
قدر :تيم يا بتسكت يا اما بئلا شو عملت مع رغد 😒
تيم :لا خلص هي سكتنا 😁
ورن تلفون تيم ورد :الو...اي ....ططيب ليكني جاي فورا ...
وسكر وئال :ليكي قدر انا لازم امشي
قدر :طيب ئلي وين كنت مسافر
تيم :بعدين بعدين ...
وراح ومارضي يحكي لقدر وين سافر....
.
وبعدا بيوم كانو كل البنات بالمدرسة بس رغد اخدت ازن لأنها كانت مريضة وطلعت وهية عالطريئ حست بصداع كتيير ئوي وعيونا بلشو يغبشو من الوجع وكان كل هما توصل عالميتم ،وئفت الإشارة وبلشت تئطع الشارع وفجأة اشتد الوجع عليها ومعد ئدرت تكمل مسكت راسها وئعدت بنص الشارع ومعد حست عشي ،والإشارة فتحت والسيارات بلشت تزمرلا لحتئ تئوم وتكفي طريئها بس رغد مو ئدرانة توئف من وجع راسها ،بعد شوي حست في حدا مسكلا ايدها وئومها وبلش يمشيها وبعد ما وصلت عالرصيف سمعتو عم يئلا :انتي بخير يا انسة؟
كانت لسا رغد موجوعة بس الصداع بلش يخف ولس حاطة ايدها علئ جبينها وردت :اي الحمدلله خف
وفتحت عيونها ولئت شب طويل ابيضاني بعيون شهل والو لحية خفيفة ولابس بدلة اكلة من جسمو شئفة علئ ئد مو لابئتلو 😍،تفاجأت رغد وسحبت ايدها من ايدو وئالت :اانا منيحة عن ازنك
...:ازا كنتي مريضة خليني اخدك عالمشفئ
رغد :لا مافي داعي صرت تمام عن ازنك
ومشيت رغد بسرعة ،واطلعت وراها لئتو بيطلع عليها وبيتبسم ،ردتلو رغد الإبتسامة ورجعت كفت طريئها 😉
ضل الشب يرائبها وهية ماشية لبعيد وفتل بدو يمشي وحس حالو داس علئ شي ،نزل عالأرض ولئا خاتم دهب مرصع بالألماس ملفوف بسنسال ،حملو وئال :شكلو وئع من البنت ،مبين عليه غالي انا لازم رجعلا اياه ...
وركد لمكان ما فاتت رغد بس مالئاها وما عرف وين فاتت 😥
اطلع عالخاتم وئال لحالو :كيف رح رجعلا اياه هلئ ،واطلع بساعتو وئال :العمئ اتأخرت عالإجتماع والله هالبنت نستني الدنيا وما فيها 😓
وركد وطلع بسيارتو بسرعة ومشي .....
#يتبع....
أنت تقرأ
#فتاة_الميتم
Short Storyأحيانا الطمع بتغلب عالعاطفة اللي جواتنا ...بخلينا وحوش بأجسام بشرية ...وبيئتل الحب اللي كان ....قصة فتاة الميتم. .بقلمي....#Hajar_Sh
