فِّتّأّةّ أّلَمَيِّتّمَ,,,,,,
#الجزء_العاشر
ضل عمر يدء الباب ....ورجع فادي عالبيت ومسك طارق وئللو :اسماع ولا بتنئبر تطلع عغرفتك ومابدي شوف وجهك لبين ما يروحو والا بدبحها ئدامك متل ما بتندبح الغنمة وانتي وليه ريهام فوتي لجوة 😠
فاتت ريهام مرعوبة عغرفتا وطارق كمان طلع عغرفتو ،واخيرا فتح فادي الباب ....
فادي :خير خير ليش هالتخبيط كلو
وسيم :ليش طولت لحتئ فتحت ؟
فادي :كنت نايم شوفو ئديش الساعة معكون ،الساعة 2 بعد نص الليل
عمر :عمر محي الدين محقق بالجنائية
فادي :اهلا وسهلا تفضلو
تيم :وينا ولا
فادي :ومين انته كمان ؟وعن مين عم تسئل ؟
تيم: لا تغشم حالك وينا قدر ؟
فادي :ياحبيبي علئ اساس عرفتا ،انتو ليش جايين هلئ
وسيم :فادي قدر بنت اختي ويناها
فادي :ااااه ...ليش مرت ابي الله يرحما عندا ولاد ؟
عمر :بتعرف انك واحد مستفز ،عم نسئلك عن البنت اللي خطفتا من الميتم
فادي :انا خطفت بنت وليش لأخطف بنت ومن الميتم كمان ؟
تيم :عم نسئلك بتجواب ما بترد علينا بسؤال تاني
عمر :نحنا بدنا نفتش البيت
فادي :خليني شوف ...رسام ...ومحقق بالجنائية...وولد عم يصرخ ومابعرف شو بيشتغل... وين ازن التفتيش ؟ شو حضرة المحقق هاد مابتسموه انتو اعتداء
سكت عمر واطلع بتيم ووسيم ،وانتبه انو في ورئة مشئوئة عالأرض..
عمر :شو هي الورئة
تلبك فادي وئال :لك هي اختي كانت عم تدرس بالصالة وشكلا وئعت ورئة من ورائها
عمر :شكلا البنت مو هون شباب خلينا نمشي...
وبهاللحظة كانت قدر عم تحاول تفك حالها وحاولت تئرب عالشمعة لحتئ تحرء الحبل بس الكرسي خبط بالطاولة ووئعت الشمعه عالكنبة وولعت وقدر مو ئدرانة تصرخ او تتحرك...
اما رغد ورنا وصلو اخيرا عالمزرعة ونزلو من التكسي ...
رنا :انتي متأكدة رغد هاد العنوان
رغد :لك اي متأكدة مفي غيرها بهالمنطئة
رنا :انا خايفة
رغد :تعي نفوت ...خلصيني
وفاتو ...
رغد :لك هي سيارة عمر
رنا :متأكدة ؟
رغد :اي والله هية بسرعة تعالي ،
وركدو عالفيلا وشافو الباب مفتوح وفاتو...وتفاجأوا بوجود عمر وتيم ووسيم وائفين مع فادي
عمر :رغد رنا ؟ شو عم تعملو هون
رغد :هاد انته يا كلب
وئال فادي بئلبو :العمئ هدول شو جابون لهون
تيم :رغد شبكي
رنا :لك هاد هوة اللي خطف قدر ومن ئبلا نور كمان
عمر :والله كنت شاكك فيك
طلع فادي مسدس من خصرو وصرخ :اللي بدو يئرب بكون حفر ئبرو بإيدو
وهرب من الباب الخلفي ولحئو تيم وهوة عم يصرخ :لك وينها ولا وين اختا
طلع طارق عصوت الصراخ ولئا بوجهو وسيم
وسيم :شبك طارق ليش هيك وجهك مدمئ
طارق :اتخانئت مع فادي ،وضربني وزتني هون
وسيم :تعال. ...
اتصل عمر بالشرطة ولحئ تيم وفادي اللي كانو علئانين ورا الفيلا مع بعض وعم يتخانئو ....
هلئ صحيح فادي كان حامل مسدس بس ماكان حابب يئزي حدا فيه حتئ لما ضربو تيم ما فكر يئوصو ...
ضل تيم وفادي يتضاربو ،
تيم :احكي ولا وين وديتا
فادي :عنمين عم تحكي
تيم :لسا عم تغشم حالك،ليش ئتلت نور يا واطي
فادي :انا ما ئتلت حدا روح لزيئ هالتهمة بغيري
مسك تيم المسدس اللي وئع من فادي وئعد فوئو وسلطو عراسو وهوة معصب وئال :والله ببخش راسك بالرصاص ئلي وين قدر احسلك
فادي :ئلتلك مابعرف وينا ومسك المسدس وبلش يبعدو عنو ووصل لمستوا بطنو وهوة يبعدو وخايف تطلع رصاصة وتئتلو ،ومن خوفو ضل ماسكو فادي وفتلو عتيم وبدون ئصد تيم ضغط عالزناد واجت الرصاصة فيه
سمع عمر صوت الرصاص وركد عليه ،لئا تيم وائع علئ فادي ومعبئ دم
عمر :تييييم اخي ....وركد عليه
خاف فادي وئام من تحت تيم وئال : وال والله ما دخلني هوة ئوص بالغلط
عمر :والله لخليك تختخ بالحبوس يا واطي
فادي :لك ما دخلني هوة ئوص حالو
واجت الشرطة ومسكو فادي اللي بطل مقاومة بس اتئوص تيم
ركدت رغد ورنا عتيم وهنن مرعوبين ،
رغد :تيم مشان الله لا تموت ،ياربي ليش هيك صار
رنا :تيم تيم اصحئ اخي اصحئ 💔
أنت تقرأ
#فتاة_الميتم
Short Storyأحيانا الطمع بتغلب عالعاطفة اللي جواتنا ...بخلينا وحوش بأجسام بشرية ...وبيئتل الحب اللي كان ....قصة فتاة الميتم. .بقلمي....#Hajar_Sh
