فِّتّأّةّ أّلَمَيِّتّمَ,,,,,
#أّلَجِزِّء_أّلَثّأّمَنِ
وصلو البنات عالميتم لئو المربية ئاعدة بالساحة وعم تبكي
ركدو عليها ...
قدر :نانا شبكي ليش عم تبكي
المربية :لك ريهام طلعت ومارجعت لهلئ
البنات :شووو
رنا :وين راحت 😥
رغد :ولي ازا خطفوها
قدر :معئول مسكوها اخواتا ؟😰
بفوتت تيم عالميتم ...
تيم :مرحبا ياجماعة ،شبكون ليش هيك وجوهكون صفرا
قدر :اخي ريهام البنت يلي حكيتلك ئصتا ،طلعت ومارجعت
تيم :بركي رجعت عبيتها ... لا تكبرو الئصة بتعرفو شو اسما الكامل
رغد :لا والله مابنعرف هي من اي عيلة
رنا: شلون نسينا نسئلها
تيم :طيب بجوز راحت لعند حدا من معارفها لا تتوسوسو ،ازا مارجعت انا رح خبر اخي عمر بالئصة
قدر :شو تيم شو ئلت ؟
تيم :شو ئلت
قدر :كأنك ئلت اخي عمر ،شو تيم
تيم :انا ئلت اخي ؟
قدر :تيم لا تجنني انتة وعمر فيكون شبه موطبيعي واول مائابلتو عم يناديلك اخي شو الئصة ؟
اتلبك تيم وحس انو اجا الوئت لتعرف قدر الحئيئة وقرر يعترفلا انو مانو اخوها ....
وفجأة فات عمر عالميتم ....
عمر :السلام عليكم
ردو :وعليكم السلام
عمر :بصراحة اجيت لهون بشغل ،قدر الحئيني بدي حاكيكي بشغلة
استغربت قدر واتطلعت برغد يلي ئالتلا :روحي بسرعة
فاتت قدر عالغرفة وسكرت الباب وراها وئعدت ئبال عمر
قدر :شو عمر ،اسفة سيد عمر
عمر :معليش مفي داعي ترفعي الكلفة بيناتنا ،عالعموم انا اجيت لأنو رغد حاكتني مبارح ،فيكي تحكيلي يلي حكيتي
قدر :رح ئلك كلشي صار معنا حتئ ئبل ما تموت نور
من فترة لما كان تيم مسافر دخل علئ مهجعنا شبين ونحنا من رعبتنا تخبينا ورا تخت رغد وسمعناهم عم يحكو علينا ويلي فهمتو انو كانو مستئصدينا وئعدو دئيئة وهربو بعدا
عمر :وحكيتو لحدا ؟
قدر :لا لأنو ماكان حدا رح يسدئنا ،بعد هالحادثة صرنا نحس انو نحنا مرائبين وكل يوم يزيد هالإحساس
عمر :اي وبس هيك انتي شفتي يلي ئتل نور
قدر :اي ،اسمر وشعرو اسود والو لحية خفيفة
عمر :هي نفس الأوصاف يلي عطتنا اياها رنا طيب ماشفتي رقم السيارة ؟
قدر :لا لأنو كان مخفي
عمر :هاد بأكد انو الحادث كان مئصود
قدر :رح تمسكوه
عمر :اكيد ورح ياخد جزاتو كمان ..قدر انتي اكبر وحدة بالميتم صح ؟
قدر :اي انا تربيت هون من لما كنت بيبي
عمر :معناتا بتعرفي ئصة كل واحد هون بالميتم
قدر :اي
عمر :حكيلي عن نور...
قدر :لأ رح احكيلك عنا كلنا ،اول وحدة اجت هية رنا كان عمرا تسع سنين ابوها كان مدمن مخدرات ومات بجرعة زايدة وامها ميتة من زمان ومحدا رضي من طرف ابوها او امها يربيها فجابوها لهون ، بعدا بسنة اجت رغد وكانت من عيلة غنية كتير وابوها وامها ماتو بحادث طيارة بعد ما وئعت بالبحر اما هية ضلت عند جدا بس عمها ئش كلشي وزتا بالميتم بعد ما مات جدها ،ونور اصغر مننا بسنه كان عمرا تسع سنين ابوها ئتل امها واخواتها ئدامها وحاول يئتلها بس لحئوها الشرطة وجابوها لهون وابوها حكمو اعدام وانئطعت اخبارو من زمان ونور ضلت فترة عايشة بصدمة بعد هالحادث اللي صار ئدامها 💔
عمر :لا تبكي قدر ،انشالله رح نخلص هالموضوع بأسرع وئت...
ووئف بدو يروح ،
قدر :وفي شغلة ما حكيتلك اياها
عمر :شوهية
قدر :هدول عم يدورو عليي انا ،نور حكتلي انو بدن بنت في وحمة بصدرا
عمر :انتي ؟ ورجع ئعد
قدر :ممم.يعني لسا ماخلصت الئصة
عمر :قدر لاتخافي مارح خلي حدا يئرب منك ،بوعدك 💔
وبلشت قدر تبكي بحرئة ....زعل عمر عليها وئرب وبلش يواسيها ويمسحلا دموعها واطلع بعيونا وئلا : هدول العيون حرام تنزل دمعة منون
انفجرت قدر بالبكي وبدون وعي رمت راسها عكتفو ....
قدر :عمر مشان الله انا خايفة مابدي موت متل ماماتت نور
عمر :لا قدر انا رح ضل احميكي لآخر نفس رح يطلع مني حتئ لو رح موت ،رح ضل للآخر عم احميكي ....💔
وبالساحة ...
رغد :ليش تأخرو جوة 😥
تيم :رغد هاد شغل عمر لازم ياخد كلشي كلام منها لحتئ يئدر يحل القضية
واخيرا طلع عمر من الغرفة ....
تيم :شو صار معك عمر
عمر :تعال معي تيم ....
وطلعو من الميتم ....
تيم :شو عمر
عمر :لك قدر بخطر نور ئالتلا انو عم يدورو عليها
تيم :شوووو اختي وليش عم يدورو عليها
عمر :بظن الشغلة الها علائة بالماضي
تيم :معئول !!؟
أنت تقرأ
#فتاة_الميتم
Short Storyأحيانا الطمع بتغلب عالعاطفة اللي جواتنا ...بخلينا وحوش بأجسام بشرية ...وبيئتل الحب اللي كان ....قصة فتاة الميتم. .بقلمي....#Hajar_Sh
