#فتاة_الميتم

فِّتّأّةّ أّلَمَيِّتّمَ,,,,,
#الجزء_السابع

صرخت قدر :نووووور اختييي 😱
واطلعت بفادي ،وفادي اطلع فيها وترك نور مرمية بالشارع وهرب ... ركدت قدر لعند نور يلي كانت غرئانة بدما ومسكتها وبلشت تصحيها :نور يانور مشان الله اصحي
فتحت نور عيونا وئالت :قـ قـ قدر هـ هـ ددول ببدوون ايياكي ااانتتي
قدر :والله مافهمت عليكي شو عم تحكي
نور :اللوحمة بدن البنت يييلي في وححمة ببصدرا ،دديري بالك ققدر ...
وغميت نور بين ايدين قدر ...
قدر :نووور اصحي اختي ،
واخيرا وصل طارق لئا نور مرمية بنص الشارع وقدر معها والناس محاوطينون ،وصلت رنا وانصدمت لما شافت هالنظر وركدت علئ قدر...
رنا :لك شو صار قدر !؟
قدر :دعستها سيارة ...لك مشان الله ليش وائفين عم تطلعو اتصلو بالإسعاف 💔
نزل طارق من سيارتو وئال :يخربيتك يافادي شوعملت 😰
ركد عليهون وحمل نور من بين ايدين قدر وحطا بسيارتو ،ومسك قدر ورنا وئلون :طلعو معي خلينا ناخدها عالمشفئ
طلعو معو البنات بدون وعي واسعفو نور عالمشفئ ،واتصلت رنا بعمر وحكتلو عللي صار ،اما قدر ئاعدة علئ كرسي وتيابا كلون دم من نور ولسا مصدومة ومو ئادرة تحكي مع حدا...😣
اجو كلون عالمشفئ وركد تيم علئ قدر وبلش يهزا ويئلا :قدر شو صار لك ليش ماعم تردي
المربية :لك وينا نور وينا بنتي شو صرلا 😭
اطلع عمر بطارق وئلو :انتة مين كمان
رنا :سيد عمر هاد الشب اللي اسعف نور
عمر :شفتي يلي صار ؟
رنا :انا ماشفت شي ،قدر يلي شافت كل شي ،بس متل مانك شايفها مو ئدرانة تحكي مع حدا 😢
واخيرا طلع الدكتور من الإسعاف....
المربية :دكتور ئلي شو صار معك كيفا بنتي
عمر :شبك دكتور ليش ساكت
رغد :ببوس ايدك دكتور احكي طمنا
الدكتور :لا حول ولا قوة الا بالله ،العمر الكون الله يرحمها 😔
المربية :ولي علئامتي ولي عليي عليكي يانوارة الميتم 💔😭
انصدمت رغد ووئعت عركبها وبلشت تبكي ومسكها عمر وبلش يهديها
اما رنا حطت جبينها عالحيط وبلشت تبكي بصوت...😭
وقدر مائدرت تسدء الخبر ووئفت وبلشت تصرخ :لا دكتور نور ما ماتت ،مشان الله رجاع فحصها مشان الله نور ما ماتت لك ما ماتت ئبل شوي كانت عم تحاكيني لك نووووور اصحي يا اختييي نووووووور 💔
ورمت راسها عصدر تيم وبلشت تبكي وهي عم تنادي عنور 😭
انتبه عمر عطارق انو كان زعلان ومئهور كتير ...ووئع الشك بئلب عمر تجاه طارق وقرر يحطو براسو
رجع طارق عالبيت لئا فادي ئاعد بالصالة ،مشي لعندو بسرعة وضربو بوكس عوشو وئلو :ليش هيك عملت
فادي : شو عملت
طارق :فادي لا تغشم حالك ليش خبطت نور بالسيارة
فادي :ماكنت ئاصد اخبطا ...انا بس كنت بدي رجعها
طارق :والله لو بلعتلي ورء المصحف مارح سدئت ،انته ضربتا ئاصد ،هي ماتت البنت انشالله تكون ارتحت؟
فادي :وئصدت اضربها ،رح تشتكي عليي ؟رح تسلمني للشرطة يا طارق ؟ رح توصل اخوك لحبل المشنئة بإيدك ؟يا اخي....!
سكت طارق وحس حالو وائع بين نارين ...
فادي :شو طارق شايفك سكتت !؟
طارق :فادي ،انا ماني مستعد كمل بهالئصة لهون وبس
انا مابهمني شي
فادي :بس انا بهمني ،انا ماني مستعد بعد كل هالتعب والشئا تجي بنت تربت بميتم وتئش كل شي عالبارد الهين ....ابوك غلط وانا مابدي ادفع تمن هالغلطة طارق
طارق :يلعن ابو المصاري ازا رح تعملنا وحوش
فادي :هي المصاري يلي عم تلعنا هية اللي عملتك بني ادم والك ئيمة بهالدنيا
طارق :خليها تنفعك فادي انا سحبت ايدي من الئصة كلها
وتركو وطلع علئ غرفتو وفات وزت حالو عالتخت وئال :شو يلي عملتو ياربي تسامحني ،يياربي سامحني 💔