#فتاة_الميتم

فِّتّأّةّ أّلَمَيِّتّمَ,,,,,
#الجزء_التاسع

فادي :خليني عرفك علينا من اول وجديد....انا اسمي فادي. وعمري25 ،وهاد الشب الحلوة اسمو طارق وعمرو 21 وهي الأمورة ريهام بتعرفيها وعمرا 15 ونحنا بنكون ...اخواتك
قدر :اخواتي....!!!؟ ككيف اانا ....
فادي :مصدومة صح ؟ ونحنا انصدمنا كمان لما عرفنا بوجودك .... بصراحة ماكنا متوقعين انو بنت متلك توصلنا عالحديدة ووجودك رح يكون خطر عمستئبلنا
قدر :وجودي خطر كيف ؟
فادي :انا جبتك بس مشان توقعيلي هالورئة
وطلع سند من جيبتو وعطاها ئلم ...
فادي :بتوقعي علئ هي الورئة وبعدا بترجعي عالميتم وبتختفي كأنك ما انولدتي وهيك بيرجع كلشي متل ماكان
طارق : فادي ...
فادي :طارق لا تدخل انتة
قدر :شو هي الوئة ،ما بوقعها لحتا اعرف شو فيها
فادي : حئك تعرفي ....ابي الله يسامحو واللي هوة ابوكي كمان انجلط من فترة وصابو شلل نصفي بيئدر يحكي وبفكر ، بس قرر بالأخير يئسم الورتة بيناتنا ، وبس شفنا وراء الورتة انصدمنا ،هاد العز كلو وكلشي مصاري وارزاء اتصوري ماطلعلنا شي منها ،كلها كاتبها بإسم بنتو المجهولة يلي بالميتم ومسجلك تحت اسم. سيدرا بنت وداد ،يلي هية انتي ،ونحنا ولادو من لحمو ودمو ماكتبلنا ولا ليرة من الورتة ، لهيك انا جبتك بهالطريئة لحتئ توقعيلي علئ ورئة تنازل عن كلشي املاك كتبلك اياها ابي ، وترجعي عالميتم وبننسا اللي صار كلو
قدر :هلئ عيشتوني برعب كل هالفترة وئتلت رفيئتي نور كرمال المصاري 💔 لك انته شو الله يلعنك ويلعن المصاري كلا الله لا يوفئك ....
ريهام :اهدي قدر مشان الله
قدر :بعدي عني انتي بالزات لا تلمسيني لك يخربيتك شو طلعتي حية من تحت تبن
طارق :لا قدر ريهام مو زنبا فادي هوة اللي خلانا نسوي هيك غصبن عنا
قدر :لو شو ماكان انتو شركة بالجريمة ....
فادي :هلئ رح توقعي وللا لا ؟
قدر : وينو اللي اسمو ابي ؟
ريهام :ليكو جوة بالغرفة بس ما بيرضئ يحاكي حدا
فادي :ريهام ...😡
خافت ريهام وتخبت ورا طارق..
قدر :فادي انا رح وقعلك ورئتك بس بشرط
فادي :شو ...
قدر :بدي شوفو ...
وافئ طارق يفوت قدر لعند ابوها ،واول مافاتت عالغرفة وشافها جمال ابوها تفاجأ ونطء :ووداد !!؟
قدر :هلئ ماما اسما وداد ؟
جمال :بنتي انتي بنتي ؟
قدر :لا ...بنت وداد ... مزالك انتة يلي تخليت عني كل هالوئت ...ليش رجعت دخلتني بحياتك ؟ كنت عايشة ومبسوطة بلاكون
دمعو عيون جمال وئال :ندمي وضميري يلي عم يضل يأنبني عالشي يلي عملتو مع امك
قدر :يلي عملتو ..؟ مابعرف كيف ئدرت تترك امي واخي بوسط المجهول وهية عم تولد
جمال :اخوكي !!؟ بس امك ماخلفت غيرك انتي وحيدتها
انصدمت قدر ودمعو عيونها وصرخت :كيف وحيدتها وتيم مين بكون لكن
جمال :انا رح احكيلك كل شي....من 18 سنة  كنت متجوز وعندي ولدين اخواتك طارق وفادي وكانت احوالي المادية زفت والفئر دبحنا ،وانا كان لازم اشتغل اي شي لحتئ ائئدر ربيون كنت لسا شب جوزوني اهلي بالعشرين ببنت خالتي ومابعرف شوهوة الحب لأنو كنت يادوب الحئ لئمتي ولئمت الصغار ،واتعرفت علئ منير بيك جدك ،وشغلني شوفير عند امك وداد كانت صغيرة وحلوة وبتدرس بالجامعه ،كنت كل يوم وصلها عالجامعة وعلئ مشاويرها ،اكتر اوئاتها تئضي مشوير بالسيارة وعلئ طول ضل معها ،وصرت اتأرب منها وهية ارتاحتلي وحبيتها وهية ما اعترضت بالعكس حبتني ووثقت فيني ، وصرنا نلتئي كل يوم ، واتشجعت ورحت خطبتا بعد ما طلئت ام فادي وجمعت شوية مصاري ،بس جدك رفض وبئوة وئلعني من شغلي ،ومسح بكرامتي الأرض بكلامو «ليش انتة مين لحتا تجي تخطب بنت منير بيك ؟ انتة شو مفكر حالك كلك شئفة شوفير عندي » وهون شعلت النار بئلبي وقررت انتئم منو وببنتو ،وقنعتا تهرب معي ،وهية وافئت بدون تفكير وهربنا ،جدك كان مسجل بإسمها املاك بيوت واراضي ومبلغ كبير بالبنك ،خليتها تكتبلي كلشي بإسمي لحتا ما يئدر ابوها يسحبون منها ،وصرت اشرب والعب ئمار ،تغيرت كتير عليها وبهديك الليلة يلي اجيتي فيها علئ هالدنيا ،كنا عم نتخانئ كرمال هالشغلة وزتيتا بالشارع بدون رحمة وضليت ماشي وفجأة طلعت سيارة ئدامي ائئدرت اتفاداها بس هية لا وشفت امك انقذت ولد صغير منها وهربت لبعيد والسيارة انفجرت بعدا ...
قدر :انتة موتت اهل تيم ؟💔
جمال :اي بسببي ماتو ولهالسبب خفت ،كنت راجع جيبا بس بما انو الولد معها وهي رح تحكي يلي صار خفت بزيادة بس ضليت رائبا من بعيد وئت دخلت عالمئبرة وبلشت تولد وهي تصرخ من الوجع وئلبي عم يوجعني عليها
قدر :شفتا عم تتوجع وتتعزب وما تحركت لك انتة شو؟
جمال :عئدان الفجر كانت ولدانتك وشفتا كيف لفتك بجاكيتا وحطتك جنب الولد بعد مارضعتك ونيمتك ،وهي سندت حالا ومعد الها صوت ،ئربت عليها وحاولت صحيها ماصحيت ،وداد ماتت ماتت وما سامحتني 💔
حملتك ،ووجهك متل الئمر ،بس مائدر اخدك انا مابستاهل بنت متلك لأني واحد حقير
رجعت حطيتك جنب امك وهربت ،لحتا ما يسجنوني بتهمة ئتل عيلة الولد...
ومن وئتا رجعت ام فادي ععصمتي وعشت وخلفت بنتي ريهام بس تئنيب الضمير ما وئف ولا تركني ابدا