جمال الروح

البارت الاول

للتنويه احبتي القصه ناشرتها من قبل بالفيس بس حبيت انزلها هنا بالواتباد للي يحبون يقرأوها❤❤ #شمس

البارت الاول ..
#جمال_الروح
#بقلمي_شمس

الجمال ليس كل شئ .. فجمال الرّوح ؛
هو الشّيء الوحيد الذي لا يستطيع الزّمان أن ينال منه.....

مرحبا اسمي عيسى .. عمري 33 كاتب وشاعر وبنفس الوقت متعين بالجيش .. طولي حلو وجسمي رشيق لكن دميم الوجه يعني محلو وهذا سبب معاناتي ..
من عائله ميسوره الحال احنا ولد وبنت فقط اختي متزوجه وشكلها جميل اي مقبول ليس مثلي  ..
حبيت بنت خالتي من اني صغير .. هي هم تحبني بس كأخ .. كانت الوحيده الي ماحسستني انه اني محلو حنونه وياي ويمكن هذا الي خلاني احبها واتعلق بيها هوايه .. نسيت اگولكم ع اسمها .. ماريانا .. جميله جدا خلي تعرفكم ع نفسها وارجعلكم ..#شمس

ماريانا .. اسمي ماريانا الوحيده الاهلي ومدللة عمري 25 سنه خريجه هندسه بس هذا ماكان طموحي .. اهلي حددوا مستقبلي كنت اتمنى اروح فنون جميله .. بس مصارت وبقيت احب الفن والرسم ودخلت دورات رسم وكذا بعد التخرج احب اسمع شعر ايضا ومولعه بي .. وكنت اتمنى اتزوج شخص عنده احساس ويكتب شعر..
عيسى .. رجعلتكم حبايب ..
اني كنت اكتب شعر وروايات بس مبقيهن النفسي كنت خايف انه يجي يوم والناس تنعجب بيهن ومن يشوفون شكلي ميتقبلوني عندي عقده من هذا الشي ..
فكنت اكتب بالسر ..
وتعينت بالجيش لان مااعرف اشتغل غير شغله بس الكتابه .. واهلي يلحون عليه ويگولولي الشعر يوكل خبز هم ياريت لو تتفق وي شركه وتشتغل وياهم مؤلف او شاعر .. كم مره بعت اشعاري وكتاباتي الاشخاص حتى اطلع مصروفي بس تندمت حيل .. تعبي يروح للغير ومينذكر اسمي ..
فماكو غير الجيش هو الحل الوحيد .#شمس
من داومت بالجيش .. تعرفت ع شباب وصادقت لان مجموعين من جميع الطوائف والاشكال وبس شباب شكلي ماخلاني انطوي الي وياي كولهم ارتاحيتلهم .. لكن اكثرهم ولد اسمه كرم ذهب صافي صار اكثر من صديق الي دايما وياي ميفارقني ..

كرم .. عمري 30 سنه اتمتع بطول وجسم رياضي حنطاوي مخبل بنات شارعنا 😂 بس عيبي غبي مافلحت بالدراسه ابد وماكو شغله اشتغلهه ابوي وامي اثنينهم موضفين .. اخواني اثنين اكبر مني واحد معلم ومتزوج والثاني صيدلي .. بس اني طلعت غبي عليمن ماادري .. قررت انتسب للجيش حتى اطلع مصرفي مليت ع گد مااهلي يعيروني بالمصرف ويقارنوني بأخواني ..#شمس

من دخلت للجيش قسمونه الى افواج وبالفوج الي اني بي تعرفت ع شاب اسمه عيسى هو مسيحي بس اخلاق شكله مامقبول بس قلبه نضيف .. كان كل يوم بالليل نسهر وياه ويقرألنا شعر . الكل حبته بس اني تعلقت بي مااعرف ليش شفقه او لان طيب كولش بزمن قلت بي الطيبه بهيج شكل ..
عيسى .. نزلت اجازه وكنت متواعد وي كرم نبقى نلتقي واحنا اثنينه ببغداد يعني بس فرق المناطق اني بالمنصور وهو بالكرخ ..
اول مرجعت بدلت ملابسي وطلعت حتى اهلي مگعدت وياهم هوايه كنت انطوائي معهم  .. امي طيبه وتنطيني الثقه بس الوالد دايما ينتقدني ويستهزء بموهبتي ..
رحت الماريانا بنت خالتي الجميله .. كانت تاخذ دورات رسم طموحها تكون رسامه وتفتح معهد .. من تشوفني تبتسم .. ابتسامتها تنطيني الثقه وكأني اجمل شخص ..#شمس

ماريانا .. هلو عيسى شلونك مشتاقين
عيسى .. هلو ماري اني هم مشتاقلج ..
ماريرنا. . الجيش اخذك مني كنت تغذيني بفنك .. ياللة ماكو روايه جديده صرت مدمنه رواياتك ..
عيسى .. ههههه هو بس انتي تقرأيهن
ماريانا .. عيسى لتضلم نفسك هيج انت انسان موهوب ليش متتفق وي دار نشر وتنشرهم حرامات تضيع هيج موهبه ..
عيسى .. خلص سدي الموضوع .. اكلج صدوگ جوعانه خلي نروح ناكل شي ..
ماريانا .. ههههه عندك وسيله لقلب الموضوع مصايره
عيسى .. ههههه تعجبني نباهتج بنت خالتي
ماريانا .. فديته الابن خالتي ومثلي بالحياة
عيسى .. ههههه كافي لاتحمين ترى اصدگ😂
ماريانا…  انت بنضري الشاب المثالي واخويه الواعي ..
عيسى .. من گالت اخويه احس طلقه اخترقت گلبي بس دايما احاول ماابينلهه اداري الموضوع بأبتسامه حقها هو مثل شكلي ينحب ..#شمس

هنا دگ موبايلي…
عيسى .. الو .. هلو كرم شلونك
كرم .. هلا بيك حبيبي عيسى اريد اشوفك اشتاقيتلك
عيسى .. هههههه لك شبسرعه اشتاقيتلي اليوم نزلنا
كرم .. هههه. تعودت عليك و ع سوالفك حتى اهلي خبصتهم بيك .. وانتقدوني يگلولي اول مره تصادق شخص عاقل ..
عيسى .. ههههه ديلله تعال احنا راح نروح للمول نتغدا تعال هناك ..
كرم .. احنا ?? انتو منو
عيسى .. اني وبنت خالتي تعال حتى اعرفك عليها .. صديقه طفولتي ..
كرم . اوك جاي
عيسى .. كان بودي اگله حبيبتي بس ....
ماريانا .. منو هذا كرم .. هيج بسرعه بعتني وشفتلك صديق غيري 😉
عيسى .. ههههه تبقين انتي الاصل .. بس هذا ولد تعرفت عليه بالجيش وياي بالفوج ورده معاملته الي وتصرفاته وياي مثلج بصدق مثلج مو بشفقه وفكاهي هم دايما يضحكني ويشجعني ..
ماريانا .. شوقتني اشوف صديقك هذا .. اول مره اشوفك تحجي هيج ع صديق الك .. بس ها مو تفضله عليه ..
عيسى .. ههههه غارت ماري عليه واخيرا 😂
ماريانا .. اي حقي اغار اخويه ومااريد احد يشاركني بي
عيسى .. طعنات گلبي صارن هوايه شوكت تنسى كلمه اخويه وتحس بحبي الها ❤
#شمس
يتبع