جمال الروح

البارت الرابع

البارت الرابع...
#جمال_الروح
بقلمي #شمس
دخلت للبيت ضايج سألتني امي گولتلها مابيه شي بس منتضر صديقي .. راح نگعد هنايه بالحديقه ..
مااحب اشكي الاحد. همومي حتى اذا امي اني طبعي كتوم ..الي بگلبي اطلعه بكتاباتي .. عندي دفتر مذكرات اكتب بي كولشي يخصني .. يعني صديق اسراري القلم .. #شمس
گعدت بالحديقه .. شويه واندگت الباب اجه كرم فتحتله واني غضبان 😡 گوتله ادخل .. هو بسرعه حضني گلي عيسى اترجاك لتزعل مني اني ماصدگت لگيت صديق مثلك ..
اني احبها الماريانا صحيح عوفتهه يومين بس دخلت گلبي من اول نضره .. #شمس
وبقى يحجي ويبرر واني ساكت ..
تالي گوتله :-
باع كرم ماري مهمه بالنسبه الي كولش ومستحيل اقبل احد يضوجهه . وعلاقتك بيها راح تسببلها هواي مشاكل واولهم هي مسيحيه اهلك يتقبلون هذا الشي ..
كرم .. اهلي ماعندهم تعقيد مثل باقي الناس .. متحضرين اخويه متزوج شيعيه وماعندهم اشكال وعايشين بسعاده ..
عيسى .. اني الي يهمني بالموضوع ماري هي حساسه وفنانه يعني تتأثر بأقل كلمه تجرحهه . كانت تگول اريد اتزوج بأنسان حساس وشاعر يعني مااعتقد علاقتكم مناسبه .. #شمس
كرم .. عيسى لتصير اناني وانطينا فرصه انت مو تگول اني مثل اخوك اكو اخ يوگف بطريق اخوه ..
عيسى .. صدمتني حجايته اني( اناني) بداخلي .. لا مو اناني بس انسان عاشق مدمر دا يشوف حبيبته تخطو خطوه وي صديقه وهو الي كان يحلم بيها وياه ..
اتنهدت وجريت حسره ..
وگوتله .. اسمع كرم القرار الاول والاخير الماري يعني هي الي تقرر واي قرار تتخذه اني راح اساندهه للاخير بس انت لاتضغط عليها خليها تفكر .. #شمس
هو بسرعه حضني وگال .. والله انت صدوگ اخو ..

كرم .. عيسى انسان طيب ومن اهل الله مثل منگول يحب بنت خالته مثل اخته وعذرته لان زعل وحقه يخاف عليها .. بس من حسيته اقتنع ارتاحيت 😍

ماريانا .. مرت الايام واني وكرم بقينا ع تواصل ونطلع وعرفته وعرفني وتعلقت بي حيل وكنت كولشي اسولف العيسى والحلو بي يبقى ساكت ويستمع بهدوء حيل يعجبني ويرشدني انسان واعي .. #شمس

عيسى .. استمرت علاقتهم واني اتفرج واسمع سوالفهه عليه وعيونهه تلمع من تحجي يعني صدوگ تحبه ..

ومابيدي شي الا اوگف وياه هاي حب عمري ولازم اتمنالهه الخير واساندها حتى تبقى سعيده رغم ما گلبي مشتعل من الحب والغيره .. #شمس

خلصت اجازتنا ورجعنا للفوج مالتنا وطول الطريق تتصل بي وتحذره وتگوله دير بالك ع نفسك واني مااتذكر يوم خابرتني تطمأن عليه رغم ماعلاقتها كانت بيه قويه ..
اني گاعد واسمع كلام كرم وياهه بودي اخنگه وساعات اگول لا هو سبب سعادتها لازم اساعده حتى يبقى يسعدهه .. #شمس
وصلنا للفوج ورتبنا غراضنه .. شويه واجه كرم. ..
كرم .. عيسى. اخيك اريد كلام حلو لو شعر منك .. اني مو هالگد وبنت خالتك تحب الشعر وحرجتني ..
عيسى .. مو گتلك حتشلع گلبك 😂
سويتهه بضحك بس هي صدوگ انسانه رومانسيه وحساسه تحب الشعر والنثر ..
گوتله نطيني الجهاز اكتب بمكانك ..
كنت اتمنى من زمان الزم جهازي واعبرلهه عن مشاعري .. وتخيلت نفسي بمكان كرم وكتبت كول الي بداخلي ..
#شمس
يتبع...