جمال الروح

البارت الثاني

البارت الثاني…
#جمال_الروح ..
بقلمي .. #شمس

وصلنا للمول گعدنا شويه وطلبنا عصير .. ماري تحب عصير الموز من هي صغيره كنت اول ماادخل المكان اطلبلها بسرعه ..
بين مااحنه گاعدين ونسولف مرو شباب من يمنا يستهزئون ويگولون حسناء والوحش .. اني عصبت بداخلي ردت اگوم .. لزمت ايدي ماري ..
ماريانا .. عيسى عوفهم خلي يولون انت بقلبك وبذكائك اجمل منهم عقولهم فارغه .. الخاطري وتباوعلي بتوسل
عيسى .. من لزمت ايدي وكلامها وگلتلي الخاطري بتوسل خلتني اذوب وانسى كولشي .. حتى كلامهم الي زرف گلبي مع انه خلقه ربي هاي ومو بيدي اني محلو ..
شويه واجه كرم .. اشرتله بيدي معناها احنه گاعدين هنايه ..
اجه كرم كان يباوعلي ويضحك وماري ضهرها عليه يعني بعدهم ماتشاوفو ..
سلمت عليه وبوسته .. وعرفته ع ماري
هاي صديقه طفولتي ماريانا .. ماري هذا كرم صديقي الي گوتلج عليه ..
كرم بقى صافن عليها وهي هم وسلمو واحد ع لاخ ..
عيسى . ها كرم شنو السالفه ماخلص سلامك .. وگلبي يتگطع مااريد واحد يباوعلها اغار عليها من نضراتي ..

كرم .. ههههه فرصه سعيده .. بس مااتوقعت اشوف هيج جمال ..
ماريانا .. شكرا من ذوقك 😊
عيسى .. احم احم 😡
ديلله خلونه نطلب شتحبون تتغدون ..
طلبنا غدا واكلنا وسوالف وضحك صدگ تونسنا بس نضرات ماري الكرم تختلف وهو هم ..
ضجت بداخلي بس تلافيت الوضع ..

گمنا اخذنا فره بالمول .. ماري اشترت الوان وفرش .. كرم اشتره قميص وكل ساع ياخذ رأي ماري يگولهه انتي فنانه وعندج ذوق ..
يزحف الاخ بصوره غير مباشره 😂
خلصنا طلعنا .. وودعنا كرم وكتله نلتقي غير يوم .. وتمشينا اني وماري الجو حلو وبيتهم مو بعيد كولش 
وصلنا لگينا الكل مجموعين عندهم مسويين مشواي بالحديقه ..
حتى اهلي هناك. . دخلنا وتونسنا احنه طبعنا حلو كل فتره ننجمع ببيت احد ع غدا او عشا او مرات نطلع للحدايق العامه يعني مونسين ارواحتنا بس اني كنت مو دايما وياهم مبتعد شويه اكثر علاقتي وي ماري عندي ولد خالي بس اصغر مني ومو مثل طبعي فمااحب اختلط بيهم بس من نروح للكنيسه اروح وياهم .. فعندي بنت خالي اسمها نيڤين .. يختلف طبعها شويه نفسانيه وتغار وخاصه من ماري تحب تقلدها بكل شي ..
فخلال الگعده تذب حجي ع ماري وتستهزء بموهبتها وتگولها عود اخذي واحد رسام لو شاعر مثل عيسى 😂
جرحتني بالحجي اني هم .. بس ماري ردتها گلتلها .. ليش هو اكو مثل طيبه عيسى وقلبه اتمنى اخذ شخص مثل طيبته .. وحضنتني وگالت فديته الاخويه ..
اني ابتعدت عنها .. لان تعبت من تمثيل دور الاخ 😡. #شمس

بس طلعت عصبيتي بنيڤين😡😡 .. گولتلها نڤين كافي سخافه خلي اگوم اساعدهم بالشوي احسن وعفتهن وگمت تلگتني خالتي وامي ها عيسى شبيك ..
ابتسمت بوجهن .. ماكو شي .. حاولت ماابين ..
الكل حاس بأهتمامي الماريانا بس عبالهم من باب الاخوه
حتى ابوهه مره گلي اني مطمأن عليها لان عندهه اخ مثلك ..
كملنا المشاوي وتعشينا وكل واحد راح البيته ..

(واتى الليل يسعر لهيبه على قلبي وجوارحي ليبدأ قلمي يكتب مايخفيه قلبي ولساني… )

بديت اكتب الى ان حسيت بالنعاس نمت .. #شمس

ماريانا .. وصلنا للبيت دخلت غرفتي .. غيرت ملابسي وگعدت اقرأ روايه فرنسيه من روايات (فيكتور هيجو )احب الرويات الفرنسيه وخاصه الرومانسيه ..
واجه عبالي كرم .. ونضراته الي وعيونه بيها حجي بس كان خجلان من عيسى ..
طبگت الروايه ونمت ..
ثاني يوم كالعاده بدلت لبست جينز وقميص وستره فوگهم لان گان شهر 12 وبيهه بروده وخليت لفاف ع رگبتي واخذت جنطتي مال رسم ورحت للدوره ..
وصلت قريب ع المعهد .. لگيت ولد يمشي مقابيلي ياربي شنو هذي الصدفه معقوله هذا كرم…
شبيه گمت اتخيله ..
تالي قرب الولد وصل يمي سلم ..
كرم .. هلو ماريانا شلونج اني كرم شنو نسيتيني ..
ماريانا .. صافنه ممتوقعه .. ها هلو كرم شنو هذي الصدفه ..
كرم .. هههه تگدرين تگولين مو صدفه البارحه واني واسولف وي عيسى گلي انتي تاخذين دورات بهذا المعهد ..
ومااعرف شلون رجليه جابتني اليوم ..
ماريانا .. ههههه هاي شنو البارحه ترى تعارفنا .
كرم .. عيسى عزيز عليه ومايهون عليه اخون ثقته بيه واجي لهنا وهو حسبني اخ وعرفني ع اخته ..
بس والله من شفتج البارحه مااعرف شصار بيه .. #شمس
ماريانا .. واني اصلا مايوم ضميت ع عيسى شي كولشي يعرف عني وبما انه انت صديقه فما اگدر اضم عليه هيج شي ..
كرم .. اني مگتلج ضمي عليه اني اصلا حگوله بس يجي الوقت المناسب .. انطيني فرصه انتي بالاول واعرفيني وبعدين . نخبر عيسى ..
ماريانا .. كرم هسا اني اتأخرت بعدين احجي وياك باي .. بس اريد اخلص الخجل موتني وهو يتباوع بعيني وبعدين اني مشاعري مخربطه مااعرف شنو دا احس اتجاهه . دخلت للمعهد . واني بالي يم كلام كرم ومفهمت شي ..
#شمس
يتبع…