جمال الروح

البارت العاشر والاخييير

البارت العاشر والاخيرررر
#جمال_الروح
بقلمي #شمس

عيسى .. كافي ماري اترجاج لاتزيدين المي اني اعترف انه كنت ضعيف .. بس انتي شايفه من نطلع شلون الناس تستهزء بينا وماردت فد يوم تندمين وتنحرجين من تواجدي يمج انت حلوه ولازم تختارين احد يناسبج ..

ماريانا .. ومنو گلك اني اريد واحد حلو فد يوم گتلك او لمحتلك اتذكر فد يوم گلتلك اريد اتزوج شخص شاعر او كاتب وعنده احساس ماانكر انعجبت بالبدابه بكرم وبعدين حبيته من شفت رسائله واشعاره حسيته واعي ومثقف ماكنت ادري انه كان يطلب منك تكتبله . #شمس
يعني اني حبيت الانسان الي يكتبلي ويعبرلي عن مشاعره وهذي كانت مشاعرك مو مشاعر كرم…
#شمس
عيسى .. اتنهدت اااه ماري بعد ماكو فائده الهذا الكلام الي فات فات شوفي حياتج بهذي حالتي بعد ماافيد الاي شي صرت معاق فوق دمامه وجهي وانتي انسانه عندج طموح وحتفتحين مرسم وتحققين حلمج انسي كولشي وابدي حياتج ..

اتقربت مني ولزمت ايدي عيسى منو گلك اني اريد ابدي حياتي بدونك الي يهمني جمال الروح مو الشكل وانت هذا كولش جميل ونقي وأشرت ع صدره .. #شمس
من احنه صغار سوه لحد مانعجز سواء رضيت او ابيت وبوستني بخدي ..
مااعرف افرح ولا احزن ع الوقت الي خلاهه تعرف مشاعري بعد ماصرت معاق ...اتغيرت حياتي ..
#شمس
ماريانا اجه الدكتور وصاحنا وخبرنا بخبر دمر حياتي بالذات .. الالتهاب منتشر بكل جسمه وصار عنده گنگري مااعرف شنو وبقى يسولف شغلات مافهمته لان بالي مو يمت گعدت بالگاع وابجي واندب حضي ..

اخر شي گال ادعوله وهذي اخر ايامه خليكم يمه ..
حضنت خالتي وابجي ليش هيج ياربي ليش لمن لگيت الانسان الحقيقي الي اعيش بقيه حياتي يروح مني .. اول مره تعذبت بموت كرم وهسا عيسى
گمت مسحت دموعي وعاهدت نفسي انه اسعده بآخر ايامه .. #شمس
اشتريت ورد وخليته بالغرفه وفتحت البرده وكمت ااكله بيدي كل يوم وهو يشعر الي ويقرالي خواطر رغم ماحالته گامت تتدهور كل يوم بس كان قوي ومابين الي ماخلاني امل ولا لحظه عبالك هو الي يريد يعوضني مو ااني .. كنت اخفي دموعي يمه من اطلع من الغرفه ابجي وارتاح وادخل وهو يحس عليه ..ويگلي لتبجين حتى اذا رحت اروح مرتاح وماراح اتركج بالكنتور مالتي دفاتر وروايات واشعار تكفيج العمر كوله تتذكريني بيهم ..
اني حضنته وابجي لتگول هيج عيسى  . وحطيت راسي يمه ونمت .وهو منام حسيت عليه يتلمس بشعري  ويقرالي شعر .. بقينا كم يوم ع هذي الحاله نتغازل حتى الممرضات حسدونا .. رغم ماحالته كولش تدهورت وبيوم اني نايمه ..
وماحسيت الا الممرضه گعدتني وگلتلي البقيه بحياتج تباوعت مغطين راسه حضنته وابجي واگوم بي ومايگوم عيسى لتعوفني انت مو تحبني ليش تتركني وينه حبك الي ليش بعد ماحبيتك عفتني..  طلعوني بالگوه من يمه …
عشت ايام سيئه وبقيت بغرفته ببيت خالتي مطلعت منها ..
بين رواياته وكتبه واشعاره وقررت اخلي اسمه خالد .  اتفقت وي دار نشر ونشرت كتبه واشعاره وفتحت مرسم واول صوره رسمتها العيسى حبيبي وصديق طفولتي. .
هذي قصتنا اني وعيسى كملتها الكم اني من مذكراته .. وعرفت انه الاهم من الجمال هو جمال الروح لكن للاسف بعد فوات الاوان واعذروني للتكتم ع اشياء هوايه لكن مجرد لحفظ الخصوصيه لكن الاسماء والاحداث حقيقيه  ..
#شمس
هكذا نحن البشر لانعرف قيمه الشيء الا عندما يذهب عنا هل هوة غباء منا ام لانعرف بقيمه الجوهرة الاعندما ترحل ..
#جمال_الروح
#للكاتبه_شمس
متابعه ممتعه احبتي ❤ #شمس❤