جمال الروح

البارت الخامس

البارت الخامس…
#جمال_الروح ..
بقلمي #شمس
اني من طبعي اكتب بالفصيح كوله .. وشفت رسائلها اله كاتبتله
شگد تحبني ??
كتبتلها .. [ احبك ياماري حب لايوصف .. لا استطيع ان اصبر عنك لحظه واحده " اصبحت على وشك الجنون بك وربما قد جننت من حيث لا ادري .. عندما تنضرين لي ارتعد وارتجف من نضراتك ..احببت فيكي كل شئ .. احببت فيك حتى كبرياءك .. واحببت فيكي حتى شقائي .. لا استطيع ان انساكي او انسى حاله من حالاتك او حركه من حركاتك فكل شئ يخصك لايخفى عن ناضري لثواني كل هذا وتسأليني كم احبك .. احبك ❤️ ] #شمس

ختمت الرساله وانطيتها ارسال ..
قرأها كرم .. اتعجب گال هاي شنو هسا لو ماعرفك .. گولت انت تحبها ..

.. اني انخطف لوني عبالي شك .. #شمس

كرم .. بس سبحان الله عبالك تعرف الي بداخلي وكتبته انت صدوگ موهوب وحضني ..

ابتسمتله .. وبداخلي هذا حب من الفطره مو موهبه .. حب مستحيل احد يحبه للثاني لان نقي خالي من الانانيه وحب الذات ..

شويه واتصلت ماري ..
اني گاعد يمه وصوت الموبايل عالي ..
گلتله الله عليك وع احساسك حبيبي .. احساسك مرهف خليتني ادمع ..
بس انت هم تعلمت مثل عيسى تدلعني ماري..
هنا سصفنا اثنين .. شلون فاتتني هاي ماتوقعت تنتبه ولان اني خليت نفسي بمكانه فكتبت مشاعري ..
هو كلهه اي احب ادلعج .گام من يمي وهو مبتسم وفرحان وطلع يكمل مكالمته بره .. #شمس
وگلبي يصرخ من الالم .. احس كل كلمه غزل گالتهه اله هي الي لان هي ردت ع الرساله الي اني كتبتها ..

مرت الايام واني اتعذب واتلوى من اشوفهم يتغازلون بس اضحك وابتسم وداخلي نار .. بس ماباليد حيله .
هذا اختيار ماري ولازم اسعدها واساندها. .
بقى يومين ع رأس السنه ويصادف نزولنا وكرم متحمس لان اول سنه حيقضيها وي ماري بينما كانت كل السنين وياي نرقص ونحتفل ونتونس ونروح للكنيسه ..
بس حسب ماعرفت من كرم عندهم خطط ثانيه ..
ابتعدت عني ماري هواي. صارت اغلب وقتها وي كرم .. كان تواجدها يمي حتى لو صديق بس كنت اشوفها واسمعها بس هسا ماكو شي يواسيني الا سعادتها ..

اكيد تگولون عليه مغفل لان اني ضيعت حبي وفوگاهه اساندها بحبها الشخص غيري ..
بس صدگوني هو هذا الحب مو انانيه ولا تملك انه تخلي الي تحبه سعيد 😄 اذا مو وياك وي غيرك .
رجعنا وكانت ليله رأس السنه دخلت للبيت سبحت وبدلت واخذت العود مالتي كنت دايما اعزفب الكنيسه انشودات وكذا .. #شمس

وهناك شفت ماري وكرم سويه لابسين نفس اللون ولايقين ع بعض والابتسامه متفارق وجوهم ..
سلمت عليهم .. وهي عرفت والدها ووالدتها ع كرم ورحبوا بي .
اهلها متحضرين واثقين بيها يعني ميدخلون بصداقاتها وحياتها مدام بحدود العقل والمبادئ ..
ويمكن كولنا هيج تفكيرنا ..
دخلنا وبدت الاناشيد واني اعزف واتباوعلهم وهم يتهامسون ولازم ايديها الي لطالما حلمت الزمها واصير بمكانه ..
بس الي مستغربه تواجد كرم بينا . صدوگ حسيته يحبها بسبب تواجده بمكان بحياته يمكن ماداخله بس لان يحبها حب يشاركها كل لحضاتها ..
اني مندمج بالعزف .. وشلت راسي اتباوعلهم اختفوا عن الانضار .  بقت عيوني تدورهم ..ماكو
من خلصنا سألت خالتي ع ماري گالت طلعت هي وكرم يتعشون ومناك يرحون يشوفون الاحتفالات .. #شمس

بقيت اضحك ع حالي .  كنا اني وياهه نروح كل سنه للاحتفالات وكنت دايما اسمع الانتقادات من الناس من يشوفوني وياهه ويمكن هسه هي فرحانه لان مراح تنحرج بسببي. وگولت النفسي (وانت ليش ضايج وانت تعرف انه ماكو بنيه تحبك بهذا شكلك البنات يحبون التباهي بالحبيب الوسيم والجميل ) واتنهدت وماحسيت الا ايد لزمتني من كتفي ..
التفتت ..
#شمس
يتبع…