غنيت لك على وتر الجفاً لحن/ للكاتبة غلا g_rwa12@ مكتملة❤💕

اللحن (٦)

‎اللحن السادس

‎أستغفر الله العظيم وأتوب إليه

-
‎نوف بدون مبالاه/لا انا زين مني اذ حبيت نفسي
‎ديما بثقه/غريبه!!بس صدقيني مع الوقت بتحبينه
‎حيل اصلاً الكل هنا يحب ياسر ويحترمه..
‎نوف ميلت راسها بعد رضا"
‎ديما بحزن/بس هذي الايام ياسر معصب حيل..بعد اللي صار بينه وبين جهاد..واخرها هواشه قبل يومين ل زياد
‎نوف بفضول/من جهاد هذا!؟ وليش تهاوش مع زياد
‎ديما/عمي جهاد..صح انتي ما شفتيه
‎له سنه متهاوش مع ياسر وقبل شهر صار
‎بينهم نقاش حاد ومن يومها جهاد ما رجع للبيت

‎..المصيبه محد يعرف اللي صار بينهم.
‎.الاانهم كانو اقرب اثنين لبعض
‎نوف /مو مهم جهاد هذا لأني ما اعرفه..بس زياد!؟
‎ديما/زياد الله يهديه خدش سيارة ياسر بدراجته الناريه..وياسر اقتله ولا تقربين لسيارته مره يحبها..فسحب من زياد مفتاح الدراجه وطلب من العمال ينزلون دراجته للمستودعات ك عقاب له
‎نوف رفعت يدها على فمها وصدت عن ديما تحاول تكبت ضكحتها
‎ديما بستغراب /وش في وجهك صاير احمر انتي تعبانه!؟
‎نوف وقفت بسرعه وحركت راسها لا ..وطلعت تركض -
-
‎الهنوف بقلق/ديما وش فيها نوف!؟
‎ديما هزت كتوفها/مدري فجاءه رفعت يدها على فمها وقلب وجها للون الأحمر
‎ام سلطان/لا تكون بنتك حامل يا الهنوف
‎الهنوف/علمي علمك يام سلطان
‎ام ياسر ضربت كف بكف بعدم رضا
-
‎نوف دخلت الاصنصير وانفجرت ضحك/ههههههههه
‎هههههههههههههههه اجل يحب سيارته
‎هههههههه اذا ما خليتك تندم يا ياسر على مد يدك
‎ما اكون انا نويف هههههههه
‎اكلها زياد هههههههه احسن جعلهم
‎من هذا واردى
‎دخلت للجناح وعلى شفايفها ابتسامه رايقه..
‎بدات تتلاشى ابتسامتها وهي تشوفه '
‎جالس في الصاله ويشتغل على لاب توب
‎ملفات متراكمه على الطاوله..وطابعة..
‎رزعت الباب بقوه
‎التفت لها بإنزعاج ورجع كمل شغله..
‎ضيقت عيونها..ماعجبها بروده..الا تزعجه وتنكد عليه..
‎اتجهت له وجلست جنبه.. على نفس الكنبه الواسعه.
‎رفعت عيونها للاب وقربت منه بفضول/وش تسوي
‎ياسر بدون مايلتفت لها/اشتغل
‎نوف بإعجاب من طريقة كتابته السريعه على كيبورد لاب..مدت يدها تريد تضغط على الكيبورد ..وقبل توصل ضربها ياسر بخفيف على يدها..هو ياشر لها بإصبعه بلا..ورجع يكمل شغله
‎كررت الحركه ورجع يضربها
‎ياسر مسك يدها وبعصبيه/وبعدين معك قروشتيني
‎نوف وعيونها على الكيبورد..ابتسمت له/بجررب اكتب اسمي وبعدها اوعدك اقوم عنك
‎ياسر نفض يدها/.....
-
‎ياسر نفض يدها/بتقومين ب الغصب..يالله فارقي
‎نوف عقدت حواجبها بزعل/لاا تكفى الله يخليك والله من زمان نفسي اجرب اكتب اسمي على اللابتوب واطبعه..
‎ياسر في عجبه من تصرفها الطفولي وكانها حصلت لها لعبه جديده تتسلى فيها..تنهد وقرر يجاريها..صغر الصفحه اللي يكتب فيها وفتح لها على البوربوينت..وقرب الجهاز منها/استعجلي..
‎نوف بشغف قربت من الجهاز وبصبعها صارت تدور على حرفها في الكيبورد..تغطت على حرف التاء..وكانها تحاول تتذكر /لاا امسحه هذا مو حرفي صح!؟
‎ياسر ناظرها بإستغراب ومسح الحرف
‎رجعت تدور من جديد وضغطت حرف النون بحماس وكانها سوت انجاز..وكل هذا تحت نظرات ياسر المصدومه..كررت نفس الحركه وهي تدور حرف الواو..ضغطته وابتسمت اكثر..
‎التفتت لياسر بحيره/يوه نسيت الحرف الاخير..كيف شكله هو عليه نقطه
‎رجعت تنحني على الكيبورد وهي تدوره بإجتهاد وتحاول تتذكر شكله
‎ياسر كان في حالة ذهول منها مسكها من كتوفها ورفعها عن الجهاز../انتي ما تعرفين الحروف!؟
‎نوف ابتسمت بعفويه وهي تحك رقبتها/لا بس اعرف اكتب اسمي..و اعرف اكتب حرف ط ..بس شوف الحين نسيت شكل اخر حرف
‎ياسر بعدم استيعاب/لا تستهبلين علي..
‎نوف ابتعدت عنه بمسافه ورجعت تنسدح وحطت راسها على فخذ ياسر بدون اهتمام او خجل وكانها تتصرف مع طارق.. "ياسر رفع حاجبه بحد
‎وبشرح/هذا سلمك الله ابوي رافض انه يدرسنا..وكل خواتي ما درسو..بس وعد وهاجر تعلمو الحروف من سارة بنت جيرانا..اما وعد النحسه ف طارق اللي علمها هذي خذت التعليم عذر عشان تتقرب من طارق..هههه بس ما عطاها وجه
‎ياسر مازال مصدوم"معقوله الى الان فيه ناس يمنعون عيالهم من الدراسه!؟طيب ليش الى هذي الدرجه وصل فقرهم !! او جهلهم..وين عمتي عن كل هذا ليش ما تدخلت واجبرت طليقها انه يدرس بنتها..كانت تقدر!؟
‎نوف رفعت عيونها له وكان واضح عليه انه مو يمها وسرحان..
‎جلست وكشرت بملامحها/انت ما تنعطى وجه الحين اهذر معك وانت مو يمي
‎ياسر رفع عيونه لها بجمود..
‎نوف وقفت هي متنرفزه منه..
‎قربت للاب تووب وشافت زر ايقاف التشغيل..طفته بسرعه وقفلته على وجه بقوه
‎وهربت بسرعه لداخل الغرفه..وهي تضحك..التفتت وراها تظن انه يلحقها..ضربت رجلها ف الارض بعصبيه.."هذا وبعدين معه ماعصب..اف كنت متحمسه اتهاوش معه.."
-
‎ياسر فتح جهازه بعصبيه..وتاكد من عدم تلف الملفات اللي كان يشتغل عليها..تنهد براحه كان كل شي سليم..وقف وهو ناوي عليها..البنت هذي يبي لها تربيه..
‎دخل الغرفه..كانت واقفه قدام الكبت ب البدي الاسود ..ماسك على جسمها ومبين تفاصيل خصرها المنحوت..وفي يدها بلوفر تستعد تلبسه
-