اللحن العاشر
رجاء فوت⭐️/صوت⭐️قبل القراءة
-
نوف بخوف/بكذا بكون في خطر وانت تعرف انهم مجرمين
راشد يطمنها/لا تخافين هم يعرفون نواف بس ما يعرفون نوف بتكونين بخير
نوف نفخت بعصبيه
راشد ربت على كتفها/اعتبريها هديه وحافظي عليها
هزت راسها باذعان لطلبه..
ومن يومها ما تنزلها الا وقت النوم..
صارت تحافظ عليها حتى من الخدش..وتحب وجودها على عيونها بدون ما تحس صارت النظاره هي اغلى ما تملك
ربما لانها كانت اول هديه تجيها من ابوها او
لانها اول مره ابوها يترجاها
او بسبب نظرات الحزن اللي لمحتها في عيون ابوها
ما تدري
ما تدري
خذت جوالها ونزلت ركض لتحت
..نزلت للمطبخ تفطر فيه
مستغربه من حركت الطباخين الكثير وتحضيراتهم..
هزت كتوفها..ورفعت الجوال واتصلت عليه
نوف /الووووووو
عبدالرحمن/اوووه طفشتني ياخي
نوف/ههههههه تقولها من قلبك!!؟
عبدالرحمن بكذب/ايه
نوف/ههههه كذاب لو كنت صادق كان ما رديت من اول رنه
عبدالرحمن/مشكلتي انك ما تهونين علي..ها هاتي مصيبتك الجديده
نوف شهقت/وش عرفك اني في مصيبه
عبدالرحمن/هههههههه معروف نويف هي ام المصايب ما تتصلين الا تبين الفزعه
نوف/ومن لي غيرك هاا اذ انت ما فزعت لي من يفزع لي
عبدالرحمن/زوجك
نوف بعصبيه/لا تقول زوجك جعل سنونه تتكسر
عبدالرحمن/هههه ليه
نوف/تخيل عضني الكلب اخخخ يقهر
عبدالرحمن/هههههههههههه
نوف/لو طارق هنا كان كفخه مو مثلك تضحك علي
عبدالرحمن/اخخخ وين طارق عشان يكفخه والله اشتقت له الدب
نوف بحماس/دحوم نسيت اقول لك شفته امس والله شفته
عبدالرحمن/وين شفتيه وش قال لك هو بخير
نوف بزعل/لا شفته من بعيد كنت طالعه من المطعم وهو كان راكب السياره ومعه وحده بس مدري من هي
عبدالرحمن/امكن حبيبته
نوف بعصبيه/وش حبييته انت الثاني
عبدالرحمن يستفزها/ليه انتي ناسيه عن طارق يحب وحده من بنات الدمام
نوف ظربت جبينها/ايوووه نسيت يعني توقع اللي شفتها امس معه هي نفسها اللي يحبها
عبدالرحمن/امكن
نوف بغيره/والله لذبحها الكلبه اكرههه اكرهه
عبدالرحمن/هههههههخههه يا غيوره هههه
نوف/لاا ياربي تتوقع نساني وبيسحب علي اذا تزوجها
عبدالرحمن/هههه يا المجنونه اللي يسمع كلامك يقول حبيبك مو اخوك
نوف/ايه حبيبي وقلبي بعد وبعدين ليه حرام اغار على اخوي انت تعرف طارق وش يكون بنسبه لي
عبدالرحمن/ههههه هدي هدي امزح معك ..المهم وش المصيبه اللي عندك
نوف تنهدت/دحوم احجز على اقرب طياره على الدمام وتعال
عبدالرحمن/ليه خبل مثلك وش يوديني لدمام
نوف/عبدالرحمن تكفى لازم اقابلك..بيتنا فيه احد داخله وعفس المكان وباب غرفت ابوي مكسور وغير كذا السياره اللي كانت تراقب البيت اختفت دحوم اكيد اللي اقتحم البيت العصابه
عبدالرحمن بقلق/هذولا وش يبون ما يكفي انهم قتلو راشد
نوف بهمس/نواف يبون نواف
عبدالرحمن/نواف انتهى مع ابوك
نوف/عبدالرحمن تذكر الفلاش اللي قلت لك عليه قبل سنه هم يبحثون عنه..وانت ضروري تجي ابي اعرف وش الموجود في الفلاش وانت تعرف للاب توب وتعرف تقراء
عبدالرحمن/اكيد فيه شي مهم بنسبه لهم..اسمعي بعد اسبوع بحجز واجي لان الاسبوع هذا عندي اختبارات
نوف /اوكي مو مشكله اذ مقدرت تدبر فلوس الحجز قول لي وبحول لك
عبدالرحمن/ههههه ما يليق عليك تكونين بنت هوامير هههههه
نوف/هههههههه
عبدالرحمن/يالله باي
نوف /باي
-
مر يومها بشكل عادي
تحاول تخفي قلقها..
واجمل ما حصل لها ان ياسر نام برا البيت عند وحده من زوجته المسيار..
-
وبعد يومين
-
صعدت لجناح امها..
سمعت صوت الهنوف في غرفتها..
بتردد قربت من باب الغرفه
فتحت الباب بهدو
وطلعت براسها وهي تشوف الهنوف
واقفه على التسريحه والمصففه تسوي شعرها
الهنوف بدون ما ترفع عيونها/رغوده حبيبتي ها كيف شكلي!؟
نوف برتباك/احم
الهنوف رفعت عيونها لها وبستغراب/نــوف!! تبين شي ياقلبي!؟
نوف تراجعت على ورا/هاا...لا
وقفت الهنوف وقربت لها..ابتسمت بود/كيف شكلي!؟
كانت لابسه فستان قصير يوصل لنص الساق ماسك على جسمها بلون العنابي ماسك على رقبتها ومفتوح من جهت الاكتاف..للون عكس صفاء بشرتها البيضاء وكانها عارضت ازياء اللي يشوفها يقول بنت ال20
نوف فاتحه فمها بفهاوه
الهنوف /نوووف اكلمك انا
نوف/ هااا حــ حـلوه
الهنوف /بس حلوه!
نوف /ايه صايره مره حلوه
دخلت رغد بسرعه
و وققت وهي تفاجاءه/واووو ماما..لا لا ما اقدر اتحمل جمالك
الهنوف ابتسمت لها/صدق رغوده حلوه
رغد تحضنها/ياعمري انتي تطيرين العقل..ارفقي ب ابوي
الهنوف ضحكت بخجل/هههههههه
رغد تبوس خدها/واااي فديت اللي يستحون..اعترفي اشتقتي ل بابا
الهنوف تبعد رغد عنها وطلعت من الغرفه بسرعه
رغد ضحكت بصوت عالي/هههههههه
نوف كانت تراقب الوضع بصمت..
واول ماطلعت امها/ابوك بيجي!!
رغد بحماس/اليوم بيوصل مره اشتقت له
نوف مدت لسانها بإستهزاء وطلعت
من الجناح
ويدها في جيبها
ابتسمت وهي تشوف معاذ
جالس في الصاله الدور الثاني
يلعب بلايستيشن
سباق سيارات
وجالس على كرسي دائري
تربعت على الارض
واخذت القير الثاني
نوف بعربجيه/هاااي عيد اللعبه وحط ثنين
معاذ منسجم مع اللعب/لا لا قربت اختم المرحله
نوف /اقول لك عيد بلعب معك
معاذ /لا لا اذا ختمت المرحله لعبتك
نوف ناظرته وناظرت السلك
وبدون اهتمام فصلته ورجعت تشبكه
معاذ فتح عيونه وبصراخ/لااااااااا ليش ليش تفصلينه قربت افوز
نوف سدت اذنها ببرود/تعال ضبطه ثنين ولا توجعي راسي
أنت تقرأ
غنيت لك على وتر الجفاً لحن/ للكاتبة غلا g_rwa12@ مكتملة❤💕
حركة (أكشن)- في مدينة جدة الساعة 10:30م واقف في الجزء المظلم من المجمع يراقب بدقه الداخل و الخارج من المجمع ينتظر فريسته الجديدة
