غنيت لك على وتر الجفاً لحن/ للكاتبة غلا g_rwa12@ مكتملة❤💕

اللحن (٢٠)

‎اللحن العشرون

رجاء فوت⭐️/صوت⭐️قبل القراءة

‎ياسر ابتسم/قبل نص ساعة كانت مقفله اخلاقه ومتعقده معي
‎مصعب بهدو/مافيه شي في الحياة معقد احنا االلي نعقدها ياسر/احبك حكمتك تدري اللي يشوف هدوگ يظن انك ما تنطق ابد
‎مصعب ابتسم على جنب ونزل من السياره
‎واول ما ابتعد عن سيارة ياسر اختفت ابتسامته""اطلاقا
-----------
‎الساعه4:00 عصر
‎متكيه على شجرة في الحديقه
‎تتامل رشاشات المويه من حولها اللي تنعكس عليها اللوان الطيف السبع..
‎غمضت عيونها بهدو
‎قطع هدوءها اصوات حاده من الخلف
‎ارخت نفسها وقربت من مصدر الصوت..
‎وماكان الا إياد و زياد يتهاوشون..
‎زياد مسك كتف اياد/اناا بفهم الى متى بتستمر هاا اكثر من مرره قلت لك مالي علاقه ابد افهم يا اخي والله مو ذنبي
‎اياد نفض يد زياد/ما يهمني تبيها هي حلالك بـ العافيه عليك
‎زياد بغيض/والله واللي خلقك اني ما احبها يا مجنون انا كنت فرحان انك كنت تحبها مو ذنبي انها حبتني اذ تبي مني الحين اروح لها واقول لها اني اكرهها واخليها تكرهني غصب ما عندي مشكله
‎اياد بغضب/انت ما تحبها بس انا احبها اموت فيها ما اتخيل انها ممكن تكون لغيري ولمن لـ اخوووي
‎زياد/والله ما تكون لي اذا ماكانت لك بس تكفى لا تجافيني بسبب بنت
‎اياد صد عنه وهو يعض شفايفه/والحل والحلل!!
‎ابتسمت وبلقافه/انا عندي الحل -
‎اياد وزياد بصدمه/نــوف
‎نوف دخلت يدها بجيوبها/انتو تتكلمون عن ديموه صح
‎اياد شد ع شفايفه/ايـه
‎نوف تلوح بيدها/انا عندي الحل انت تبي تتزوجها يا اياد وديما مثل ما فهمت انها تحب القرد زياد
‎زياد طير عيونه بغيض/نـوووف انـ
‎اياد يرفع يده يقاطع زياد/ايوه
‎نوف بتفكير/وانتو تتشابهون تقريباً الفرق الواضح بينكم انـ****************
‎انتهت من كلامها وعلامات الدهشه على وجيه اياد وزياد
‎زياد ضحك بهبال/هههههه ههههههه ابليس لو سمع خطتك بكى في الزاويه
‎اياد/يسلم لي مخك..إذا نجحت خطتك لك مني اللي تبين
‎نوف/لا لا لا انا ما بنتظر تنجح الخطه هي بتنجح إذا كنت ذكي اما اذا كنت غبي فـ الشكوى الله..هو شي واحد ابيه منكم
‎زياد/امري
‎نوف/ابيكم تودوني اليوم الا الحين لـ طارق
‎زياد وياد بإستغراب/نوديك!!! وياسر
‎نوف /ياسر رافض اني ازور طارق
‎زياد/نوف اعذرينا بس صعبه نوديك له وخاصه ان ياسر رافض
‎اياد/وانا مالي خلق ادخل في مشاكل مع ياسر
‎نوف بقهر مشت/مالكم خلق مشاكل؟! اجل انا رايحه لديما وبقول لها اني سمعت زياد يحبها ويعشقها بجنون واقول لها على خطتك يا اياد ونشوف كيف بتتزوجها
‎اياد وزياد/لاااااااااا تعالي خلاص بنوديك
‎نوف لفت لهم وابتسمت/بروح البس عبايتي واجيكم انتظروني في السياره
----
‎اتجهت مع اياد وزياد للمستشفى
‎وكلاً من اياد وزياد متوتر لانهم عارفين ان اللي سووه خطأ وخاصه ان نوف مو محرم لهم لكن من اسلوبها ما حسوها الا مثل الاخت لهم
‎اما نوف فكان همها الوحيد انها تشوف طارق...
‎وصلو لغرفة طارق
‎اياد/انتي ادخلي احنا بننتظرك هنا لان اهله عنده
‎نوف هزت راسها ب ايه
‎ودخلت بلهفه...
‎تقدمت من سرير طارق
‎كان متمدد عليه ونايم
‎والمغذي موصول بيده
‎عقدت حواجبها لما شافت الجرح اللي بااسفل خده
‎ويده اليمين ملفوفه بشاش وباقي جسمه مغطى ب الشرشف الابيض
‎ورجله مرفوعه فوق ومجبره
‎جلست على طرف السرير
‎برجفه/طارق! انت بخير
‎طارق عقد حواجبه ورجع يسترخي بنومته
‎التفت وراها بعد ماسمعت الباب ينفتح
‎وكان باب الحمام خرجت منه بنت بوجه ملائكي
‎البنت/من انـتي!!!!
‎نوف رفعت حاجبها بحده/انتي اللي من
‎رند اخت طارق/رنـد
‎نوف بغيض/وش تسوي وحد مثلك في غرفة اخوي
‎رند بقهر/اخوووك هااا انتي نوف!! نوف بتسليك/ايه وانتي
‎رند/وليش جايه زوجك ما قال لك لا تجين
‎نوف طيرت عيونها بذهول/وانتي وش عرفك!! طارق صحى بإ نزعاج وعقد حواجبه بضيق لما شاف نوف
‎نوف انتبهت عليه وابتسمت بشوق/طاااااارق صحيت!!
‎طارق صد عنها/رند ما قلت لك ابي انام ما ابي ازعاج
‎رند جلست على طرف السرير مسحت على
‎شعر طارق/اسفه حبيبي انت ارتاح وانا بتصرف مع مصدر الازعاج
‎نوف اقشعر جسمها وانتفضت بغيره/طـارق مـ..
‎طارق قاطعها بحده/اعتقد اني قلت لـ ياسر لا يخليك تزوريني فـ ايش اللي جابك
‎نوف بلعت ريقها بصعوبه/طارق انا م
‎طارق/نوف ارجعي من مكان ما جيتي
‎نوف بصراخ/طااااارق لا تكلمني كذذااا
‎طارق بصعوبه جلس ونزل الشرشف اللي على جسمه وبان صدره الملفوف بشاش من بدايته حتى اسفل بطنه/كيف تبين مني اكلمك وانتي اخلفتي بوعدك كيف تبني اكلمك وبسببك انا هنا!! نوف/لااا مو بسببي لااا تلموني انت ليش تدخلت كنت اقدر اتصرف معهم
‎طارق بصراخ وقسوه ارعبها/وعدتيني ما تخفين شي عني وعدتيني تنسين نواف وفجاءه اشوفك بهيئة نواف ولا تسرررقين وتخططيين من وراي لشي انا كنت رافضه
‎تخيلي لو اني ما رحت بدالك وش كان ممكن يصير لك معهم!! انااا رجااال وشوفي وش صااار فيني وانتي بنت لو عرفو انك بنت كااان لعبو فيگ لكن عقلك اصغر من انه يستوعب..كنت اتمنى ابوك يموت عشان تنتهي مأساتك لكن ما كنتي الا نسـخه طبـق الاصـل من ابـوگ
‎نوف هزت راسها بلا/ما اشبهه طارق والله ما اشبهه ماا اشبهه
‎طارق رجع انسدح وغمض عيونه
‎برفض انه يسمع منها/رند قلبي بنام لا تصحيني الا اذا اذن المغرب
‎رند غطت طارق بشرشف
‎ونوف تراجعت على وراء بخطوات بطيئه
‎و
‎طلعت بهدو
‎اياد وزياد تبعوها
‎زياد/ها تطمنتي عليه!!
‎اياد/الدكتور يقول انه بيطلع بعد بكره
‎نوف/.....
‎اياد وزياد ناظروا بعض بإستغراب من صمتها..والتزموا الصمت احترام لها
‎كملو مسيرهم
‎وصلوا للسياره
‎ونوف عيونها تغشاها الدموع
‎اللي تأبى تنزل
‎ركبت في الخلف ..اسنانها تصك ببعض برجفه
‎صوتها مخنووق روحها موجوعه االألم يعتصر قلبها..
‎تحس بحرق تمزق جسدها
‎وصلوا للقصر
‎نزلت ومشت ببطى
‎تبعها زياد
‎واستوقفها لما نادها بصوت عالي
‎وقفت
‎زياد/نوف فيك شي
‎نوف غمضت عيونها وكأنها صحت من كابوس
‎وفجاءه ضحكت بجنون/هههههههههههههه لااااا وش ممكن يكون فيني عادي ما فيني شي هههههههههه
‎زياد بإستغرب/ليش تضحكين
‎نوف وقفت ضحك وهزت كتوفها/مدري..
‎زياد تاكد ان فيها شي/نوف قولي لي وانا اخوك وش اللي مكدرك
‎نوف لا شعوريا صارت دموعها تنزل بسرعه
‎بدون صوت
‎مع كل دمعها تمسحها بقوه سرعه وتفرك عيونها
‎زياد ارتبك/لا تبكين!! نوووف تكفين لا تبكين..طيب قولي لي من ضايقك!ياسر او طارق
‎نوف/......
‎زياد/نووف!!قولي لي واوعدك اساعدك بس لا تبكين
‎نوف وقفت بكى وضحكت بخفه/ههههه قلت لك شوية جنون فيني وينتهي
‎صدت ومشت تاركه زياد بحيره في امرها..
‎على شفايفها ابتسامه وبعيونها دموع..
‎دخلت عرفتها
‎نزلت عبايتها ودخلت الحمام
‎فتحت الماء البااارد
‎في البانيو
‎ونزلت فيه بملابسها
‎ارتعش جسمها من برودة الماء
‎لكن برودة المويه ما طفت النار اللي تشتعل
‎بصدرها عمرها ما اهتمت او ندمت على تصرفاتها
‎او تحسرت وعلى سوء حياتها وشقاها كانت متقبلتها ومتعايشه
‎معها بحلوها ومرها وسلاحها الوحيد
‎البرود و الكتمان الى درجة صارت تعجز
‎البكاء لكن فيه شي تحرك بداخلها
‎من اول ما دخلت هذا القصر
‎تعجز تفسره
‎هل صارت اضعف او
‎صارت بدات تصير طبيعيه
‎مثلهم تبكي وتضحك وتلعب
‎شهقت بقوه من صراع الافكار والتنقضات
‎اللي تعيشها...
‎وقفت بسرعه
‎وتكت على المغسله ورجعت كل
‎اللي ببطنها
‎كحت وبضيق
‎طلعت من الحمام بترنح وعيونها ذبلانه اكثر واكثر
‎وبملابسها المبلوله..
‎التفتت بستغراب لما سمعت شهيق
‎وعد شهقت بقوه/نوووووف
‎نوف قلبت عيونها بإنزعاج مالها خلق وعد
‎وعد قربت منها/ليش ملابسك مبلوله ووجهك احمر""لمست وجهه نوف وكاان جليد"
‎وعد دخلت للحمام بسرعه ودخلت يدها بـ البانوي ونصعقت من برودة المويه/انتي هبلا تتروشين بماء بارد
‎ناويه تموتين
‎نوف طنشتها ودخلت غرفة الملابس
‎هي فعلاً تحس بينها وبين التجمد نقطه
‎وعد دخلت خلفها وجلستها على الكرسي/من يومك ما تهتمين بنفسك ولا يعتمد عليك بشي
‎طلعت لها ملابسها
‎وعد مدته لها/يللا البسي
‎نوف رفعت عيونها لوعد ورجعت تنااظر بـ الارض
‎وعد بقلق/نـوف
‎نوف رجعت ترفع عيونها بذبول لوعد
‎وعد ابتسمت بحنيه/هاتي بساعدك بتبديل
‎نوف نزلت عيونها بدون رد
‎ساعدتها وعد بتبديل ملابسها
‎ونوف كانت مستسلمه في حاله من الصمت الغريب..
‎طلعت مع وعد للغرفه
‎وجلستها وعد على التسريحه
‎وجففت شعرها بمنشفه
‎واخذت كريم ومسحت فيها وجهه
‎وكفوفها بحنيه/نـوف فيگ شي!
‎نوف هزت راسها بلا وتكت براسها
‎على تسريحه بتعب/اطلعي وقفلي الباب
‎وعد زمت شفايفها ومسكت يدها توقفها/نوف
‎نوف برجاء/وعد اطلعي
‎وعد /ما بطلع الا اذا قلتي لي انتي متضايقه او لا
‎نوف بحده/ايه متضايقه خلاص ارتحتي
‎وعد ابتسمت وسحبت يد
‎نوف بقوه وركضت فيها
‎نوف تحاول تسحب يدها/وعيييد
‎وعد نزلت فيها للمطبخ
‎وجلستها على الكرسي
‎وعد اتجهت للثلاجه وسط دهشه الطباخين
‎استخرجت حليب بارد وعلبة نوتيلا ونزلتها
‎قدام نـوف
‎وعد ويدها على خصرها/اعرفك اذا زعلتي اما تسوين لگ مصيبه او تفرغين غضبك في الاكل
‎فعلاً ما كانت الاثواني الا وفتحت
‎نـوف علبة النوتيلا وصارت تاكل فيها بشراهه
‎وعد التفتت بإحراج للطباخين وابتسمت بتسليك/كملو شغلكم كملوه هه ههه ههه
‎وعد لنوف/كيف تحسنت نفسيتك
‎نوف اشارت لها بأوكي
‎وعد/الشوكولاته تزيد هرمونات السعاده
‎نوف بسخريه /ايه هذا انا بتشقق من السعاده
---
‎مر يوم نوف بدون ما تلتقي بياسر
‎اللي نام برا البيت نامت وهي تتناسى
‎اللي صار لها مع طارق
‎اليوم التالي
‎الساعه١٠:٠٠ص
‎طلعت من جناحهم بتنزل لتحت لجدتها
‎وصادفت في طريقها
‎جهاد اللي ابتسم بقوه
‎وسلم عليها/هلا هلا يالله انك تحييها
‎نوف ابتسمت بهدو/الله يسلمك
‎جهاد/وينك لي يومين هنا ولا شفتك
‎نوف ضيقت عيونها/الا انا اللي ماشفتك
‎جهاد نزل راسه لمستواها/نوف اختك كتلة من السعاده
‎نوف رفعت حواجبها
‎جهاد/هههههه لا تناظريني كذا والله صدق اعترف اني مدين لك بهيك بنيه لو ادور في جماعتنا كلها ما بحصل مثلها بحصلهم دلوعات بزياده ومتصنعات وكيلو مكياج على وجيههم اما اختك قمه في النعومه والرقه والعفويه
‎نوف ترفع يدها تسكته/وفر كلامك لها واستح على وجهك تتغزل في اختي قدامي
‎جهاد/هههههههههههههههههه بذمتك انتو رابين في نفس البيت
‎نوف ابتسمت بتهكم/مع الاسف
‎وعد طلعت من الجناح وهي لابسه عبايتها ومتنقبه/جهاد حبيبي صرت جاهزه
‎نوف تخصرت/على وين
‎جهاد يقرب وعد منه/بنطلع نفطر برا وبعدها بنروح لـ السوق نجهز لحفلة زواجنا انا ووعد
‎نوف بتذله/بطلع معكم
‎جهاد يأشر على ياسر خلفها اللي جالس من زمان في الصاله يقراء له كتاب/هذا زوجك عندك اطلعي معه
‎نوف التفتت لـ ياسر وضيقت عيونها/ما شفتك من متى وانت هنا
‎ياسر/من قبل لاتطلعين من الجناح..جهاد خذ زوجتك واطلعوا قبل تقفل المحلات
‎جهاد يمسك يد وعد/يللا سلام
‎وعد /عن اذنكم
‎ياسر/مع السلامه
‎نوف راقبتهم ينزلون حتى اختفوا من قدامها
‎ياسر/شوي شوي لا تطلع عيونك
‎نوف التفتت له/هاا!!
‎ياسر/جهاد صادق متاكده انك اخت وعد!! سبحان الله خلق وفرق هي قمه بذوق والاخلاق وحتى جهاد واضح انه متهني فيها ومرتاح معها غير عبايتها المحتشمه بالنقيض معك تماماً
‎نوف صدت عنه بنظراتها/وعد بنت طيبه حيل وو
‎التفتت لياسر وابتسمت/لا تخاف على جهاد وعد ما تشبهني ابد وعد كان عندها ام تحميها وتدافع عنها وعندها خوات تسولف معهم وتشكي لهم كان عندها من يهتم لأمرها..صدقني جهاد بيحبها من كل قلبه وهي بتكون له ونعم الزوجه
‎صدت عنه ونزلت
‎كانت تقدر ترد عليه بعصبيه وتهاوشه مثل كل مره تنرفزه
‎..بس فضلت تتهرب من كلامه بأكمل مدح وعد لانه من خلال مدحها لوعد كان يسبها بقصد ان وعد قمه في كل شي وان هي صفر في كل شي
‎تظن انها خلاص اكتفت من نفث سموم عليه و نفسيتها هذي الفتره
‎تحت الصفر
‎اللي مرت فيه كثيير كثير -----
‎بعد يومين
‎الساعه3:00
‎دخلت نوف جناح وعد وجهاد
‎نوف/وووعد!!
‎وعد بصوت عالي/تعالي انا بغرفتي
‎نوف دخلت غرفتها وتكت على الباب
‎تراقب وعد اللي واقفه على التسريحه تتمكيج
‎نوف/وين بتروحين
‎وعد تكثف المسكره/بروح لقسم ام سلطان اسلم على وصايف مسقطه وتعبانه عندهم
‎نوف/هااا غريبه ما احد قال لي
‎وعد/اليوم الصبح قال لي جهاد فقلت ضروري اروح ازورها واقوم بـ الواجب واكيد الكل بيكون مجتمع عندها
‎نوف جلست على السرير بعدم اهتمام/ اممم
‎وعد التفتت لها/ وانتي وش تنتظرين قومي البسي
‎نوف تناظر لبسها/هذاني لابسه
‎وعد ضيقت عيونها/نووويفوه انا من جيت هنا ما شفتك لابسه لبس سنع لبسك نفسه قبل ما تتزوجين لا تقولين لي انك تلبسين عند ياسر كذا
‎نوف هزت راسها بـ ايه/ايه
‎وعد قربت منها ومسكت طرف تيشيرتها/نويف ياسر يصبح ويمسي عليك وانتي بهذا الشكل!! انتي تبينه يتزوج عليك يا الخبله او يناظر غيرك
‎نوف هزت كتوفها بعدم اهتمام/خليه يناظر
‎وعد ضربت نوف على كتفها/قومي قدامي اشوف البسي لك لبس سنع نعنبو دارك الرجل بيعوفك يا اللحجيه انا من جيت هنا وانا اشوف بنات عايلتهم كل يوم لبس واناقه ما ارتحت حتى عبيت الكبت ملابس عشان ما يقولون اني اقل منهم يعيروني بحياتي قبل