سوزان المندلاوي ..
كومني الحجي ...وكلي بنيتي ..خطيتج بكربتي ميصير الا التردي ..وميكون خاطرج الا طيب ..
واخذ فهد ونزل...جوة ..
بقيت اني وسهام ..بلغرفه ..
كالت هاي شسويتي ..يمعودة ..شحجيتي ..
زين الحجي سكت ..ماسوالج شي .يمعودة ..
انتي مابيج خير ..
عفيه سهام عوفيني ..اني ..راح لموت الموت الي ارحم من هلعيشة ..انتي تدرين من ترحين ..النسوان شيسون بيه. .
يضلن يعيبن علية ..ويقلدن ..فصليه وفصليه ..
الله يقبلها اذا تخافون الله ..
رحموني ورجعوني لاهلي ..صار كم شهر يمكم ..
راح اموت والله ....
دكعدي ..هسة ارتاحي خلي اشوف الحجي شبي ..
نزلت وعافتني .وحدي ..
ماعندي احد اشكي اله ..
طلعت الفون وسديت الباب و
دكيت ع خالي الي ..دك صدر اليه ..
صار اشهر محد بيهم سال عليه ..محد عرف اخباري .
جاوب ..الو ..
الو ..هلا باخو امي ..
منو ..
حقك متعرفني ...بس وحق الي خلقك كل شهكه مني ..بيها حوبه ..وحوبتي وراكم ..
ليش خالو ..
ليش شمرتوني ..وواحد منكم ماسال ..جيف اني يتيمه وماعندي اب ..وماعندي اخ ..كلكم صرتو عليه ..
خالو منو وياج ..هسة اجيج .والله ..
بعد وكت ..ماعرف شكولك .وشسميك ..
بس اكولك ..بكل نفس اسمع كلمه فصليه ..
بدفرته..يصيح فصليه ..انطيتوني لانسان ..ميخاف الله ..بيه ..هاي تقاليدكم ..حركتني اخضر بيابس ..
لا اني كتاله ..ولا اني الي ذنب ..ذنبي الله خلقني مرة ..
هاي حكم ..عشايركم ...وشيوخكم ..
غصبتوني ..وظلمتوني ..الله لا يوفقكم ..
عكلكم ..وشواربكم ..
تحكم بظلم ..
ليال خالو والله عمامج نطوج من صار فصل مضاعف ..
شلون يعني ..
مو تلي انكتلت مزوجه ..اهلها رادو وواهل رجلها ..
فشارو ع عمامج يفضوها بمرة ونطوج ..وعمامج كمش ..وشتعرفين ميسمعون حجي بس كلامهم ..
اني مالي ذنب ..وباجر من الصبح يمج ..واشوف يازلمه ..يوكف بوجهي ..
بقيت اشكيله وابجي عسة الله صدك يخلصني ..
صعدو الجهال كالو ابونه يريدج ..
ختمته وي خالي كتله انتظرك ..
نزلت جوة ..
الحجي كاعد وفهد ..
جيت كعدت ..كسروني قهروني ياربي ..حبوتي تطلع ..شهكتي وراكم وراكم ..
كال اسمعي،ليالي ..
اي عمي كول ..
ابنه ميريدج ..ومابعد شي بيدي اسوي ..
صار كم شهر مزوجين ..
وانتي هم ماتردين ابنه ..اني مو كسار اركاب ..اني حقاني اهلج نطوج ..وانه رضيت ..زلم ..معكله وحجت ماكسر..بيهم .هسة الي اريدة منكم اثنينكم ..تصبرون منا.لكم شهر ..وان مد ايدة عليج لو سمعج حجاية ..والله لااتبرة منه ..والكل يسمع ليالي مو فصليهروالي يتعدة عليها بحجايه يعني تعده علي ..ماعيد كلامي ..مرتين اخر انذار الكم ..كتله ماترجعوني ..يعني ..
ارجعج بس صبري عيب من الوادم بيت .ابو عامر ..مايطلكون مرة ..ترضيها ..عمج ينضر ..
سكتت..الرجال حجيه حلو ..وخالي باجر جاي ..
بلكي الله ..تفض .واخلص ..
كام عمي باس راسي ..
وكال ..هذا العكال مالبسة بعد ..اذا اذاج فرد واحد من البيت ..خوش ..بنيتي ..
احساس الكسر صعب ..كتله ...خوش عمي ..
وكمت ...من يمهم داصعد ..
جرتني سهام ..
كالت صعدي جايه وراج ..
صعدت ..
دقايق وطبت سهام بديها علاكه ..وسله فواكه ..
كعدت ..كالت ..اكعدي وفتحي اذانج ..انتي غبرة ..
كعدت ..كالت ولدنه يحبون وحدة ام لسان ..مو مثلج بس تبجي ..شوفي حجيج خله فهد والحجي ..يفرون براسهم ..
وانتي ضلي ..هيج لا كحل ولا شي ..وطيري الرجال منج ..
كالت طبيت مثلج ..مكسورة ..ماكو فرق بين هديه ..والفصل ..انتي وراج ثار واني ورايه ..تراضي ..
بس جست نبضهم ..وعرفت ميهم ..هسة البيت كله ..جوايه والي اريدة يصير ..
صار ..7سنوات من ازوجت ..وخلفت 4للحجي ..
وكد مايحبني يريد بعد ..
انتي جنج البوم ..بس تبجين ..
اتقربي ..لفهد ..ادلعي اله ..
ترة المرحومه ماتسوى فلس بسوك النسوان ..
انتي تسوين راسها ..
هاي علاكه بيها هدوم ..مال تالي الليل ..وانتي فكي دماغج ..
طلاك ميطلكون هاي عيبه عدنه ..
وفهد يريد مرة ..
وراح يطير منج ..
كتلها اكرهه..
اسكتي اسكتي ..
مثل حالج ..جيت .وجانت الحجيه بحيلها وعندي ضرة..
بس انه مو مثلج انه افكر وعرفت شلون خليت الحجي يحبني ويدللني ..
تبقين هيج ماتحصلين بس ..الاذيه ..
وانه علمتج بعد ..
وباجر اخذج ..لبنت ام داود ترتبج ..تحف وجهج وتعدل شعرج ..
ولح لو عندي شكلج الا اخلي الحجي ..يسويني شيخ وتضحك ..
ضلت تحجي وتسولف شلون جانت ..وضرتها ماذيتها ..
ومرة دافعتها من الدرج ..وطارحه جاهل ..
كالت اذا جتج ضرة راح ..تاكلين وحل اتلاحكي لروحج ..
انسي كلمه فصليه ..
مثل اني يكعدون ..بهديه ويتمضحكن ..
خايبه عبالك بس همه من خلفه الشيوخ
واحنه خلفه ابليس ..
بس وربج خليت الحجي ..
مهر جديد ..وذهب ..ونيشان كامل ..حتى كاع باسمي ..
شوفي حالي وفكري زين .بحالج ..انه احبج شاهد الله ..قهرتيني ..مثل دخلتج ..دخلت دموعي تحجي .
هسة يصعدلج ..صيري ناصحه ....وشيطني وكتنه مو ملاك ..
وربج فهد .ماكو منه زلمه معدل ولج احلى خوانه ودارس شبيج يحظي ..صيري مرة ويا ماشفتي ..طلب مرة بلسانه ..يريد من ترد عنه وحشة الليل افهمي لو ما اسمج ليالي ..
خوش حبيبه ..
وعافتني ونزلت ..
اني بقيت حايرة ..
كلت ..اكرهه ..اموت منه ..
وانتظر خالي يحلها ..
وهناك واكول ..امشي بكلامها ..بقيت ..هيج ع هلحال ..
وللحكايه بقيه ..
