سوزان المندلاوي
سيف منو ..
جر ايدي من ركبته ...اني .بقيت ع كعدتي ..
عاط بيه احجي ..ولج منو سيف ..
كمت وكفت كباله احس جسمي يرجف اريد اخذ نفس ماكدر ..ماعرف شصار بيه معدتي ..تخربطت الم براسي وحرارة ..
احجي منوووو ..ضحكون ع هلشوارب ..
فهد ..ماعرف ..منو ..
ليال لا تلعبين عليه ...عرفت كلشي ..
شعرفت ..فهد كذب ماعرفه ..
كمت ارجف ..واحجي واتوسل بي ..والله
ابن جيرانه وراد يخطبني وعلمود عرب اهلي منطوني ..وخلص ..
ليال ..ليال لياااااال ...وصوته يعلى ..اني كمزت من يمه ركضت ..بنهايه الغرفه ..اجه ورايه ..
اذا متعرفي ليش خضريتي وصفريتي .احجي ..
لحد هسة لازم اعصابي ..وياج
فهد ..والله والله احبك ..الله شكبرة متصدك بي ..
اصدك ..بس اريد اسمع منج ..وبعدين احجي الج ..الي عرفته ..
كتله ..فهد اني فصليه مو ..وارجف واحجي ويا بخوف ..
اي ..صخام ..بعينج
يعني جانت عندي حياتي ..لا انت جيت دكيت بابي ..ولا ..
خلص ليال ..ماريد اسمع كام يعيط .ماريد اسمع ..
لزمت ايدة لا اسمع ..قبل لا تحكم ..
جرني من شعري ..شحكم بنت الكلب .ولج انتي توكعين عكل ..ساقطه ..ودفعني ..بلكاع ..العتب ع عمامج شمرو عارهم علي ..
فهد ..اسمع ..شنو الي سمعته انت ..
ليال ..اسكتي ...
فهد والله ماعندي شي والي خلقك ماعندي شي ويا والله والله ..وحق كتاب الله ماكو ..
اندار عليه ..دنج يمي بلكاع ..
كلي تدرين شكلي ..الولد ..
رفعت راسي ..ضربني ..راشدي ..غطيت وجهي ..
رفعي راسج .واسمعي شكال ..
سكتت اعرف راح يجرم بيه ..
ارفعي راسج ..
جرني من شعري .. رفع راسي ..كلي كال شاردة من هلج ويا وعمامج ..شمروج عليه ..
واني شهكت وفتحت عيوني ...والله كذب وحق الله كذب ..الي كلته الك صح ..روح اسال وحق الله كذب واحلفلك بكتاب الله ..
ماعندي شي ويا ..اسال اهلي المنطقه العالم ..
ماحس ..بشي ..بس يضرب ويدفر ..احس بنار تطلع من جسمي والم خيط كل حساس بيه ..
مداعرف مين تجي الضربه ..ولا داسمع كلامة والغلط ولا كدرت احجي النفس راح مني ....بس حسيت ..ضربه قوي ع بطني ..منها عطت ..ونمت بلكاع ..
وخرت شعري من عيني ...الدنيا تغوش بيه ..
انداريت ..فهد كاعد بلكاع ..ومنتجي ع الكنتور ..
يحجي شسوي هسة .اكتلها خلاص ...حتى العالم تبطل حجي ..هاي عرضي
لو ..اذبها لاهلها ...شكول اكول نطيتوني معيوبه ..
لو اطلكها ..
ويضرب بلكنتور شسوي شسوي ...
شستر عليها ..يكولون مرت فهد ..شاردة من اهلها ...
ولج ليال ...ولج ليال ليش ..
بيج جاي اتحدة هلي ونسيت انتي فصليه ..ولج ليش ..
فضلت عليج بنت شيخ ولج ليش ..
حبيتج ..وفضلت ع رويحتي ..
اريد اجاوبه ماكدر ...
الم بطني قوي اريد اصرخ منه ماكدر ..
احس بحرارة ..جوايه ..
امد ايدي بلكاع كلها .. رفعتا ..اشوف دم ...لا صوت يطلع مني ولا شي ..ضليت بايدي اضرب بلكاع ..اريدة يحس بيه ..
ندار ..عليه ..رفعت ايدي ..اله ..
كام فز ...جرني ..هدومي سودة ممبين ..ضل يكلب ببه ..
راها محسيت ..بشي ..احس..حجي بس مو واضح ..
هوسه افتح عيني اريد اعرف منو يمي ..
مدافتهم ....
افتح عيوني واسدها ..احس احد يركض بيه ويصيح ..
وظلام ...
فتحت ..عيني ...ضوة قوي اريد اركز ماكدر ..
اسمع صوت سهام ..تكول ..يالله ..كامت ..
ليال تسمعيني ..ليال ..اني اهز براسي ..اي ..
وضحت الصورة بعيوني ..سهام يمي ..وفاطمه ..
كتلها شصار ..
دنجت سهام عليه ..كالت ..بلمبارك حامل ..
اني درت وجهي عليها ..
فاطمه ..تكول ..
الا تعاندي ..وتعرفي عصبي ويضربج ..
بديت اذكر ..
كتلهم فهد وين ..كالت برة ..
هسة تجي الدكتورة ..ونشوف ..
بقيت ساكته ماعرف ..شحجي وهمه يحجون ع فهد ..
شلون ضربها والله الحجي راح يفني حظه اليوم ..
جتي دكتورة يمي ...
فحصت ..نببضي والضغط ..واندارت ع البنات كالت وكعات الدرج ...بس يمكم هوايه ديرو بالكم لا طشون مي ..
اندارت عليه تمام ..
اريد مصعدين درج .وقللي حركه ورجال ماكو ...لان انتي بدايه حملج ..وطفلج مهدد بلاسقاط ..وكل 3اسابيع ..راجعي دكتورة خارجيه ..او رعايه ..نتابع الجنبن انشوف اكو نبض ..لو لا ...زين ماما ..اني ابجي .ردت كالت .كتبت الها مثبتات ومقويات ..خلي تاخذهن ..
يلا اخذوها ....ورفقا بلقوارير ..
اني كمت ..وانتجيت .ع سهام ..وفاطمه عدلت هدومي ولبستني عبايه ..وحجابي ..
وطلعت امشي جسمي يون عليه ..شفت قاسم ..
هاخويه ..شونها ..
راح تصير عم ..
يالله ..شسوي الك فهد راح تصير اب وماتبطل ...خبالك الله يهديك ياخويه ..كون الحجي بلعصا يضربه ع هلدكه ..
فاطمه ..كالت
والله .. اخوك جارم بيها ..
جسمها مرضرض..
سالت وينه فهد....
برة يدخن ..مقهور عود ..
مشيت وصلت ..شفته برة يدخن ....
اندار عليه ..ذب الجكارة..ودنج راسه . ..وطلع جاب السيارة ..وصعدت ..
الطريق كلة عيني ع المرايه انتظر يرفع عينه عليه ..
ميهمني الي ابطني ولا يهمني شي يهمني يصدكني فهد ..والكلام كله تلفيق وكذب ..لا نهزمت ولا سويت شي ..قاسم ..ضل يحجي عليه ..وويا ..ساعه يكسر وساعه يجبر ..بس فهد ..مانطق حرف ..والطريق كله ساكت ..
كاعدة بصف ..سهام اني ..تشاورني شمسويه احجي وهيج كتلج ..شسويتي ..مابيه احجي الها وشكول ..
وصلنه للبيت ..الكل ركض عليه ..وباركولي ..
بس حلا واكفه ع جهه ..وتباع اريد اعرف هلحقد ليش معرفت..طبينه ...كعدت ...
سهام كالت فهد اخذ مرتك واصعد بعد ماوصيك ..
وانتي خيه ..لا صعدين وتنزلين خلي الولد يثبت ..ابطنج ....
اجه يمي ..احسة تردد يلزمني ..لزمني ..وصعدني ..
بلممر ..اجه الحجي ..
ضل واكف ..كله ..
سامع بلكفر ..انت كفر العالم ينطوك مرة ..
ولك انت مو بشر ..ولك انت حيوان ..
حجي ..
انجب ..بقيت بيها ..حجي ..ولك شنهي تعاندي ..تعاندك اجنزهه ..ولك شجرالك ..ماتكلي ..
ماعرف الله بيش يحاسبني من وراك ..ولك خاف الله ..
هاي اذا تعرف الله انت ..
صعدها ..وتنزل يمي ..
فهد ماحجه شي ..
صعدت ع كيف ..
طبيت للغرفه ..
كعدت ع الجربايه ..
كال ..اسمعي ..حجايتين ..يحرم عليه فراشج ..وتحرمين علية مرة .....
راح استر عليج ومحد يعرف شي مؤقتا لخاطر ابني ..لحد ماجيبين وراها ..حسابي وياج ....عسير ..
وسكت ..ونزل ..
لا اكو عقل حتة افكر ولا اكو حيل حتى الطم ..واملخ روحي
خليت راسي ..ع المخدة ..
صعدو يمي البنات ...
يحجون ..ماعندة واسمع كلامه ..وشدة وتعدي ..ويحبج وعصبي ..اني بس اسمع ..نزلو من يمي ..
كتله ربي انت تعلم ..بلحال ..منك ياللهي منك ..اريد تثبت برائتي بقيت ادعي واقرة ايات ..لحد ما ..نمت ..
ولا عرفت شنو الي صار ...
كعدت ثاني يوم ..
شفت العلاج يمي ..جايبي الي ..ادور ع فهد ماكو بصفي ..
كمت ..شفته بلكاع نايم ..
رديت خليت ..راسي ..كرهت كلشي ..حتى طفلي كرهته شيجي ع ضيم وقهر ..امه فصلية وعار ..
منو يصدك بيه ..منو يوكف الي ..
كعد فهد اني بفراشي نايمه ..غمضت عيني ..
حسيت ..بي اجه يمي ..
كال استغفر الله ..
وفتح الباب ...وطلع ...
كمت اتوجه ..مو الم بطني ..احس جسمي مفكوك فك ...
مشيت ..وصلت للمرايه ....
اباع وجهي ..ازرك ..واحمر ..وحلكي مشكوك ...
ضليت اباع ع روحي ادور ع ليال وينها ..مالكيت ..
بس المرايا تعكس صورة انكساري ...
نفتحت الباب ...طب فهد ..
اجه مارفع راسه عليه ...ولا باوع
وطلع السجادة ..ووكف يصلي ..
صاح ..
الله اكبر ...كلت الله اكبر ع كل من ظلمني ...
رد كال
اشهد ان محمد رسول الله ....
يارسول الله ...بظلمه ..البتول انصرني ..
كمل ..
اشهد ان علي ولي الله ...
انهاريت .بجي .يابو اليتامى ياعلي ..يتيمه وع بابك . دخيلك ..خليتك حكم بيني وبين ..الي ظلمني ..
اندار ...عليه ...اني واكفه وراه ..
كلي بري منج ..كل رسول وامام ..بيا عين وتدعين ..عليه ..
كتله ..ماكو كلام ..لغه الحوار وياك ..ممنوعه ..
تقربت منه اضرب ..هذا كلامك ..اضرب ..وارضي ..رجولتك وعشايرك وشرفك ..
اضرب ..جسمي لوحه ...بالون همجيتك ...
اضرب ...ما احس بالم ...ولا اخاف ..منك
انت ..خاف ع روحك ..لان خليت بيني وبينك ...من ياخذ حقي ...ليااال ...اسكتي
اخر كلمتي وياك ميهمني ...ان عشت او متت ..
او ..صرت فصل او عار ...
ميهمني ..منك ..شي ...
بس اكولك ...
اني صرت الك ..وطن ...وانت صرت الي منفى ...
وللحكاية بقيه ...
