ابراهيم غبا خلاص وشو اتغير ..... كيف يعني ماعارفاها مشت وين .. كدي اتصلي علي ريه اساليها امكن تكون زهجت مشت البيت.. هاجر .. لالا ما بتصل عليهم بدخل فيهم خلعه ساي .وبي جاي ..ريه قلقت علي سلمي وهي كمان بتتصل بس تلفون سلمي مقفول ... ريه حسن سلمي دي اتاخرت وبتصل عليها تلقفونا مقفول .. حسن والله ندمت وماعرست ليها ابراهيم دا دي غير الكفاوي ماجايبه لينا شي.... ريه بسم الله الرحمن الرحيم .. في شنو ي حسن ليك كم يوم كدا ما طايق سلمي في شنو الله ..كدي امشي ناس مصطفي خليي يتصل علي هاجر بتو دي يشوفهم مالو اتاخرو كدا المغرب عايز يخش وهم لسه مارجعوّ.. .... عمنا حسن اتحرك علي بيت مصطفي وبفكر ياربي البحصل دا شنو بتي بتتكلم معاي بقله ادب وبترفع صوتا علي ياخ دي ولاده دي قالت كمان امشي نوم ي ابوي الصباح عايزاك في موضوع وبي نهره كمان والله دي ولاده دي ..... طبعا عمنا حسن اتزكر كلام سلمي لما خشي عليها باليل ... ..... اسي انا اعمل معاها شنو .. وبعدين حاولت اخش غرفتا حسيت كرعي تقااال وهي اتكلمت معاي وانا جسمي دا اتشحط.. وكابوس كمان ... لالا لا في شي حاصل للبنت دي .. كدي لما ترجع اوديها لي شيخ....
حسن ... مصطفي .السلام عليكم.هووي .. السلام ناس البيت .. طلعت امنه ام هاجر .. مرحب بيك اتفضل اتفضل.. سالمو بعض واطايبو زييين .. وسالا .. انتي يا امنه هاجر اتاخرت مالا للوقت دا مارجعت ..والله ساقت بتي سلمي معاها وخفنا عليهم كدي اتصلي لي هاجر ... امنه ... كدي اتفضل اقعد الننادي ليك مصطفي ... امنه طوالي طلعت تلفونه واتصلت علي هاجر.... الوو يابت مالكم اتاخرتو كدا هدا اسي ابو سلمي جاكم في البيت .. هاجر اي يا امي جايني في الشارع ....امنه...خلاص يا حسن قالو جاين علي البيت ماتشفقو .. هاجر.. ابراهيم حسن ابو سلمي قاعد في بيتنا والدموع سايله ... ابراهيم كدي انتي اسكتي اسي معناها سلمي ما رجعت البيت .. وبعدين كلو منك انتي دي ياهاجر كلو منك انتي.. ... المغرب خشي وسلمي ماجمعت .. ولا هاجر جات وابراهيم قاعد علي اعصابو .. ... بترس سايق سلمي بيتو و
سلمي اخر متعه مع بترس. وبيحكي ليها عن حياتو وممتلكاتو واغراات ماحصلت .. سلمي مخلعوعه من المنظر طبعا .. قصور جميله وكل ماتشتهي الانفس موجود ... سلمي ما متزكره زول ولا حتي حاسه بالزمن ... ابراهيم جات. فكره انو يمشي اقرب محل كمبيوتر ويطلع صوره لي سلمي ويسال المار امكن يكون في زول شافا .. ابراهيم انتي رايك شنو في فكرتي ياهاجر ... هاجر .. كويس ارح نمشي اقرب محل ... ابراهيم ..اسمعي ماف شي بكون بعيد يا هاجر كدي انتي طلعي صوره واسألي انا بجيك اسي ..... هاجر تلفونا يضرب للمره التانيه .. اي يا امي .امنه مش قلتي جاين في الشارع ليه اتاخرتي كدا ادعيك انا اقول فيك شنو ... هاجر المواصلات كعبه شديد يا امي ... وتقفل هاجر وتقعد في الارض من البكا ....... هاجر طلعت صوره لي سلمي وبقت تسال فس الماشي والجاي عليك الله ماشفت لي البنت دي .. وهناك ابراهيم ماخلا ليه مشرحه ومستشفي مافتشي .. هاجر بتسال لسه عليك الله يا ود عمي ماشفت لي البنت دي في مكان .... اه كدي .البنت دي شفتها قبل ساعتين تقريبا ..جمب بحر و بتتكلم براها هي معاقه ولا شي .. هاجر تبكي بي اعلي صوت وسط الخلق..
يتبع....
