#قصه_حوريه_
للكاتبه فردوس عبد اللطيف
الجزء الاول
بسم الله الرحمن الرحيم
القصه حقيقيه
حوريه بنت 14 ربيع تعيش مع عاءلتهه المتكونه من
الاب سليم مواليد 1959
الوالده بهيه مواليد 1960
اخوانى بهجت عمرة 20 سنه وجبار 16 سنه وامير 13 سنه وخواتى اميرة 17 سنه وانهار 18 سنه تعيش فى بيت عمتى هى الى ربتها
امى مريضه بالصرع مرضها منذ الصغر واستمر لحد الان ابوى لاعنده شهاده ولا مهنه ماكو غير سايق يوم يشتغل ويوم عاطل ماعنده سيارة لكن بسيارات الناس يشتغل ويادوب يعيشنه بيتنا ملك بس الاكل والشرب ومصاريفنه طبعا كل عاءلتنه مابينه واحد فلح بالدراسه كلنه للخامس ابتداءى ونترك المدرسه
جدى الكبير ابو والدى هادى كبير عمرة 75 سنه بعد وفاة بيبيتى تزوج امراءة عمرهه ب50 سنه كانت تهتم بشونه رجلهه عرجاء ..كانت انسانه طيبه وخلوقه وتحب الكل جدى شيخ عشيرة وعمانى 8 كلهم متزوجين وعايشين بيت جدى بس احنا وعمى الكبير خليل بيته وحده بس الباقين كلهم بيت جدى 2 من عمامى متزوجين خالاتى يعنى خوات امى منطقتنه شعبيه بيوتهه زغيرة ويعيش بيهه مجموعه اخوان ومزدحمه اكثر العواءل بالمناطق الشعبيه اقل عاءله تتكون من 6 اباء على الاقل للتفاخر لكن ظروف الحياة الصعبه تتسبب بترك الابناء مقاعد الدراسه والتوجه للعمل لمساعده الاب نظام العشاءرى ملتزمين بي
جدى متقاعد وعمامى اكثرهم يشتغلون سواق لو فيترجى هما صحيح ما ياذون احد لكن ياويله الى يتقرب منهم قاسين ردهم للاساءة قاسي حتى يوصل للقتل بدون تفاهم يقتل ويدفع فصله الناس بالمنطقه تتحاشاهم وتجفى شرهم
بفترة سقوط بغداد والفوضى الى حصلت كل واحد من عمامى سرق بطريقته ويه جماعته عمى الكبير خليل استولى على 10 قطع اراضى للدوله وقسمهه وباعهه كبيوت حواسم وبيته اصلا حواسم باع كل قطع الاراضي واشترى بستان وامتهن تربيه العجول والاغنام وبيعها وتغيرت احواله بعد ماكان فقير الحال عمامى ووالدى سرقو شغلات بالداواءر اكثرهه انصرفت بوقتهه ورجعو عاطلين ويشتغلون بالاجرة حتى ابوى نفس الوضع البيت مابي اكل امى تحتاج علاج على طول ميكدر يوفرلهه ..بعدين حصل شغل بسيارة تابعه لامراءة ارمله اشتغل خط بصرة بغداد وصار طول الوقت يمهه بعد ما تزوجهه زواج خارج المحكمه بقى عايفنه فترة طويله مرات يذكرنه يدزلنه مصرف واخوانى يشتغلون عماله وهم يصرفون عالبيت
عدنه البنيه من يصر عمرهه 14 سنه بس يجيهه خطابه يزوجوهه خواتى اثنينهم متزوجات وحده بالناصريه والثانيه يمنه بالبصرة..
مرات عمامة يتعاركون بينهم لكن ميخلون احد يعرف يعتبرو ضعف امام الناس يبينون انهم متصافين واى واحد منهم يتعرض لمشكله او اعتداء الكل تهجم بدون ميعرفون شنو الموضوع ومحضرين اسلحه وغدارات ومسدسات رمانات ماعدهم مانع يستخدمون اى سلاح تفكير همجى..احنا بنات العاءله ضعيفات نخاف من عمامى وجدى
للحكايه بقيه f
