#قصه_حوريه_
للكاتبه فردوس عبد اللطيف
الجزء 6
عاءله هاشم عافو بيتهم وانهزمو خافو يهجمون عليهم وبيت عمه هم عافو بيتهم وتطشرو كل واحد راح بصفحه
حوريه بالسيارة عمو الله يخليك لايقشمروك اهلى ويكلولك جيبهه ترى كذب يذبحونى فدوه اروحلك اسال هاشم مامسوين شي بس نسولف ...هاشم عليك العباس احجى كول ليش ساكت
محد يجاوبهه شيكولو دايخين من ورة اهلج وعمامج نزلت بيت اقاربهم بالمزرعه وودوهه يم النسوان بقت لا اكل لا شرب خايفه تنتظر المصير المجهول والعقوبه الرادعه تمرضت حوريه ارتفعت درجه حرارتهه وصارت طريحه الفراش وتهذى ..جدو شوف من بعدك عمامى واخوتى راح يموتونى
اجتهه ام على يمه انت مصخنه خلى اخليلج كمادات راحت لابو على اكلك هاى البنيه راح تمون تالى شيفكنه من اهلهه انوب يكولون كتلوهه
بيت شيخ هادى اجتمعو الاخوان بداء يتكلم خليل الاخ الكبير
شوف سليم انت ابوهه لازم ناخذه منهم بالقوة بالمروه ناخذهه لو تروح بيهه الف رجل افتهمت هاى بنتك نكست راسنه وانتو بهجت وجبار اريدكم تصيرون زلم وتاخذون حقكم بايدكم ها سليم اشو ساكت تكتلهه لو لا
سليم انه اكول نفحصهه وبعدين نقرر
كم من يمى انت مو زلمه ولك شوف اذا ما تقتلهه بايدك احنا نقتلهه ونقتلك وياها لانك جبان وعار واحنا ما نريد بعشيرتنه عار
اتصل بيهم شيخ محمد عمى يمته نجيكم
اتفقو على يوم الجمعه ويجيبون عشيرة محايده حتى تشهد
اتفقو الاخوان يسكتون بس خليل هو الى يحجى
صار يوم الجمعه والكل متهيا طبعا كلمن محضر سلاحه ...
اجوى لواء عماد وشيخ محمد ومجموعه زلم من العشيرة وولد حجى هادى كاعدين واولادهم
والعشيرة الثالثه اجوى
بدا الحديث طبعا عمهه خليل راد يكبر الموضوع ويتبلى على حوريه حتى يزيد من مبلغ الفصل
شوفو عمى ابنكم لكينا بيتنا ومقشمر البنيه وينطيهه حبوب مخدرة تطحنهه وتنطيهه لاخوتهه حتى ينامون وهى تدخل هاشم
هذولى صفنو شنو هالكلام والافتراء بس ميكدرون يهيجون الموقف لان اكو توتر
شيخ محمد...عمى البنيه بعدهه عذراء ومحد جايسهه واحنا جايين خطابه نخطبهه لابنه وحاضرين ندفع مهرهه شكد تطلبون وبالنسبه لدخله الولد لبيتكم نعرف غلط ومستعدين نفصلكم
طبعا خليل حيال راد يقشمرهم
كلهم ميخالف جيبوهه سلموهه النه وبعدين تجون تاخذوهه عروس
اتفقو يودوهه لبيت بيبيتهه ام امهه ومن هناك يزفوهه وصار الاتفاق وشدو رايه العباس على هالاتفاق
رجعو فرحانين ومصدكين راحو للمزرعه وكلولهه انحلت مشكلتكم بويه راح نوديج لبيبيتج ام امج زين وتالى نجى ناخذج لهاشم
حوريه بين مصدكه وبين ما مصدكه لبست عبايتهه وودوهه يم بيبيتهه حمديه شافت بيبيتهه فدوه بيبي الله يخليج والله ما مسويه شي الله يخليج احمينى منهم
البيبي اتصلت بيهم واجوى العمام اول شي سوو اخذوهه لطبيبه نساءيه راحت البيبي وعمتهه وخالتهه ودوهه للدكتورة فحصتهه
ماما بعدهه بنيه طفله محد جايسهه ا
ارتاحت حوريه وفرحت والعمه والخاله هم فرحو
رجعو اخذو حوريه حبسوهه بغرفه حلفو الخاله والعمه بالقران على صدق التقرير وكلامهم بعذريتهه
اجه خليل وعصام وحميد كعدو ويه سليم شوف هذه فرصتك نكتلهه وناخذ منهم فصل كبير يغير وضعك الفكر
سليم ما مقتنع بس غصبا عليه جابو حوريه كلولهه راح ناخذج نكطع مهر صدكت وبيبيتهه واخوهه بهجت وابوهه طلعو بالسيارة بنص طريق الناصريه طبكو على صفحه والدنيا ليل وحوريه لازمه ايد بيبيتهه وتتوسل بيبي وين مودينى بالجول والله ما مسويه مو فحصتونى بيبي اخاف يكتلونى عمى عصام اخاف منه
اول شي اجه سليم اخذ حجابهه ولفه على ركبتهه ويريد يخنكهه طبعا هى شابه وقويه ظلت ترفس وتصيح ليش بويه انى بريءة ليش
سليم ماكدر عافهه ووخر اجه عصام واخوهه بهجت اثنينهم لفو الربطه وخنكوهه وتصيح مظلومه ظلمتونى بريءة
لكن ينفذون الى قررو وبيبيتهه تتفرج
بعد ما طلعت روحهه كالو لازم نذبحهه وناخذ راسهه نراوى للعشاير حتى نا خذ الفصل
للحكايه بقيه f
