#قصه_حوريه_
للكاتبه فردوس عبد اللطيف
الجزء 4
هاشم يسمعنى احلى كلام بالغزل عمرى محد سمعنى هيج كلام حلو وحسستى باهميتى شكد اخدم اهلى واتعب وياهم ما فد يوم سمعت منهم كلمه طيبه او شكرا متحمله مسوؤليه بيت كامل وامى المريضه الى محد يعرف شكد اتعب وياها بس بكل رحابه صدر لانهه امى وحبيبه كلبي
ابوى هم كعد بالبيت ماكو شغل بقى فترة كم شهر بعدين راح اشتغل سايق بيكب مالت اقاربنه بس مينطى راتب زين بالدوب ويه شغل اخوتى تطلع العيشه
اتصل هاشم
الو هلو هاشم
هلا والله ياالغاليه مشتاقلج اشو مجاى تطلعين بس اشوفج
شسوى انى تعبانه وابوى
جان بالبيت هسه توة اشتغل مايخلونى اطلع ختى بالتلفون صعب احاجيك بس رسايل
سويلج حجه اكلك اسبوع الجاى الا ربعين مالت جدى اشوف فد طريقه
صار يوم الجمعه اربعينيه جدى والكل مشغول طلعو كلهم لحكتهم رحت كملنه انى طلعت وهما بعدهم رحت للبيت لحكنى هاشم بين مافتحت الباب اجه كلى خلى ادخل خوما نحجى بالشارع انى متت خوف بس هم بقاءنا نحجى بالشارع صعبه دخلته بغرفه الخطار وقفلت الباب الخارجى بالسركى الداخلى حتى اذا يجى احد ما يدخل الا افتحله من الداخل صاحت على امى حوريه جيبيلي ماى
اى يمه جيت
وديتلهه الماء شربتهه كلتلى سمعت صوت منو اجه
لا يمه يتخيلج انى وحدى نامى يمه نامى
رحت ركض ها ..هاشم خو ما تاخرت
لا حبيبتى سمعت امج
تعالى كعدى خلى نسلولف
اكلك ترى باى لحظه يجى احد اشلون
هاشم ... شسويلج لا نكدر نطلع سويه ولا اكدر احجى وياج...انت تعرفين غلاتج عندى وانى جا ى احرم نفسي من كلشي حتى اجمع فلوس نتزوج بلكى الله يسهلهه وتصيرين مرتى
انى خجلت دنكت
المهم شفتج اكوم اروح لايجون ولو انى مايهمنى حتى لو يقتلونى علمودج المهم اشوفج
باسنى من راسي وكلى شوفيلي الطريق خلى اروح ولو ما ودى اعوفج بس لازم
شفتله الطريق وطلع بس اخذ روحى وعقلى وياه
بقيت ااطفر ما مصدكه نفسي معقوله الدنيا تضحكلى واتزوج هاشم ونعيش بيت واحد صحيح هذا حلم بس عند الله مو بعيد
مرة طلعت ويه زوجه عمى عصام للسوك دزيتله مسج رايحه للسوك
شفته كبالى واكف براس السوك بالشمس ومن شافنى وجهه تبسم واشرلى وانى بقيت امشي بدون عقل وهو وين مانمشي يمشي ورانه عبالك حارس
يمه الحب يمه شعور ما يوصف حبنا حب عذرى لكن جاى اعيش احلى لحظات وكل نظرة واشارة من هاشم عندى بالدنيا كلهه
صار شهر محرم تعرفون تقريبا عشرة ايام الاولى كلهم يطلعون بالليل للمواكب الحسينيه وانى لازم ابقى بالبيت علمود امى فد يوم كان يوم 10 محرم اتصل هاشم وكلى منو يمج بالبيت
كتله ليش
كال مشتاقلج اخوتج كلهم بالموكب شفتهم خلى اجى
عفيه هاشم اخاف عليك خاف يشوفك احد
لاتخافين كلهم ملتهين وانى من راح اجى ما اخلى احد يشوفنى
اجه هاشم بس كلبي يرجف وخايفه
دخل قفلت الباب
دخل بغرفه الخطار وكعدت يمه وبقينا نسولف نسينا نفسنا بالحجى بس الحقيقه ما حاول حتى يلمس ايدى كان انسان شريف ويخاف على من الهوى الطاير
اندكت الباب انى انرعبت خفت كلت انكشفت
هاشم اشلون
راح اصعد للبيتونه شوفى منو
صحت منو
انى امير
اخوى امير
صعد هاشم ختل بالبيتونه
راح امير للحمام ماطول شويه وطلع الا انى متت خوف بس اشلون راح اطلع هاشم اشو كلبي لعب ياربي نجينى من هالمصيبه
من طلع امير نزل هاشم بعد هو هم وجهه ينطى الوان كان خايف كلى شوفى الطريق خلى اطلع
طلعت راسي امير واصدقاءةواكفين براس الشارع
راسا سديت الباب
كتله هسه انتظر خلى يوخرون
للحكايه بقيه
