#قصه_حوريه_
للكاتبه فردوس عبد اللطيف
الجزء 3
من اجالنه خبر وفاة جدى صارت هوسه تحضيرات العزاء والتشييع والناس والشيوخ الى اجو والتمو واجوى من غير محافظات وصار الكل مشغول بس امى ماتكدر تروح..لازم تبقى بالبيت زين انى لازم اروح اساعدهم وبقيت بين بيتنه وبيت جدى صح المسافه قريبه بس امى خطيه لازم اداريهه اخوانى وعمامى كلهم مشغوليين خلصت 3 ايام وبعد الناس تجى كملنه اسبوع بعد صار كل خميس لازم نطبخ ثواب وقرايه انى من توفى جدى صح امر واشوف هاشم بس انى بياحال لا الى خلك هاشم ولا اى شي لان جدى كان هو جبيرنه يعنى من بعده راح عمامى يتفرقون لان هو جان لامهم وشخصيته قويه ويخافون منه
من امر يم هاشم احسه ينخبص لو يعلى صوته بس انى صحيح تعلقت بي بس وضعى حزينه بس هو اعتبرها فرصه لان اخوانى مشغولين
اول خميس هم ملتمين كلهم بيت جدى انى اخذت عشاء لامى رجعت للبيت امشي احس واحد يمشي وراى خفت كلبي ظل يخفق اخاف التفت وصلت يم باب بيتنه سمعت واحد بصوت واطىء ...حوريه..حوريه
يا هذا منو يعرف صوتى جانت توهه مظلمه التفتت ركزت منو كلى انى هاشم..البقيه بحياتج
انى بقيت ارجف وخايفه
كتله شتريد منى لايجون اخوتى على بختك روح من هنا ترى يثرمونه بمثرامه
انى ما اروح قبل ما اكلج حجايه
انت ماتخاف انى اخاف ما سالت علينه عمامى اخوتى انت اشبيك مستغنى عن حياتك
لا احب حياتى بس انت اخذتى كلبي وانى احبج يابنت الناس وهذة احسن فرصه اخوتج مشغولين سمعت صوت خطوات
كتله روح من هنا اجسن لك ...ودخلت وسديت الباب وسمعته من ورة الباب
حوريه انى رايح بس لازم احجى وياج
انى بقيت لازكه بالباب وكلبي احسه يريد يطلع من ضلوعى ...يمه هذا الحب ولج حوريه وينج وين الحب ولج كعدى راحه
امى.....منو اجه
انى يمه حوريه
يمه جوعانه اريد عشا
اى يمه جبتلج العشا
كعدتهه وكلتهه بس انى اصفن معقوله اكو واحد هيجى جرىء ويخترق كل حواجز عمامى وميخاف لو يحبنى كل هالحب ويضحى بحياته علمودى....الله شعور ممتع يحس بي الانسان لما يشوف شخص يهتم بي ويوده ويضحى علموده
بقيت ذيج الليله احلم طار النوم من عيونى اذن الفجر وانى اتكلب بالفراش كمت صليت ونمت وراها
صحيت الصبح على صوت ابوى ولج حوريه وين الشاى
اوو انى بعدنى نايمه
طفرت ركض سويتلهم ريوك وانى فكرى يم هاشم وكلامه ودى اكعد احجى لامى لاخوتى
ارجع واكول شجاى اخربط خليهه سكته
دزت على مرت عمى تريدنى اروح وياها للسوك .انى كيفت ركض رحت ومريت يم المطعم ركض هاشم اجه كام ياشرلى بايده يعنى اتصلى بي
انى منين عندى تلفون هذا اشبي تخبل هو احنا عيشه كوة مدبريهه انوب تلفونات ..
اشرتله ماكو يعنى ماعندى تلفون
رحت للسوك ورجعنا
صار الخميس الوراه هم رحنا والتمينه ومن طلعت اجيت للبيت لحكنى هاشم حسيت بخطواته بس هالمرة اعرف هو بس شنو يظل كلبي يدك سريع لان هم خوف هم لان حبيته..وصلت يم الباب اجه بيده كيس كلى هذا الج
كتله شنو
كال موبايل اشتريتلج وخليت بي بس رقمى حتى نسولف انى وياج
بس انى ما اعرف استعمله
انى اعلمج من يدك صوت بس دوسي على دكمه الخضراء
وراح ...
الله شكد يحبنى لعد مشتريلي مو بايل
ورة ما عشيت امى رن الموبايل ارتبطت انخبصت دست على دكمه الحمرا
رجع رن مرة لخ
وانى لازمته وخارفه لايشوفنى احد
فتحت الخط بس ما اعرف شايفه عمامى وجدى عدهم مثله
سمعت صوت بي الا انى خليته على ذانى الوووو
هلو حبي هسه نكدر نتحاجه بقيت بس ساكته
لحد ماعرفت استعمله بس تعبت هاشم خطيه مشترى
بقينا نتواصل رسايل بس تواصل مستمر
للحكايه بقيه f
