احداث القصه مابين الماضي والحاضر انسانه مرت بعدت مراحل ولكن كل مرحله من حياتها وقفت بمحطه وكانت هاي المحطه استراحه طويله
انا لم اكن يوم ما ضعيفه لذالك انا مميزة مررت بمحطات ووقفت فى استراحات ولكن لم اجد استراحه طويله بعد رحلات سفر شاقه اوضبت حقائبي وكنت انوي المغادرة ولكن في كل مرة يضعفني اما قلبي ام عدم قدرتي على المغادرة
-
انا ابنت ذالك الرجل الشهم القوي الذي زرع بها مبادئ الذي جعلت الرياح لاتستطيع ان تعصف بها مهما كانت شدتها كنت في كل مرة اسقط وانهض من جديد وانفض عني غبار الانكسار واصنع في كل مرة امراة من حديد ولكن مازلت ضعيفه لاني املك قلب يحب وعيون تدمع من اجل المحب
اني اسمي دلفين اسمي شويه غريب طبعا اسميت بهذا الاسم لان والدتي الله يطول بعمرها كانت عدها صديقه تعرفت عليها لمن كانت حامل بيه اسمها دلفين وكالت اذا جبت بنيه اسمه دلفين وفعلا لمن اجيت للدنيا سموني دلفين حاليا يدلعوني ديانا
بدايت قصتي راح تكون من اني طالبة متوسطه عائلتي متكونه من ثلاث اخوة وخوات اثنين واني يعني احنا ثلاث ولد وثلاث بنات والدي الله يرحمه حاليا اما ووالدتي الله يحفظها والدي كان يعمل طيار عسكري وكان انسان وطني لابعد الحدود ولكن والدي انسان علماني وسبورتي وكان معلمنه على الحريه وعلى ابداء الرأي وكان دائما مستمع جيد النا برغم قساوة عمله وظروف شغله ولكن كنا احنه الشي الرقيق الي بحياته اني كنت مميزة بالنسبه اله كان يحب شخصيتي ويحب قوة ارادتي ويحب نظرات الطموح والقوة والعزم الي يشوفه بعيني مرة طلبت منه انو اصعد وياه للطيارة وفعلا اخذني وصعدني وياه وطار بيه ولحد الان اذكر النظرات الي كانت بعيونه وابتسامتي كال لمن يتكلم ويايه ويا خواتي كان يكلنه (اني مراح احاسبكم او اعاتبكم على شي ولاحتى على ملابس تلبسوها ولكن راح اخلي ضميركم وتربيتي الكم هي الي تحكمكم كلامه ماانساة ابدا والدي انسان عظيم انسان رائع مولان والدي بس لان فعلا كان شخص جيد ويستحق الاحترام وبرغم سلطته ولكن كانو الناس يحترمو ويحبو ويقصدو دائما من يريدون شي مكان يقتنع بمبداء انو هو اعلى من العالم دائما كان يكلنه باجر الدنيا تندار واكو ناس تصعد واكو ناس تنزل بس يبقه الانسان ابو اصل الطيب والذكر الحلو يبقه على لسان الناس فلتخلون احد يكرهكم مهما عليتو يجي يوم وتنزلون ولهذا السبب كانو الناس يحبون والدي
بداية الاحداث
قصتي لمن صرت صف ثالث متوسط كمت اداوم بمدرسه جديدة لان احنه بوقتها انتقلنه لبيت جديد والدي كان ديبني بيت جديد فلمن كملنه انتقلنه اله فتغيرت مدارسنه وتعرفت هناك على هوايه بنات من ضمن هاي البنات بنت وحدة كان خالها مسئول جبير كلش بالدوله وكان ابن خالها ابن هذا المسئول خاطبها صارت بينه علاقه وعرفت هوايه شغلات عنها المهم انووهذا ابن خالها يجيها دورات او ياخذها من المدرسه ومرة من داطلع من المدرسه شفته طبعا انصدمت اصورت ابن خالها صغير و شاب وحلو طلع عمرة بال٣٠سنه او اكبر وهي بكدي عمرها ١٥سنه وايضا كان شكله ماادري شلونه عبالك موطبيعي بس هي خطيه يتيمه كان والدها شهيد وعدها اخ وعايشين بيت جدهم فخالهم مسيطر عليهم المهم شفته وبسرعه سلمت عليها ورحت مارتاحيتله ثاني يوم من داطلع من الدوام شفته واكف وياة ولد اثنين صادف صديقتي الي هي خطيبته مامداومه ونزل يريد يحجي ويايه واني اول شي خفت بس بعدين كلت شيكدر يسويلي كتله اي شتريد كلي عبالي تجين شويه نفتر كتله اشكرك مااريد اي شي منك كلي لويش كتله اكلك تعرف اني بت منو كلي بت منو كتله اسئل عليه كلي ماكو داعي اعرف انتي منو كتله يله بعد لتلحكني كلي بكيفي ومشيت رجعت للبيت ومنوصلت جان والدي موجود فكلتله كلي اني اصرف وياه وومن باجر اخلي سايق يوديج ....
يتبع........
#الكاتبه #روجمان
