يمكن شعوري اتجاة قتيبه قل يمكن الوجع الى بداخل الانسان يوم يكبر ويوم يقل ويجي يوم يختفي محطات من حياتي كل محطه اخذت جزء مني
احساس حب عاطفه كلهن اجتمعن بداخلي ولكن ماوصلت لنتيجه
رجعت لتركيه لبيتي لعملي صحيح احس بالغربه ولكن
غربتي مو غربت وطن غربتي غربت عواطف مشاعر احاسيس
رجعت للمكان الي بديت بي مانهيته
ولكن دائما الصدفه تلعب دور دائما تصير امور منتوقعه
والي صار
(من بعد مارجعت لتركيه ورجعت لنفس الروتين والحياة الاعتياديه التهيت ويا الاطفال
والتزاماتهم ومسئوليتهم
وللاسف انو بعد وفات والدي ورجوعي لتركيه تقريبا اكثر من سنه وصارت احداث العراق السقوط والامور الي كامت تصير وتخوف العالم والناس كامو يسافرون ويدورولهم مكان وبالذات المسئولين ولدهم كامو يطلعون
تقريبا بعد السقوط بمدة صارت هوايه عوائل عراقيه بتركيا
واني بهاي الفترة تعرفت على هوايه اشخاص وصراحه اول فترة من السقوط طلعو من العراق العوائل المرموقه المتمكنين و العوائل الراقيه فااني بخلال هاي الفترة صارت عندي هوايه معارف بزوجات مسئولين سابقا او بناتهم
فمرة وحدة مرت مسئؤل سابق سوت حفله بيتها واني بوقتها سويتلها فسان السهرة طبعا هي معروفه وبوقتها طلعت من العراق هي واولادها وزوجها قبل السقوط بكم يوم
المهم انو سوت حفله وعزمتني وكلتلي لازم تجين وطبعا اكو عوائل عراقيه عايشه بتركيا عايشين مثل حياة الملوك
وعايشين بترف ولحد هذا وقتنه
المهم انو رحت للحفله اني مومحجبه وكنت بيومه لابسه فستان قصير اسود والردان مالته كانت قصيرة ومسويه مكياج وتسريحه شعر بسيطه جدا
واني ناعمه فميبين عليه العمر
دخلت للحفله صاحبت الحفله قدمتني لبعض الاشخاص من ضمنهن شخص كلتلي هذا رجل الاعمال فارس وبوقتها هو ضحك من كالت رجل اعمال
كان شكله مميز اسمر وعيونه خضر وشعر اسود وطوله طبيعي بس كان جسمه حلووً وكان جدا انيق والعطر مالته كانت مميزة صراحه جذبني شكله جدا
وهو ايضا ظل يباوعلي كل شويه ويندار عليه يباوع وخلصت الحفله ورجعت لبيتي ولكن هذا الشخص ظل بالي
ولو أنبت نفسي كلت لروحي عيب هيج افكر اني ام خوما مراهقه واكعد هيج افكر ورة اسبوع اجتني نفسها الي عزمتني على الحفله وصار عندي فضول اسئلة عن هذا الشخص كلتلي تعرفين هو سئل عنج
ضحكت
كتلها هو شنو شيشتغل كالت اول شي هوًعايش بتركيه من زمان بس هو عدة الجنسيه االمانيه وعندة شركه مال سيارات
وشغله مابين تركيه والمانيا هو ممزوج عمرة٤١سنه
كتلها لعد انتي مين تعرفي كالت اني اعرف اخته وبينا صداقه وعن طريقه تعرفت عليه انسان محترم
كتلها اي مبين كلتلي خوش ولد
فكلتلي باجر تعاي يمي على الغدة ونسولف كتلها والله ماادري اشوف
كلتلي لاانتظرج ثاني يوم رحت وشفت فارس موجود طبعا عرفت انو هي مسويتها حتى نلتقي اني وياة وصار بينه كلام اعتيادي وهو كان جدا راقي بكلامه و بااسلوبه بس ثكيل
وكلامه موزون
وبعدها بفترة شفته اجه لمحلي هو واختي بحجت فستان لااخته
وكام يجي يحجي ويايه واني نعجب بي وبشخصيته ولكن حسيت انو اني رحت زايد وياة اني ام وانسانه محترمه شلون اتصرف تصرفات لاتليق بيه ولابعمري كمت احاول اتهرب منه وبعد فترة سمعت انو هو سافر راح الاالمانيا
حسيت اشتعل نار بكلبي حسيت روحي فرفحت ردت اسمع صوته اشوفه يجوز كمت احس هيج لان اني فقدت الحنان فقدت الاحساس
المهم انو بعد فترة اجاني للمحل سلمت عليه بدون اي مقدمات كلي اني احبج وماغبتي عن بالي لحظه وكل يوم
كنت احاول ابتعد عنج بس تردخطواتي جيبني الج اني نعجبت بيج من اول يوم شفتج
كتله مااصور انو اني مولائمه الك واني مااسوي علاقه
اني ام عندي ثلاث اطفال ودائما كنت اجنب المشاكل واجنب انو احد يحجي عليه برغم كنت دائما اتألم كلي اعرف
واني مااريد اسوي وياج علاقه اني اريد اسوي وياج عائله كتله واطفالي كلي شبيهم كتله تكدر تتحملهم
كتله لان مااكدر اتخلى عنهم ولااسمح لااحد يجرحهم
ضحك كلي اكيد مرح اطلب منج تتخلين عن اطفالج
واني موصغير اني هم اريد تكون عندي عائله
فرحت وحسيت باامل من بعد كل هالسنين
اطفالي معارضو فكرت انو اني ازوج يمكن هالمرة الوحيدة الي اختاريت زواجي على اساس مشاعري اني مو لااجل شي اولخاطر شي
ردت اني اعيش ردت مرة وحدة اصير انانيه واعيش لنفسي ازوجت فارس وعشت وياة ف
علاقه تحمل كل معاني الحب كان انسان رائع متفاني متفهم بسيط وبنفس الوقت مغرور تكيف ويا وضعي وتقرب من اطفالي وكانو يعتبرو صديقهم كانو حتى يصيحو بااسمه فارس يمكن لان هو معايش بالعراق تفكيرة يختلف
ومرت ايام واجتي ايام وصار عندي ولد اثنين من فارس وظليت اشتغل والدتي اجتي عاشت يمي
واولادي كبرو وفردوس صارت شابه
اني سعيدة حاليا
طلعت من العراق واني عمري ٢٢سنه وحاليا عمري٤٥سنه
عشت محطات هوايه من حياتي واكو بعض المحطات فاتني القطار ولكن صنعت شيئ من لاشيئ
يمكن لو مستمرة ويا قتيبه كان خسرت نفسي
خسرت شعوري ممكن كنت استمريت احبه بس راح اكون خاضعه ضعيفه مهزوزة حبيته ولحد الان احبه واحترمه لان هو انسان مربحياتي ومااذاني برغم كلشي يمكن مشاعري الي جرحتني
اما ماجد فكان درس الي انو الزواج ماالمفروض يناخذ بس علمود اسمي مزوجه وعندي عائله الزواج ينبني على حب تفاهم حياة حلوة
اما فارس فهو الثمرة الي قفطتها من بعد عناء طويل احبه واحترمه واشوف بي كل احلامي الضايعه
لحد وقتي هذا وعمري هذا اتصور انو كافي انو اني وصلت لااخر محطه وحان موعد استراحه طويله جدا
من حياتي
خلصت قصتنه حبيباتي
انسانه تكلمت عن محطات من حياتها كل محطه ودتها لمكان وغيرت عدها مفهوم الزمان انسانه تحملت وصبرت وصنعت شيئ اختارت انسان حبته بس هو قتل مشاعرها وحبها بس بعد فوات الاوان الحب ميتحمل انتظار اما يكون او ميكون
وانسان كسر المراة الي بداخلها كسر شعورها وقتل الخيط الرفيع من الامل الي كان ممكن يسوي شي بينهم
اما انسان الي خلاها تشعر بالسعادة فهو الانسان الي كان متفهم الي احتواها بتفكيرة بنضوجه بعقله بحكمته وكان صديق وزوج واجمل محطه من حياتها
كلنا بداخلنا عواطف وكلنا نمر بمحطات ولكن محطه عن محطه تفرق
مهما عصفت بينا الايام وحاول تكسرنا وتضعفنه
لابد انو احنا نتقدم ومنرضه بالضعف مهما كان
احترامي لكل رجل صان ولم يخن ولكل امراة محترمه وصابرة
ولكل امراة لم ترضى بالخذلان لتختارين تزوجين ليكون فقط رجل بلااسم بل اختاري انسان يعرف يكون وياج عائله لمن نختار انسان نختار حياة نختار مكان نختار اب جيد وام جيدة
كونو انتم عزيزاتي قويات وشامخات وصابرات واصنعو من انفسكم سلاح انتي امراة اذن انتي قويه
يكفينا فخر اننا نساء
تحياتي وحبي واحترامي لكم ودمتم بخير
#الكاتبه #روجمان
