(البنات كلهم جروو علي اموونه وبصرخوو امونه وقعت امونه وقعت ورفعووها سريع ودخلوها المكتب ومحاسن دموعه عشره عشره )
قووومي ي امونه ي حبيبتي قووومي الصاادك شنوو ي اختي ...
( عملو ليها ريحه ورفعو ليها كرعينه عشان الدم يصل راسه ولسه م فتحت الا بعد ساااعه كدا ...جاته محاسن جاريه )
امونه انت كويسه .... الحمدلله الحصل شنو ....
(الاستاذات رفعو محااسن من جمبها وبقو يهدو فيهاا ويطمنو ف امونه )
ي امنه م عندك حاجه بس محاسن جنها جوطه سلامتك قومي امشي البيت ارتاحي ...... حاضر ي استاذه طيبه .... ارحكن انا بمش معاكن ....لالا مافي داعي والله بنمش ....ي بت ارح ارح قومي ....سمح ي استاذه ...(وسندوهاا محاسن والاستاذه ووقفو ليهم بوكسي ف شارعم ومشو... وصلو البيت وجمب الباب كدا محمد شافهم وقلبو انقطع لما شاف امونه كدا وجا جاري عليهم )
ي بت محاسن ماله امونه ..... كويسه ي محمد بس غمرت ف المدرسه ..... دا كلو من سهر الامتحانات دا جيبووها جاي ندخله (وشااله محمد دخله البيت امها شافتهم وبقت تكورك ...)
الليله اوووب امونه ماله ....كويسه ي خالتي عندها هبوط بس من التعب .....كر علي رقده رقده هنااا ي بتي انت كويسه .... ايا كويسه ي يمه م عندي شي ......لالا ي خالتي تعبانه والله انا اقوم اعمل ليها عصيرر تشد بيه حيله حبه انت بس م تبكي ....الله يديك العافيه ي محاسن ي بتي .....طيب ي خاله انا استأذن وخلو بالكم من امونه ..... سمح ي محمد الله معاك ...
(محمد طلع لأنو م قادر ينزل دمعه قدام الحريم و م قادر يشوف حبيبتو تعبانه قدامو وهو عاجز ومشي هناااك ف نص شجرر النخيل واتكاا علي نخله وبقي يفكر فيها )
(بيقاادي امونه شربت العصير وبقت احسن وقامت امها تشد ليها ف البليله عشاان ترجع ليها الدم الفقدو ليها السهر دا وهي ومحاسن يتونسوو ومبسوطات انو الامتحانات انتهت خلااااص 😃 )
ي بت امونه انا البيت م مشيتو ولا شفت شغلتي امي بتلقيها ولا عارفاني وين وبتقلق علي .....ي بت محمد بكون كلمه ......لالا م كلمه لو عرفت كان جات شافتك النقوم انا اغير هدومي دي واوريها ونجيك سوا .......سمح ي الحبيبه م قصرتي والله .....ي بت انت اختي بس الحمدلله انك كويسه ...... الله يخليك ل اختك انت ....امين امين يلا ودعتك الله .....الله معاك ي حسووونه
(محااسن وصلت البيت وورت امهااا وجن راجعات علي ناس امونه )
خالتو فاطمه جركاناتكم وين النجيب ليكم المويه معااي ......لالا ي محااسن المويه بتبقي كتيرره ع الحماره م بتقدر تشيله .......بجيبن علي دورين .....لالا ي محاسن انا بمشي معاااك ......لا والله ي امونه انت عيانه من هنا م تقومي ...... ي بت والله بمش انا من قبيل راقده ........سمح ارح ......ايا ارح امي م تشوفناا ......... ههههه قايتو انت
(ركبن ومااشات علي البحر وبتونسن )
انت ي امونه اشتغلتي ف الامتحانات دي كويس مش ..... ايا اشتغلت كويس الا الرياضيات دا والله كنت تعبانه م متزكره زاتو كتبت شنو ....... انا غلبتني الكيميااء دي بري ولا متأكده منهاا .......ربنا يوفقنا بس .....امين ..اجي النايم داك م محمد ......ايا ياهوو المنومو هنا شنو م يمشي البيت .......بري اجراكي عليه ......محمد محمد .......
(فتح عيونو كدا شاف امونه حسه كأنو بحلم )
امونه .....ايا ياها المنومك هنا شنو ...... والله دقست بس م قاصد انوم .......ي حليلك ي اخوي قوم امشي علي البيت ........سمح بمشي اها وانت ي امونه بقيتي كيف ...... بخير والله نحمدو .....م كان تخليها المويه دي انا بجيبه .....لالا واتعبك لشنو انا كويسه والله .....تعبكم راحه .....تسلم .....ي ولد محمد نحن ماشين الزمن فات .....الله معاكم وي بت حسوونه البت دي توصليها البيت م تقوم تقع ......عاد لكن جنسي شي ....قلتي شنوو ..... لالا م قلت شي سمح بوصله ....هههههه ......مالك بتضحكي ي امونه .....ضحكتيني انت دي ارح ارح ي بت المغرب اذن
ارح انا بحلب ليك الليله ونشرب الشاي ف بيتكم .....سمح ارح .....ايا فوتيني كدي علي البيت اجيب امي واجي .......
يمه يمه ارح كدي علي ناس امونه نشرب الشاي هناك ..... ارح وامشي احلبي ل رفيقتك دي تعبانه .....ايا ماشه عليهاا
اموونه امونه ....نعم ...ناوليني كورة اللبن .....انت ي حسونه متعبه نفسك لشنو .....دايره اتعب انا بس اديني الكوره دي ......... اها اسي ي ربي النتاايج متين .....قالو يوم الاتنين ......عليك الله ي حسونه جااده .....اي والله جااده وراني ابوي امباارح قال زاعوها ف الجااامع .......واسي كان م سألتك م كان بتوريني .....ي بت ها نسيت والله متزكره اوريك
(الونسه دي كلها وهم ف التكل وحسونه بتعمل ف الشاي وامونه قااعده ف بمبر جمبهاا )
.... ربنا ينجحنا ي حسونه ....امين ي رب نتفوق كدي ونطلع من الحله دي كرهنااها خلاااص دايرين نمشي نشوف شوارع العاصمه واولاد العاصمه النضاااف ديل .....ههههههه ي بت عاصمه شنو دايرين نخش جامعات كويسه عشان نساعد اهلنا ديل وبعدين اولاد العاصمه النضااف ديل محمد احسن منهم .....ههههه حي حي محمد ي امونه م قلنا اخوك ...... ايا اخوي واول انت فهمتي شنوو ......بري م فهمت شي اولاد العاصمه الجابهم ل محمد اخوي ابو عراقي واحد دا شنو ...... العراقي دا لبس الرجال واولاد حلتنا عداهم العيب كلهم رجال اولاد رجال م زي البتمسحو بالكريمات ديل ......... ي بت العاجبك ف الغبش ديل شنو قايتو م ح اناقشك ي امونه انت همك كلو طب 😂✋🏻 ........ احسن م تناقشيني وانت برضو م تفكري كدا عشاان ربنا يسااعدنا ....... انا قلت اسي حاجه ي بت بسم الله هاك هاك ودي الشااي دا ل ابوي النودي دا ل للحروم ديل .........سمح ناوليني ليه
(شربو الشااي وكملو الونسه وحسونه راحت علي البيت وامونه غمدت عيونه وهي بتفكر ف النتيجه الباقي ليها يومين دي )
(يوم الاتنين الصباااح الناس كلها قلبه مقطوع والعجب زولتنا ضربات قلبهاا زايده والمؤتمر شغاال وكلهم ملمومين ف بيت نااس
محمد احمد ود عمهم ودا البيت الوحيد الفي الحله فيه تلفزون )
......امونه امونه .....نعم ي حسونه ....خايفه ?? .....هههههه كيفن م بخاف خلاص قربو يزيعو الاواائل ......ربنا يوفقنا ي اختي .....اللهم امين بس نحتسب وندعي ونتصبرر ورربنا اكيد بعوضنا تعبنا
يتبع....
