( امونه خلصت قرايته زي الساعه 2صبااحا وماشه عشان تنوم خلاص سمعت الشبااك بدق )
دا منو البدق دا ........دا انا محمد ي امونه افتحي .....مالك ي محمد خير ....والله قالو الهادي اتوفي ليه ساعه .......وااااي ان لله وانا اليه راجعون...... ..م تبكي ي بت الدوام لله امشي صحي عمي الطيب عشان يمشي معانه .....طيب خلاص .....(مشت علي ابوهاا تصحيه ودموعه م راضيه تقيف وموجوعه علي الهادي صديق الطفوله وجار السكن ) ...يابا يابا اصحي .....مالك ي بت ....... يابا قالو الهادي اتوفي .....لا حول ولا قوة الا بالله ......متين الكلام دا والقال منو ....... جا محمد اسي وقالي مات ليه ساعه كدي قوم امشي علي الجمااعه ديل .......ايا ماشي ناوليني الطاقيه دي ......هاك وخلي بالك من الشارع م تلدغك علينا عقرب انت كمان ......م بتجيني عوجه صحي امك دي تمشي مع النسااوين .......بتتهجم ياخ امي ......ي بت صحيهاا اصلهن الحريم ماشات ......سمح ....... يمه يمه ...الجوطه ف شنو ي بت ..امي قومي قولي بسم الله .....صوت البكا دا وين .... دا الهادي اتوفي ي امي ....اووووب علي سجمي ي حليلك ي الهاادي الطول عمرك هادي ي حليلك ي ود عمتي ي حليلك .....يمه كدي استغفري م كتير علي ربو قومي امشي مع ناس خالتو الرضيه ....اي سمح ماشه ابوك وين .....ابوووي وريتوو وقام قبيل .....سمح انت م تجي البكا امشي علي مدرستك وسوقي محاسن م تفوتن حصصكن ..... سمح يمه ...... اي وسوي الشاي ل اخوانك ديل وسوقي معاك الفاتح يلا الله معااك ..... كويس ي امي ناادي لي معاك محاسن تقعد معااي ونطلع من هنا سوا ..... عديله بوريهاا .....(ومشت حاجه فاطمه علي النساوين وكلمت محاسن ووصلو بيت البكا والدموع الحاره بتلعب دوره ) ....امونه واي الهادي مات .....اي والله ي محاسن قلبي واجعني قايتو بس ربنا يعوض شبابو الجنه .....امين ي رب .....كدي ارح معاي نحلب عشان نسوي الشاي للشفع ديل ....سمح
(عملو الشاي وشربو وجهزو للمدرسه وامونه لبست الفاتح وساقتو ومشو علي المدرسه ) ي امونه ارح نغير الشارع م دايرين نمشي ب شارع البكا ..... كويس ارح .....كان شفتي محمد متجررس علي صحبو 😢 ...... كيفن م بتجرس ي دي ..... والله انا زاتي واجعني بس عاصره علي قلبي .....كلنا واجعنا الفقد واحد ..... اها كدي جاهزه امتحانات الشهاده باقي ليها 3 شهور ..... باقي ليها شهرين و22 يووم ......ههههه حافطاها كدا ي بت بتجني ...... م بحفظه كيف بعد دا نوم ماف والله .... انت ي امونه امبارح محمد وقت جاك لقاك مولعه الفانوس والله بتمرضي بالقرايه دي ......القرايه بترفع م بتمرض ي اختي نحن م فينا حيل اعاده ..... بري بري اعادة شنو دايرين ننجح ونمرق من الحله دي ..... انت بس همك تطلعي من الحله بس تطلعي متفوقه م بهمك يعني ..... والله كلو من رب العباد .... ونعم بالله بس اعملي عشان ربنا يديك ...سمح بعمل وبجي اقرأ معاك بليل ان شااء الله .....حبابك ي رفيقتي يلا ي الفاتح اجري خش المدرسه .....امونه ارح سريع البنوت واقفات ف الطابور .....ايا ارح
(مشو الرفقات علي المدرسه وقضن حصصن واليوم خلص ورجعو البيت والايام مرت ويوم بعد يوم سهر وقرايه وتعب وامونه م كلت ولا شكت ف يوم وباقي ل امتحانات الشهاده اسبوع بس واجزو ليهم من المدرسه خلاص )
امونه ساقت حمارته والعصير كدا ماشه علي الجدول تجيب المويه ....امونه سلام ..... عليكم السلام ي محمد .... مالك تعبانه كدا ي بت عمي ..... والله بس هم للامتحانات الجات دي .... خلاص دايره تمتحني وتفارقي الحله .... ههههه كدي ي محمد ننجح وبعدين فراق الحله ..... لالا بتنجحي تب ان م نجحتي انت البنجح منو ف الحله دي .... الله ينجحنا كلنا ..... امين يلا امشي علي البيت الواطه م تمغرب عليك .....سمح قول لي محاسن تجي عشان نقرأ ..... كويس بوريها ....يلا ودعتك الله
(مشت البيت وقعدت علي قرايته وكل م تتعب تغسل وشها وهي بتقول جواها ي امونه هدفك طب )
تاني يوم الصبااح وزي كل صباح امونه بتحلب ف القنم ل الشاي تسمع ليك اصوات زول دخل الزريبه اتلفتت عليه وفجأه الكوره تقع من يدهاا وتصرخ بأعلي صووت 😱
يتبع....
