نشوف ابطال روايتنا
آمنه : بنيه حلاااته والحشمه اول صفاته امونه الطيبه الحنينه(متوسطة الطول سمرا وشعرهاا طويل ومضفره دايما شعرتين ) كان عندهاا اخوها كبير اسمو معتصم واتوفي غرق ف البحر واسي هي اكبر وحده عند امهاا بت وحده و4 اولاد وكلهم اصغر منها وف الاساس اكبر واحد فيهم ف سابعه (اسمو متوكل والوسطاني ف خامسه اسمو محمد واحمد ف تالت والفاتح ف اولي ياداب ) وبطلت روايتنا ممتحنه شهاده علميه وشايله احياء زوله هدفه الاول والاخير تخش طب الخرطوم وتشوف ناس الحله كلهم بباركو ل حاج الطيب(ابوها) التتفوق وتسمع زغاريد امهاا وفخرها بيها
حاجه فاطمه : ام امونه مره هاديه ورزينه ومعروف عن طيبتهاا وكرمها ف الحله كلها
محاسن: بت عم امنه وصحبتهاا شديد ودايما معاها ف المدرسه وفي الرعيه وف جداول المويه
محمد :اخو محاسن وبحب امنه شديد بس م قادر يصرح ليهاا ومحتفظ ب حبو جواه بس اهتمامو واضح
اليوم احد ومن الصباح كدا ومع الطبيعه الهااديه دي وهزة شجر النخيل ومع صوت الاذان وصوت العصاافير امونه صحت (صباح الخير ي امي ...صباح الخير ي امونه ي بنيتي ...هاك يمه المويه دي اتوضي انا صليت وقايمه اجيب اللبن
,, ومشت علي الزريبه وحلبت اللبن وجات شايله ف راسه لاقت محاسن ..حسووونه صباحك طيب ....امونه كيف اصبحتي .....تمام والله وانت كيفك وخالتي الرضيه (ام محاسن)كيف ?......والله م عندها عوجه بس سمعت امبارح ود عم النعيم الاسمو الهادي دا تعب ودو العياده قالت ماشه عليهم بعد تشرب الشاي .......مالو ان شاء الله سلامه الجاهو شنو ......بري والله م بعرفو .......طيب بكلم امي تمشي معاها ربنا يشفيه ... خلاص ي بت النمشي اسوي الشاي ......اي سمح انا زاتي امشي امي راجيااني ........سمح اغشيني للمدرسه ي امونه......كويس القاك جاهزه بس (و امونه مشت علي البيت وسوت الشاي ل امهاا وابوها واخوانه وقاعدين يشربو) يمه الهادي ود عم النعيم قالو عياان .......سجمي مالوو الهادي ي بت ...والله م بعرفو مالو ورتني محاااسن اسي دي ...ان شااء الله خير والنسااوين ديل م مااشات ي دي يشوفنو ...اي قالت لي امي مااشه ...سمح النقوم اودي القش للباهيم ديل وافوت كدي عليهم وقومي علي مدرستك الزمن جا ...سمح يلا ودعتك الله ..قدمي الفاتح دا معاك اخوانك ديل بقضوها لعب و م بوصلو المدرسه ...خلاص كويس ي امي يلا معاك سلامه ..ودعتك الله ي بتي .. يابا انا مشيت .. ربنا يحميك ي امنه خلي بالك ف قرايتك ..(وامونه مسكت الفاتح ومشو ل محاسن ف البيت وفاتو علي المدرسه وبتونسو ) انت ي امونه كتبتي الاحياء كلها وحليتي التمرين .....ايا كتبتو انت م كتبتي ولا شنو ......لالا كتبتو بس ف سؤال م حليتو .....سمح بنراجعو ف المدرسه ......الليله ووب محمد قدامنا .....نان مالو ان بقي قدامنا محمد نسلم ونفوت ف دربنا .......ايا بس ارح سريع م ناقصين وشو من الصباح ....(محمد شاف امونه وعيونو بقو قلوب قلوب😍 )امونه ازيك ي بت لعلك طيبه ..بخير ي محمد نحمدو انت كيف صحتك ..... الحمدلله والله روقه تب ..... الحمدلله .....اها علي المدرسه وكدا والله تعب شديد ربنا يوفقكم.....امين ي رب .....(وفات ف دربو وديك واصلو مشي )
...ووب وب الولد دا لما يلاقينا نفسي بتكتم ......انت براك خايفه ي بت محمد دا اخوك م تعملي كدا .......اخوي وبدقني م تنسي الحته دي ......ياريت نحن لو عندنا اخو كبير وشغال زي محمد يبقي لينا سند (الله يرحمك ي معتصم ي اخوي )
....... سند شنو كمان اسي عليك الله عمي الطيب مالو مقصر ف شنو ........والله ي محاسن م مقصر الله يخليه لينا لكن ابوي كبر والحمل كتر عليه يلا نسكت وصلنا المدرسه (قضو الحصص واليوم الدراسي خلص ورجعو البيت وكل وحده شالت جركانته وركبت حمارته وماشين يجيبو المويه من البحر عشان يملو الازياار ويسقو البهايم ) .........محاسن امك م قالتلك الهادي بقي كيف......ي بت الهادي قالو لدغتو عقرب واسي تعبان والله ........وااي لكن ربنا يكتب سلامتو .....
(فجأه يظهر ليهم محمد ف وشهم ) وه وه .......بسم الله .....الله يقتلك شفتي عفريت .......عفريت غيرك في ي محمد ي اخوي ......اسكتي ي محااسن عليك الله امونه خباراتك.....شديده ي محمد الا واجعني الهادي ......اي والله الهادي تعبان ربنا يشفيه .....امين .....وانت مالك شايله همو كدا ......وكيف م بشيل همو الجني مننا وفينا ...... منك وفيك شنو عندك معاه شنو انت اصلو .......كيفن الولد قريبنا ي محمد جنيت ......ايا قريبنا سمح يلا ودعتكم الله (وفاات خلاهم واقفين )امونه استغربت من تصرفو .......ي بت حسووونه اخوك دا جني ولا شنو ......بري اخوي دا مجنون اصلوو من يومو كل م اقول ليك كدا تقولي لي ي بت دا اخوك وشنو .....كدي ارح ارح سريع ورانا قررايه
(جابو مويتهم ومشو حشو قش للباهيم ورجعو البيت حلبوو اللبن ل شاي المغرب والعشاا وامونه سوت الشااي وجابتو علي ابوها )
ابوي هاك الشاي انا ماشه اقرأ ..سمح الفانوس انا ختيتو فوق التكل ..سمح ادعي لي ي ابوي ربنا يسهله علي ..... ربنا يوفقك ي امونه ي بتي (وختت الشااي وباست راس ابوها ومشت علي قرايته بالفانوس ودخانو واجع حلقه ومدمع عيووونه وصابره وهمها الطب )
يتبع.....
