ثاني يوم كالعاده بدلت ورحت للدوام
حمزه- وصلت للوضيفه دخلت رونق
هلو شونج ضحكت راحه كلبي من اشوفها
رونق- هلو حمزاوي تعلمت من مها
حمزه- هه باوعت بعينها تدرين انتي تشبهين الصبح
رونق- شكرا نصيت ورجعت باوعت بعينه ابتسم
حمزه- رونق مااندل بيتكم اني
رونق- شتسوي بي
حمزه- هيج ردت اندله
رونق- ممم ابتسمت اليوم من ارجع امشي ورايه
حمزه _ماشي يله نشتغل
رونق- ليش لا بدينا الشغل واستمرينا باجر يستلم المنصب الجديد مشت الايام عادي وحمزه اندل بيتنا وصار شهر عالطلعه وحمزه عيونه وين مافوت لو شكد مجان طامس بالشغل يباوعلي يبتسم واني اذوب بنضرته كام يطلع ب4خطيه وهالاسبوع تنضم دوامه رجع ب1يطلع
اي يابه طكووو هاي فراس خابر علمودك يباركلك المنصب الجديد
حمزه- الو ها خويه الله يسلمك الله يرضى عليك اي والله الحمد لله لا يابه ماريد ازاحمك لا ها خوش لعد اي شكو بيها الله وياك
يابه اخوج عازمني على عشا اليوم تجين
رونق- طبعا طلعه وانت بيها ومااجي ليش تخبلت
حمزه- ابتسمت ليش يعني واني شنو واذا مجيت عيونها التخبل خربطت احوالي
رونق-ههه مااعرف اتونس وياك
حمزه- ههه اني هم زين مها تجي ويانا لان مااكدر اعوفها بالبيت
رونق- اي طبعا رجعنا للبيت وبليل طلعنا
مها- كلما اطلع وياه اضل اباوعله وهو مو يمي همزين هالمره مجتي خطيبته ياربي انشاء الله يعوفها هو احله منها يرادله وحده حبابه
حمزه- صدك فراس براس فرعنا ديبيعون بيت صغير اليوم لكيت قطعه معلكيها اذا ردت اسالك عليه
فراس- اي يمعود الله وايدك والله 3ساعات دااوصل للعامريه
حمزه- شجابك عالعامريه جان فتحت بالوزيريه
فراس- مو شريكي هنا بيتهم بشارع المنضمه وهو لكه المحل وبصراحه سعر كلش ناسبنا
حمزه- وانت ليش متبقى بيت ابوك شعجب تطلع
فراس- اني احب الاستقرار وحدي وهاي من اني صغير
حمزه- يله الله يوفقك ويصير من نصيبك والله اني بالبدايه اشتريت مشتمل وره 4سنين شغل مصارف ولا فلس منها اعيش من فلوس جدي وراها توفى وتقسم الورث واشتريت هذا البيت وبقه شوي اشتريت السنتافي قبل شهر كدامكم الحمد لله العبد بالتفكير والله بالتدبير
فراس- اي والله الحمد لله
كلسا اباوع على اخته وعيونها مشالتها عني هي شكلها كلش حلو بس بعدها صغيره ونضراتها مال وحده اكبر كمت مااباوعلها خاف حمزه ينتبه
مها- اني ليش بس اباوع عليه خل اشيل عيني ميصير شيكول على تربيتي
رونق- الله بطات تخبل
حمزه- اي شو هاديها بالمطعم هاي امه وجهالها ههه
رونق- خل اخذ وحده
فراس- لا لج عيب
رونق- حباب الله يخليك بس واحد هذا الصغير
فراس- لج خزيتينا عيب رونق كعدي عدل انتبهو عليج
حمزه- هههه يابه مشكور عالعزيمه ممنون منك فروسي اترخص في امان الله رونق باجر لتتريكين عازم الدائره على كاهي صار شهر من مواعدهم حيقطوني باول راتب 😆
رونق- ماشي باي مها
مها- باي باوعت لفراس ابتسم ونزل راسه
فراس- والله حتخبلني اكولج هاي اخته شبيها بس تباوعلي
رونق- مراهقه وانت حلو اشكراني شتريد تسوي
فراس- هي هم حلوه الله يستر عليها عيونها بلون الحشيش هههه تاكل خضره هواي
رونق- دكوم كوم كلبتها خروف يله خلنروح نعسانه اني
فراس- يله هاي فيروز اكلت كلبي ميت مره دكت
ثاني يوم عادي رحت للوضيفه وجاب الكيمر والكاهي
وجابلي ماعون
حمزه- هاج رونق هاي حصتج وهذا ماعوني
رونق- هسه اني شون راح اكل بله
حمزه- باعي هاي الكاهيه تخلين بنصها الكيمر وتلفيها تاكليها اويلي يامحمد شون طعم
رونق- ضليت صافنه هاي شنو انت قسمتها وكعدت اكل على كيفي ضل يصنف يعني انتي ناسكه
حمزه- او مامي غطيني وب11كعديني بله هذا اكل سديتي نفسي كون هسه فراس كدامي واتكابل ويا خل اروح يم عزيز ورضا اكل عزيز يمكن صار خمس كاهيات اكل
رونق- لالا تعال كللي شون اكل والنبي اكل مثلك ههههه
حمزه- سويتلها لكمه فتحي حلكج كله وكلتلهيا اي عفيه هيج العضامه تصير
رونق- يابه اريد اللكمه تخلص ماكو كوه تنفست وانبلعت
عزه بعيني يابه اختنكت لا عمي مااكدر على هالاكل خليني اكل بنزاكه
حمزه- هه تخبل نزاكتج اتشاقى وياج اكلي براحتج
رونق- شكرا
حمزه- تدرين ليهسه مماخذ رقمج
رونق/ لا صدك دتعال اخذه
اخذ رقمي-----
حمزه- عادي اخابرج
رونق- اي عادي هسه احنا طبه وطلعه صار 3اشهر مستلميها على هاي
حمزه- مو هاي وي فراس يعني اذا خابرتج هم اكو احتمال فراس يطلعلي والله كلشي اتوقع ههههه
رونق- اي ههه وره ال12يطلعلك فراس ههه
حمزه- ماشي لا اني ماخابر فايت وكت عيب
يله حروح على شغلي كومه شغل عدي انتي هم فدوه كملي وتعالي للمخزن جيبيلي مال طارميه ومال سبع البور الفايلات مال توزيه الموارد الاروائيه لتنسين
رونق- لالا كمت اعرف شغلي روح بلش دقايق وجايبتهن
بلشنا شغل والتهينا كلش لحد نهايه الدوام وطلعنا
حمزه- رونق راحت لبيتهم واني فتت لسوك الوزيريه اتسوك بدربي كملت مسواك وخليته بالسياره شفت ولد صغير يبيع كتاكيت مال بط بالوان تخبل احمر ووردي واصفر
عمي بيش رايدهن
عمي الواحد ب500
زين كلهن بيش تنطيهن
هنه 15واحد ف كلهن على 7500
عمي هاي 10 بالعافيه عليك وروح ادرس
شكرا عمي اي رايح اقره طلعت شغل اليوم الله يخليلك امك
امي ميته حبيبي ولتدعيلي اني والله نتجازه ماريد دعائك روح الله يخليك لامك
-----
اخذتهن تذكرت رونق من تخبلت عليهن بالمطعم ومخلاها فراس تاخذهن صفنت شون بله عيب اروح ادك الباب اوكي اخذ 5 لمهاوي واخلي 10 ل رونق تكيف عليها وصلت لباب بيتهم ضليت حاير شون انطيهيا تجرات افتح الباب من جوه الباب وهديت الفروخه وسديت الباب
دزيتلها رساله
اطلعي للطرمه انطيهم مي تره الحسين مات عطشان وديربالج عليهن لا تاكلهن البزون تره هنه 10 وصلت الرساله اني بعدني واكف بالباب
رونق- شنو هذا شديحجي كلشي مداافهم
خل اطلع للطرمه اشوف شكو
اوووي حبايبي صدقه ركضت جبت طاسه بس اكمز واصيح بالطرمه
حمزه- سمعت صوتها جانت كلش فرحانه وتكمز ضحكت على ضحكتها فدوه لكلبج صعدت للسياره ورجعت للبيت
رونق- لكيتهم يركضون بالطرمه كلش كيفت اوف يا حمزه شكد حلو خليتني احبك صافنه عالكتاكيت نطيتهم مي هالحمزه ببساطه كلبه وفطاريته ملك كلبي
حمزه- مها تعاي شوفي شجبتلج
مها- شنو اوي اوي صدقه يخبلون
حمزه- باعي لج دنه يموتن بلعجل مو تنصبين مناحه ومحمد اكتلج ديري بالج عليهن وديت لرونق هم
مها- توني دااكولك هاي لو رونق جان تخبلت اي حدير بالي عليهم
حمزه انت تحب رونق مو
حمزه- ولج عيب كرصتها من خدها عيب بابا بعدج صغيره
مها- يارب تصير من قسمتك يارب
حمزه- الله يسمع منج باع خلتني احجي امشي وليي يله
بدلت وتغديت وفتت اتمدد توني دااغفه وجتني بالحلم تركض وحضنتني فزيت مرتاح على دكه التلفون
رونق الدتدك ممعقوله
رونق- مكدرت بعد لازم اعترفله واني من اني صغيره طبيعتي من احس شي لازم اكوله مااعرف اضم بكلبي اي شعور دكيت عليه رد وجان صوته مال نوم
الو
االو هلو حمزه نايم
للا كعدت هه حلمت بيج هههه وكعدت على صوت دكتج
شحلمت
لااا هيج ههه شنو شعجب منوره خطي
ردت اكلك كلمه واسده واروح
اسمعج
حمزه اني احبك تره ومتاكده من مشاعري
حمزه-سكتت ودكات كلبي صارت ب1000 كعدت عدل توقعته حلم ههه والله رونق مااعرف شكولج بس هاي مشاعري هم وماريد احجي خاف تنحرجين كلتاتقدم لخطبتها واشوف شتكول واهلها ينطون لو لا
رونق- يمه كلبي حيوكف زين شنو حلمت بيه
حمزه- تنهدت حلمت بيج جيتيني ركض وحضنتيني بهالحضه حضنت المخده تنهدت رونق احبج اريد اتقدم بس اخاف اهلج مينطوج شو حسب مكال فراس كل خواتج كرابه
رونق- اني اريدك انت
حمزه- يبوووو اشتعل كلبي ولج مااتحمل حجيج اني زلمه حوك مو مال هالحجي ويجوز اذا صرتي قسمتي مراح تسمعين مني هالحجي لان تره مااعرف
رونق- انت بافعالك ملكتني اني مااحب بس حجي انت فعلا رجل
حمزه- والله لعيشج ملكه بس خل اهلج ينطوج الي
باجر جاي لاهلج يعني انتي مقتنعه بيه
رونق- ماريد غيرك انطي روحي واكمل حياتي وياه
حمزه- رونق باعي اني محجيتلج على حيلتي قبل لااعرفج حياتي الخصوصيه يعني وانتي هم ماريد تحجيلي عن علاقاتج قبل
ردت اجر من جوه لسانها
رونق- اني اريد احجي
حمزه- اوكي احجي اسمعج واواعدج مراح يتغير شي
رونق- اني اريد ابدي بدايه نضيفه وماخاف من شي هاي دنيا مااعرف شراح يصير
حمزه- اوك كلي اذان صاغيه
رونق- اني سويت علاقه وي ولد بالجامعه ومصارت طبه وطلعه بس تليفون وفراس جان دائما يمنعني منه من اخابره يضل كاعد يمي وراها ياخذ التلفون من تصير ب12بس هو جان بس لغوه حجي بله تطبيق يعني مثلا كلي راح اترك الشرب وهو النوبه زاد على انه مقهور متعارك وي ابو يعني بين قوسين ملطلط لعبت نفسي وانسحبت بارادتي وابد مندمت وره فتره سمعت متزوج وحده دنماركيه علمود الجنسيه وراح للدنمارك وانتهت القصه وهو ابد محاول يتوسل حتى ارجعله يعني اصلا جان حب اساسه رخو وهش صراحه من حبيتك شفت بيك امانه ونبل واخلاقك عاليه وابد مافد يوم تطاولت بكلمه ودائما تثبتلي حبك بافعالك ممقترب مني ابد جنت ايدي ماخليه يلزمها
حمزه- مقترب منج الحمد لله ارتاحيت اني ابد محاب كضيتها قهر بقهر الحمد لله قبل 5سنوات يله كدرت اوكف على رجلي وهاي اني كدامج دفتر مفتوح طبيتي بيتي وتعرفين الصغيره والجبيره
وتعرفين عشيرتي عماتي وخالاتي الحمد لله صارت فرصه تعرفتي بيهم وهاي اختي الطلعت بيها بهالدنيا وياريت اكمل وياج نص ديني
رونق- احسن ناس واشرف وابسط ناس واططيب كلب وانت هم تعرفني كلش زين وانت الحجبتني بطريقه اني حبيت بيها الحجاب والستر وانشاء الله اذا صرت من قسمتك مااكسرلك حجايه
حمزه- واثق اني منهالشي يشرفني تكونين ام جهالي ههه رونق تدرين بيش الساعه هسه
رونق- ممم ب12ونص ههه واجه فروسي
فراس-ويامن تحجين ام التلفونات
رونق-وي حمزه هههه
فراس- ولك حمزاوي لا ياخاين تحجي وي اختي موو ههه شونك حبيبي
حمزه/ بالعباس صدكت مو الجوه ابطه عنز يمعمع الحمد لله انت شونك يابه سالتلك عالبيت يكولك ب80ومساحته 72بس ينرادله ترميم ويكعد وزن طابقين يخبل بناءه بس صبغ وترميم
فراس- خوش اني محضر روحي واتداين من الوالد20هاهي بعد ماريد يروح من ايدي واجل زواجي لحد مايكمل الترميم
حمزه- انشاء الله خويه فراس ردتك تكون ثاني واحد تعرف من بعد اختك اني الباجر جاي على والدك اطلب منه رونق واريدك وياي عون
فراس- هاااا وهي شنو رايها باوعت لرونق تبتسم يابه مبينه موافقه انشاء الله الوالد يوافق اني الي الشرف تكون نسيبي واذا صارت الك اكابلك واكعد لان بلكن البيت يصير الي
باجر الصبح قبل لا افتح امر كتلي راس الفرع
حمزه- بلي براس الفرع الله يسهلك يله خويه اترخص سلم على رونق باجر تنشاء الله ب6اني يمكم
فراس- كل الهله بيك حمزاوي الله وياك
حمزه- سديت التلفون وخليته على كلبي اوف يابه هم صدك تصير الي كمت اتخيلها ببيتي ونايمه بحضني ربي تدري بي التعب الشفته شنو
ثاني يوم رحت للدوام جانت غايبه رونق دكيتلها
الو شنو مجيتي اليوم ليش
رونق- والله مبيه حيل تكاسلت
حمزه- ممم يله ارتاحي ماعدنا شي البارحه كله كملنا
كملت شغلي وطلعت من الدائره وهيات نفسي ورحت لبيتهم جنت حيل مرتبك تمنيت لو عدي اخ يوكفلي لو ابويه هاهي الحمد لله اني ويايه الله ومحمد و12امام مايخدلوني دكيت الباب وطلعلي فراس رحب وبوسني جان كلش فرحان دخلت واجه ابوه سلم عليه وتعرفت عليه
ابو فراس- عمي نتشرف بيك بس جاي وحدك
حمزه- والله عمي اني والدي ووالدتي ناطيك عمرهم واني مسوول عن روحي وبس اتفق واخذ الموافقه اجيبلك عمامي كلهم من الجنوب
ابو فراس- لا انت تكفي وتوفي انت من يا عمام عمي
حمزه- عمي اني فريجي من العماره كلتها بفخر وحيل صدر
ابو فراس- ها يعني شروك اصلكم
حمزه- اي عمي شروكي وافتخر
شو الاب كام يباوع لفراس ماادري شون نضرات
ابو فراس- يصير خير ورقمك يم فراس واي شي اريد معلومات اخذهن منه
حمزه- اي عمي كلشي يعرف عني فراس الاب شكله مموافق كمل الحجي شفته سكت يله عمي انه ارفع الزحمه الي الشرف اتعرفت بيكم
طلعت وكلبي مقبوض وصلني فراس للباب بس وجهه ميتفسر كلشي محجيت طلعت سلمت عليه وكبل للبيت كمت اتصفن هذا جماعه اليشوفون الشروك اقل منهم متكبر ولا عبالك رونق وفراس جهاله
ابوفراس- اني ماانطي لشراكوه
فراس-ليش يابه شبي جي فطير وكلبه ابيض مو مثل نسابتك الدناغزه اني اكفله للولد واذا صار اي شي تعاتب ويايه
الاب- بابا شنو ذوله اني مااكدر ذوله غير مله عاداتهم واعرافهم
فراس- يابه لتقلل من قيمتك كدامي انت واعي وتعرف انه الانسان لا اصله ولا فصله باخلاقه مو هذا الربيتنا عليه مو جنت تكول يخلق من ضهر العالم فاسد اني الولد عاشرته وطبيت بنص بيته عليه طيبه كلب ووضوح مشفتها عد احد ورونق اذا عاشت وياه تصير ملكه
الاب- والله مااعرف اني ممطمئن
فراس- احجيلج كلمه يووم
الام- اني اصلا مقابله شكول لاهلي اخذها شروكي يضحكون عليه
فراس- تره انتو متخلفين يابه كل مله بيها الزين والموزين عمي اشرف ناس الشروك بعد واحسن من عشيرتج المخانيث ذاك اليوم من صار فصل مو كلها ضمت راسها اريد بيهم رجال ماكو الولد مفد يوم نخيته اذا ملكيته عد حسن ضنني ليش هيج تسوون تره انتو ماالكم اي علاقه بالدين
يعني الرسول مجاب سيره عالاصول كال الانسان باخلاقه وتربيته ودااكولكم اني تعرفت على عشيرته اشرف ناس حتى نسوانهم مشايفها عدهم غيره مو طبيعيه اللي حته نسوانهم الكرابه ممختلطين تعاي رونق رونق وينج تعاي طلعي
رونق- ها مستحيه
تعاي من رحنا بالعزيمه مال ابو شفتي ولد لو شافج ولد
رونق- لا نسوان وحد عن الرياجيل
فراس- وليش عبالكم مثل عشيرتنا يكوم يتفرج على عرضه وعرض غيره من الشباك كاعدين ولا عبالك اكو نسوان بالغرفه الثانيه ملتهين مو مشاويه ووعدهم الضيف ماكو هيج يكرمو وصدك نسيت اكولك شغله هاي بتك اللي مكدرت تحجبها لا انت ولا امي هو الحجبها بحجايتين
رونق- منصيه واسمع فراس يصيح ويمدح بي
فراس- اني ادري شتردون تردون تنطوها لواحد من العشيره حتى تكمل السبحه ليش عبالك كل خواتي مرتاحات الا اللهم رند مرتاحه لان رجلها حباب الولد بس البقيه ميتين قهر تره
الاب- اي هسه نسال ونرد الجواب
فراس- اني سائل قبل 3اشهر الولد ذهب روح شوف منطقته كلها تعرفه لان حرامي عابر على عالم وبايك الاكو والماكو وهو لازمه ومشبعه كتل مثل ولد اخت
