وونق- راح بعد م اجه يمكن ضاج من لبسي انتضرت لنهايه الدوام م اجه رحت للبيت كلش ضايجه
حمزه- ليش ضايج هي حره شتلبس خل تلبس تذكرت من خلت راسها على صدري استغفر الله مو اني الافكر تفكير نكس انكس بي عقلي الهي اغفر لي حمزاووي حمزاوي
ها عيني مها
حباب امشي ويايه للمكتبه كومه شغلات محتاجه
يله كومي جنت مجمع مبلغ مالي مرتب وي باقي الورث اريد اشتري سياره عاجبني كلش بس بعد ملكيت وحده تناسبني من طلعت وي مها شفت جيراننا تسالمت ويا
شونك ابو محمد
الحمد لله الله يخليك انت شونك
حمزه-انه هم الحمدلله نعمه وفضل اكولك ردت اشتري سياره على فليساتي متعرف احد يبيع سياره زينه
ابو محمد- اي والله اخويه ديبيع سيارته السنتافي شكد فلوسك
حمزه- والله عدي 90ورقه
ابومحمد - هسه اخابره وشوف عجبتك حتى تتقاولون على سعرها هو رايدها 124بس اني مناسي فضلك من لزمت الحرامي جان راحن فلوسي
حمزه- عمي صدك جذب احنا اهل دخابره بلكن يكدر يجي حتى اشوفها عجبتني نتوكل على الله معجبتني نعوفها نشوف غيرها
ابومحمد- شكو بيها
حمزه ااتصل واجه اخو وجيكتها اني الي خبره لان فتره من الفترات اشتغلت سنتين فيتر اني محاجي عن حياتي القديمه كلها قهر بقهر الحمد لله على كل حال المهم صارت البيعه واشتريتها السياره نضيفه حيل وصاحبها حيل معتني بيها اشتريتها وجنت كلش فرحان لان متتحصل بهالسعر بس الرجال انحرج رجعت للبيت نمت مرتاح ومها هم كيفت بيها حتى اطلعها وانشاء الله اليوم اطلعها
ثاني يوم داومت رحت للمكتب عدي شغل بي هواي -- رونق -السلام عليكم
حمزه-عليكم السلا--
ابتسمت باوعتلها شفتها لابسه لبس عريض ثوب ومن جوه عريض يخبل عليها ضليت مبتسم وعيوني بعيونها وهي هم تبتسم
هاي شطالعه همست
رونق- يعني سماح
حمزه- ممم يخبل عليج مااكو احلى من الستر
رونق- طلعت البارحه وي فراس من وراك ربع الراتب طار
حمزه- من ورايه ليش يابه انتي تردين تسترين جسمج
رونق- بس انت السبب اني اهلي سبورت وللاسف ماخذه هالشي رقي بس البارحه كلش ندمت
حمزه- اول خطوات الهدايه الندم الحمد لله بلكن الله تتحجبين بعد
رونق- حجاب !!
حمزه _اي حجاب شبي الحجاب جريتها اكو مرايه طويله بالمكتب شوفي روحج هالبراءه كلها والجمال والنزاكه لو حجاب يكملج محد يكدر بعد يدوسلج على طرف الحجاب الج قوه مو ضعف تتسترين بي من عيون العالم معناها دتكولين للعالم اني ثمينه لتلزموني
رونق- لا ماريد هسه اني هم ثمينه ومحد يكدر يلزمني
حمزه- براحتج ماكو الدين مو بالاكراه بالصدفه
فات معتز ابو قسم شوون الموضفين
سلام شباب
حمزه-هلا عزو
معتز- هلو رونق ابتسمتلها جريتها من شعرها شونج
حمزه- وكفت على حيلي متحملت شنو هالحركات
معتز- شكو عيني شسوينا
حمزه- شنو تلزم شعرها متخجل امشي اطلع بره
معتز- شبيك حمزه شصار دااتشاقى وياها
حمزه- صار شهرين وياها بالتدريب مكايسها انت قبل يومين تعرفت عليها تتشاقى شوي اخجل
معتز- باوعت لرونق منصيه اسف اعتذرت وطلعت
رونق- باوعتله صار نار حمزه الولد مو---
حمزه- هو انتي عدج عادي خو يجرون شعرج يكرصون خدج عادي ديتشاقون
ممحافضه على روحج البنيه مثل الورده اذا احد لمسها تتاثر دير بالج على نفسج ولو انت محجبه تقربت منها واحجي بعصبيه ومنصي صوتي لو محجبه جان مكدر يتقرب منج الحجاب الج قوه مو ضعف عفت الغرفه وطلعت صرت نار اخذت اجازه ولاول مره بحياتي العمليه
مرتضى ابو تسليم الرواتب - سلام انسه رونق حمزه هنا
رونق- لا تلكاه يم عزيز
عزيز- السلام ها رونق وين حمزه
رضا الجايجي- شفته استاذن وطلع اخذ اجازه
عزيز- ليش ياستار اول مره يسويها خل اخابره
الو ها حمزاوي شكو اول مره تاخذ اجازه
وشبيك صاير عصبي نعتذر عمي لا يابه احنه اخوه وضل بالي يله ارتاح الله وياك
رونق- ردت اتخبل من ورايه اخذ اجازه لاول مره لعد شكد انغث ليش هيج يتصرف ويايه صفنت اني بعد لازم اتحجب موكافي عاد وحجايه حمزه صح لو محجبه جان متدنه معتز رجعت للبيت اشتريت حجابات
فراس- شنو الغيرج
رونق- مااعرف
فراس- احجي ومتزعلين
رونق- ماازعل منك
فراس- حمزه وره هالموقف صرت متاكد انه معجب بيج اذا انتي منبادلته مشاعر انسحبي ولتنطي وجه واذا مبادرته ديري بالج على روحج اليريدج يجيج للباب
رونق- صفنت صح اني هم معجبه بي نصيت هو يختلف عن الكل
فراس- ابتسمت صح هو بسيط ويختلف كلش حباب واخو خيته
رونق- مااعرف ليش داانجذب اله
فراس- هو حباب وحافظ عليج بطريقه كلش حلوه اني مااتدخل بلبسج بس ميعجبني صراحه كم مره كتلج كتيلي عاجبني بس هو اسلوبه جان يختلف وهذا الانسان اللي انتي محتاجته بس نتاكد انه رايدج مو لعب لان اني مااقبل ينضم عليه شي
رونق- مستحيل اضم عليك شي لاخر يوم بعمري انت صندوق اسراري
ثاني يوم داومت من وكت جنت لابسه الحجاب سمعت صوته نصيت اخجل اشوف وجهه
حمزه- بقيت مغثوث من رجعت وجريتها نومه للصبح بدلت وجيت حتى غده مسويت كلت اشتري من بره دخلت المكتب شفت بنيه محجبه منصيه
ضليت اباوع عليها مستغرب رفعت راسها ونصته جسمي قشعر رونق !!
رونق- صباح الخير كلتها بصوت ناصي ومباوعت عليه
حمزه- صباح الجمال والعفه شو باعيني ابتسمت تدرين الحجاب شكد يلوك عليج
تدرين العفه بوجنتج تشفى
تدرين اموتن من اغار عليج
واموت من الهوى اللي بخلصتج يغفى
رونق- فتحت عيني هاي شنو شعر
حمزه- ابتسمت متنهد والله هسه ارتجلته والفته
رونق- يخبل دمعت عيني حمزه عيده
حمزه- كتبته ونطيتهيا وكتبت التاريخ والساعه واليوم وتوقيعي
هاج حتى تبقى ذكرى
رونق- انت كلش حباب بقيت مخليه عيني بعينه وهو عيونه منزلها وابتسامته موتتني
حمزه - يله نكمل شغل
اووف اني طمست ادري بروحي احاجي نفسي
وماكو ولا فلس جوه ايدي حديقه وطلعتلي ورده بيها ولازم اقطفها قبل لتروح من ايدي التهينا بالشغل وكملنا دوام جنت احاول ابتعد عن عيونها في سبيل اكمل شغلي والحمد لله كمل الدوام وطلعنا
اا رونق رونق
حمزه - تعاي قبل لتروحين بس كلمتين
رونق- نعم باوعتله ابتسم
حمزه- باعي اليوم عيد ميلاد مها واني ناوي اطلعها وتدرين اني مااونسها مثل بنيه وياها تكدرين تجين واذا هاي خلي فراس اذا ماعده شي هم يجي مشتاقله والبذات لاخابر وره العزيمه لا سال
رونق- وين نروح
حمزه- بصراحه اشتريت سياره واني ابد ممطلع مها بس للكاضميه للنجف تزور امي وابويه لكربلا بس
رونق- زين خلي الطلعه عليه المكان قصدي اليوم ب6اجي اني وفراس ههه متشوقه
حمزه- يعني مااعرف شكولج بس والله يصيبج اجر تفرحين مها
رونق- راح اخليها تفرح هههه لتكولها اي شي
حمزه- شون غير تتحضر
رونق- لالا اني عليه عوف السالفه يله باي عالموعد غمزتله
حمزه- هه ماشي يمه كلبي تغمز النوبه اوف ربي هواك ودفه بلاك من حواء يمممه
رجعت للبيت
مها- هلو حمزاوي شونك
حمزه- هلو حبيبتي هاي جبت كباب تعاي تغدي
مها- خوش عاشت ايدك اليوم استلمت النتيجه طلعت بدرس😔
حمزه- ليش ياعيني
مها - والله هسه اشد حيلي لتنقهر فدوه
حمزه- واثق بيج اني يله رايح انام
مها- تنام ها اوك بيباي هذا نسى يوم عيد ميلادي لو انغث من كتله طلعت بدوس اول مره ينسى 😔 يله ميهم شنو يعني صرت16سنه
كمت لملمت الهوسه وتمددت انام
حمزه- صارت 5ونص كمت حتجي رونق بعد شوي حضرت هدومي وفتت للحمام زينت مها جانت نايمه بذلت وكملت كعدت انتضر شوي وسمعت السياره طبكت بالباب
رونق-طلعت اني وفراس وخطيبته اشتريت مانتو بسيط لمها وبنطرون وشال المانتو جان طويل
لان هي محجبه خطيبه فراس جانت ويايه اختاريت على ذوقها المانتو وصلنا للبيت دكينا الباب طلع حمزه كاشخ
رونق- هاي شنو داد كلك حركات عا ااا بالعافيه سيارتك تخبل عدكم بيض ركضت للثلاجه اتصرف بعفويه جبت بيضه
حمزه - لا بداعت الخوه لااا ولج تلعب نفسي
رونق- مسمعتله وركعت البيضه بالبنيد
حمزه- اخ كلبي لو راكعتها براسي ولا بالمحرك ليش هيج ليش مو من الصبح غاسلها
رونق- يله بينما تبدل مها انت غاسلها دخل فراس للبيت
حمزه- عابت خجلتيني حبيبي فراس مشتاقين عالخير الخطوبه يابه --شونج خويه عالخير الله يتممها عليكم بالخير تفضلو تفضلو
رونق- فتت شنو وينها
حمزه- لج نايمه بالغرفه
رونق- حكعدها رحت للغرفه كومي مها
مها- نعم هللو رونق
لج كومي شوفي شجايتلج
شنو
دكومي شغلت الضوه
الله يخبل
كومي حمزه مسويلج مفاجاه مال عيد ميلادج
صدك شنيه
امشي وشوفي
طلعت ولبست يخبل عليها
حمزه- الله يخبل عليج ومستر عاش ذوقج
مها- باوعت لاخوها هذا الحلو من دنطلع ويا خطيبته حرامات خاطب بس فد خشم عالي
طلعنا اني وحمزاوي بسياره ورونق واخوها وخطيبته بسياره
فيروز- اكلج رونق منين تعرفيهم
رونق- وياي بالوضيفه
فيروز- يمكن شركو
رونق- اي شروك وشنو يعني
فيروز- باوعت لفراس لك اختك تكول شنو يعني بابا ذوله غير مله قوانينهم وحجيهم واعرافهم تخرب ضحك
رونق- حبيبتي فيروز كل مكان بي الزين والموزين وكل وكت وكل عائله ميعجبج تطلعين وي شروكي ملازم مره ثانيه منمر عليج
فراس- هاي شبيكم فيروز شنو هالحجي الولد ابسط منه ماكو ورزن وغيرتلي هو هذا حجي لو الناس صارت تنقاس بفلوسها الناس باخلاقها
فيروز- سكتت ماشي اعتذر رونق
رونق/ نار وشبت بيه هاي اهلي هم كل حجايه هاي شروك ديله خطيه شونكم انتو والله مشفت ببساطه الشروك واصولهم وغيرتهم اللي خلاني البس الحجاب هالحجي كله بداخلي
وصلنا لكورنيش الاعضميه ومها جانت فرحانه كلش كامت تمشي ويايه
مها- لزكت برونق مصدكت وحمزاوي هم ويانه واخوها وي خطيبته
حمزه- رونق فد سوال
رونق/ نعم باوعتله
حمزه- هاي مرت اخوج شبيها معقوجه ههه
رونق- هههه اول مره اسمع هالمصطلح
حمزه-خلقتها مكلوبه حشه خلقه الله مو مثلكم
رونق- لا بعدها صغيره متعرف واول طلعه وي فراس
مها- خل نصعد بالكوب
حمزه- لا مها كلها شباب
رونق/ اليوم عيد ميلادها لتكول لا امشي ويايه
حمزه- دمشن يله صعدتهن ونزلت تونست مها كلش كملنا ملاعيب وصعدنا عباره واغاني عالكه وهوسه تونسنا كلش وراها كعدنا بمطعم قاسم
فيروز- فراس حنكعد بقاسم
فراس- اي حبيبي اذا ميعجبج نروح على غير واحد
فيروز- اريد بيتزا اني ماحب المشاوي
فراس - ماشي شباب نروح لغير مطعم
حمزه- ليش شبي قاسم معود بس اللحم مالته بي خير
فراس- ها لا عاجبني بيتزا
حمزه- ها كيفكم يله
-تاكلين بيتزامهاوي
اي عادي جنت اباوع على اخوها شون خايف على خطيبته لازمها وهي ولا تضحك كبر بومه
رونق- اني اريد صاج
حمزه-اي خوش هسه خلنكعد كعدنا وكملنا اكل مها كلش تونست بس اني شوي مرتاحيت لان فراس ويانا اضوج اختي وهاي بس هو ملتهي بخطيبته وهو خوش ولد المهم كملنا اكل رحت غسلت دفعت الحساب ورجعت فراس كام يحاسب اجه كام يحجي
ليش هيج حمزاوي
حمزه انتو اليوم معزومين عليه شي ثاني الهديه الجايبيها لاختي ذاك الحساب والونسه التونستها شي ثاني لتخجلني
فراس- مره لخ عليه تره
حمزه- اوك ماشي
رجعنا للبيت اني ومها جانت طايره حضنتني شكرا حمزه الله يخليك الي
مهاوي انتي البقيتيلي من اهلي الله يقدرني واكون الج عائله وماخليج تحتاجين احد
رونق- جانت امسيه تخبل حمزه طاير باخته ولو مشبعت من عيونه
فراس- حيل تونست اليوم وي حمزاوي يضحك الهوه
فيروز- بس بعد من تردون تطلعون وياهم لتكولولي ماارتاح وي غربه
رونق- ليش هيج ذاك اليوم موطلعنا وي بيت حماها لرند اختي شو مكلتي غربه
فيروز- بس ذولاك مو غربه منا وبينا كواضمه مثلنا
رونق- باع التخلف اروح انام احسنلي باي فراس
فراس- فيروز هاي شنو السوالف
فيروز- فراس اني هيج اتخبل من الشروك
فراس- اكولج تره مااقبل تفكرين هالتفكير باجر عكبه تربين جهالي بهذا تفكيرج الرجعي شطيح حض الشعب العراقي غير ناس تحجي على ناس دير بالج تعيديها الولد احترمه كلش وارتاح وياه
