ابجي لبجاه واشهك عفته يطلع اللي بداخله
فراس-امير مشتاقله لضحكه لمناغاته تذكرين الورده الجبتيالج بيوم عيد ميلادج وزرعتيها تعاي شوفيها كبرانه وانتي ماكو فيروزه تعبت ليش عفتيني بقيت ابجي ونمت
مها- شفته سكت اني هم سكتت سمعت صوت نفسه تغير عوفته نام سديت الخط ونمت ارتاحيت من بجه حسيته هو هم ارتاح
فراس- كعدت الصبح باوعت للتلفون اني صدك حاجيتها مو حلم منو هاي صديقه فيروز مااعرف يجوز صدك هي دزتها الي بس كلش ارتاحيت من حجيت وياها
محمود- ضلت ببالي علومها جنها ورده ذبلانه استغفرت ربي ها اخت فروسي شداافكر انه جاغير متزوجه وره شوي اتصل فروسي
الو ها ابو شكريه اني اعتذر قبل يومين نسيتك شوي صارت مشاكل
لا خويه عادي تصير بكل بيت
اي والله خويه روح لبيت ابويه الوالد ينتضرك روح شوف الخايط منين ديجي المي شنو السبب
ماشي رايح كمت كشخت ولا جني رايح عماله وصلت لبيتهم دكيت الباب طلعتلي مره جبيره خاله امه العماله ابو فراس موجود
اي يمه تفضل ام فراس عفيه فراس جماعته كلها شروك بداخلي
محمود _فتت للبيت وتلكاني ابوه هلا يابه تفضل هذا الحايط صعدت عالدرجه حكيت الحايط عمي لازم اصعد لسطحكم
ابو فراس- اي عمي اخذ راحتك ام فراس صيحي عالبنات فوك خاف ميدرون
محمود- صعدت وعيوني عالشبابيك مادير راسي بس عيوني بس ردت المحها شفت السطح طلعت ينرادله تزفيت
نزلت ياالله عمي وينك هذا من السطح ينرادله تزفييت اذا تريد باجر جاي ويايه الزفت ميحتاج احد وياي
ابو فراس- هاهي لعد توكل بالله باجر بيش ساعه
محمود- اني اشتغل من الفجر
ابو فراس - واني كاعد هالوكت منتضرك
محمود- من دااطلع انداريت على شباك الطرمه لمحت بنيه وخرت البرده منذشافتني شفتها رجعتها
بلقيس- هو هذا نفس جسمه وشعرها وسماره الطوخ
محمود- اكيد هي ابتسمت وطلعت وثاني يوم اجيت الفجريه جان بس ابوهم كاعد اخذت الزفت وصعدت نت محضر رقمي انطيهيا من اشوفها بديت ازفت كملت اول صفحه نزلت ردت افوت الحمام بنزلتي لدرج السطح شفتها تريد تنزل درج بيتهم وتعدل حجابها شفتها رجف كلبي اي والله هي نفس النعومه جاغير بيدي شلتها رفعت راسها شافتني نصت مبتسمه
محمود- انه الحوك تخربطت اححم
خويه شونج شون صرتي
بلقيس- رينه الحمد لله مصارت فرصه اشكرك بيها
محمود- صدك جذب يمعوده شتحجين لعد اعوفج ممدده بالشارع اصلا انتي كلش خفيفه ابتسمتلها واحس كلبي راد يكمز من ضلوعي بقينا واحد صافن بوجه الثاني تنهدت تذكرت الرقم اخجل انطيهيا شون طركاعه هاي
انه اترخص فتت قبلها صحت يالله
ابو فراس- كول عمي اامر
محمود- شفتها انهزمت للغرفه مع العلم همه كلش سبورت يعني امهم ميت مره شفتها وبنيه ثانيه مبينه اكبر من بلقيس اتوقع مرت حمزاوي بس ليش انهزمت حجابها وعلى راسها
----
عمي بس ردت سطل مي وافوت الحمام قبلها
فوت عمي اخذ راحتك
كملت شغلي وطلعت بقه باجر اداوي الرطوبه
رونق- باجر اداوم وشايله هم وحقد ميعرف بي بس الله يدري بي لحد هسه صار شهر لا خابر لا سحب الدعوه هيج معزتي وكادر على فراكي واني لانومي نوم ولا اكلي مثل العالم دااتمرمر واهلي يكومون ويكعدون يدعون على حمزه لان من وراه تطلكنا اني وبلقيس بلقيس طلكها صخمان وخلصت ومتقبل تلزم عده وجبرناها على هالشي تكول اني شسفت منه كل حياتي عذاب ويا لو اموت مالزم عده امي كامت تصيح عاد سكتت
مها- قاني يوم بليل هم خابرته
الو
الو هلو شونك اليوم
موزين انتي شتريدين
ماريد شي بس اسمعك
ليش بله اكولج روحي مناقصني قهر
تنهدت مشتاق تسمع صوتها
فراس- اي تنهدت حموت اوكف بالحمام اتذكر من جانت تسبح ويايه وتضحك وصوت صدى ضحكتها يفرح كلبي كمت ابجي بحركه
مها- بجيت لبجاه متحملت كمت اشهك
فراس- ابجي واحاجيها انتي هم مشتاقتلها مو مبين من بجاج
مها- اي
فراس- لعد اني شكول تدرين كلما اطب للبيت تكفخ بخشمي ريحتها واحسها تاكل وتشرب ويايه وحتى بليل افز على صوت امير اووف امير هد حيلي هو وامه
مها- دينتضروك بالجنه
فراس- انتي منين تعرفيها من الجامعه
مها- ااي
فراس- زين بقيتي متواصله وياها
مها- اي
فراس- يمكن انتي الجانت دائما تراسلج
مها- اي اي
فراس- تعبان بفراكها بعدج تقريلها قران
مها- اي بعدني كل يوم
فراس- تشوفيها بمنامج
مها- البارحه شفتها تشكرنني وكلتلي ادير بالي عليك
فراس- تنهدت اني من احاجيج اطلع اللي بكلبي صار شهرين للسالفه ودقيقه متروح من بالي وابين للناس اسولف واضحك انه اني الحمد لله زين وداخلي حطام ملاك الله يخليج انتي كاعده بالبيت مو
مها- اي كاعده بالبيت
فراس- لتكطعين قرانج ابد ووصليلي سلام الها كوليلها يكول ماناسيج ولا ناسي امير وبعدني انطي صدقه للفقير اليجينا للبيت كل اسبوع وبعدني ازكي الحديقه
مها- ميخالف انت دتروح لشغلك
فواس- تنهدت اي داروح الشي الوحيد اللي مخليني التهي عن المي ومن ارجع تعبان كللش انام بسرعه كم مره اجه عليه نسيبي هذا كلش يحبني مكدرت اطلع كتله اريد انام
مها- زين دتاكل زين
فراس- اي اكل
مها- فراس انت تصلي
فراس- لا والله من اني صغير مااصلي بس برمضان
مها- جرب تصلي تره ترتاح والله
فراس- اني اعرف هالشي بس مالي نفس استغفر الله
مها- كوم نصلي اني وياك نهديلها ركعتين
فراس- ليش
مها- راح توصللها وتجيك بالنوم
فراس- صدك
مها- والله جرب واذا مو من اول يوم من ثاني اوثالث يوم
فراس- زين حروح هسه اصلي وراها انام بلكن اشوفها
مها- اني حروح اصلي
فراس- لالا انتي لتصلين خاف تجيج الج ومتجيني هه
مها- لا حصلي واندعي تجيك خوش
فراس- اي مشكور حبابه مع السلامه
صليت واندعيت تجي بالنوم ردت اشوفها حمووت
كملت ونمت وفعلا حملمت بيها حضنتني قوي واني هم ردت روحي اوف يابه فزيت جانت ساعه 2 بليل
خابرت ملاك مكدرت انتضر للصبح
مها- ب2دك فزيت رديت الوو فراس
الو ملاك حلمت بيها والله حلمت بيها حضنتني قوي وحضنتها اني هم ردت روحي
مها- الحمد لله بجيت
فراس- لتبجين مو كلتي هي بالجنه وفعلا شفتها بحديقه تخبل
مها- الحمد لله جانت كلش حبابه ومضبوطه صلاتها
فراس- اي والله ويوميه تتوسل بيه اصلي ومااقبل شكرا ملاك
مها- عفوا
فراس- اسف كعدتج
مها- لا عادي فرحتي انصالك
فراس- راحت النومه من عيوني
مها- هههه اني هم
فراس- ههههه هاي فد مره خابرتها بنص الليل لفيروز جننا بالعلاقه بعدنا جانت زعلانه ومكدرت انام الا اصالحها طلعتي صوتها مال نوم واني نزلت تبوس ابوس وارجع ليوره اكولها اسف حبيبتي والتردي يصير
جان تكولي ولك اني امها مو فيروز يامتستحي
كتلها خاله يافيروز اني مااعرف وحده اسمعا فيروز ههههه اني طالب مروه
جانت تكلي غلط يمه سديت التلفون ارجف
مها- هههههههه خرب شون موقف جان راحت 9باسود البنيه
فراس- سكتي وخليها ومره وي اخوها داامشي وياها جنت متواعد وشافت اخوها كامت ترجف لك اخويه ذاك اخويه اني رحت لاخوها وكدتها كتله خويه هاي اختك
كللي اي شعدك وياها باوع لفيروز خزرها
كتله لاجانت متيهه ولمحتك كالت ذاك اخويه
كام يتشكر مني عههههههه
مها- خرب حضي هههههههه ادري شنو ماعدكم حظ
فراس- شبعت ضيم بعلاقتي وياها لحد ماخطبتها يله الله فرجها الله يرحمها وهسه عافتني وصار الوداع الاخيرً
مها- لا مو التخير مو كتلك تنتضرك بالجنه
فراس- انشاء الله تنهدت انتي مرتبطه
مها- لا
فراس- شعجب
مها- ماكو واحد تقدم ااا ميخالف ماجاوب
فراس/ براحتج دوختج
مها- لا بالعكس كلش مكيفه من داحاجيك
فراس-اني هم
مها- باجر شنو عدك شغل
فراس- يبوو كومه اجيب الرفوف مال صيدليه وادكهم وبليل تجي بضاعه الادويه لل1يله ارجع
مها- ديربالك الوضع موزين
فراس- لازم كايلتلج من خطفوني
مها- ايدادري
فراس- تدرين لحد الان مكايل لاي احد شسووو بيه هناك اخجل حتى لفيروز مكايللها
مها- واصدقائك
فراس- ابد محاجي شي يخجل
مها- والله هم اليخجلون مو انت مع الاسف اسمهم رياجيل
فراس- تدرين شسوو بيه سوو بيه شغلات متنحجي بسدالله يجازيهم
مها- شسوو بيك ضربوك
