- هذا الكدامك ابو شعر اسعد ابو الدهن وهذا اللاطش بيده التلفون صلاح فافون
- وهذا الطويل علي عامود وهذا الكدامك اكرم الزقج
- فراس- وانت محمود شنو ههههه
- محمود- اني محمود الاجلح متشوف جهرتي وانت فراس الاشكر تدري من صرت بنصنا كمت تضوي ماشاء الله نور وايمان
- فراس- اتشوف بيكم والله اني ماعدي اصدقاء كلهم سافرو
- محمود- بربك صادقني بلكن الله اسافر
- فراس- هههههه
- رونق- دخلت للهول من غير باب عدهم عيب الاختلاط ضلو صافنين من فتت بس البنيه الفتحت الباب كلتلهم هاي وي حمزه بالشغل وتسالمو وتعرفو عليه فد ناس بسيطين كلش والفشار عدهم تصنيف شبعت ضحك وصدك ب7ونص الاكل انصب مواعيد حمزه مضبوطه
- العشا جان هبيط عالتمن اتخيل فراس كاعد بنص الجدرهسه المصيبه وين من البساطه العدهم النسوان الكبار ياكلون بايدهم ومن تباوعلهم مو تلعب نفسك لا تشتهي الاكل وهو الاكل جان حييل طيب يعني امي لو تفوت للطباخ متطبخ هالطبخ
- كملنا وكمت وياهم دااودي المواعين
- طبعا العمات مخلو البنات يطلعون لازاكو شباب ميصير بس همه طلعو
- فراس- اكل ومااشبع الاكل رهيب شو ذوله كلمن طك دكمت البطرون تشله وتربع ياكل
- حمزه- فروسي خويه افتح الدكمه وتشله هسه حتصير بالنعل بس اخلي اللحم باوع لتستحي تره الدتشوفهم عضامه حيقاتلون قتال الحمزه هالاكل
- فراس- لا مع الاسف عليك بعدك متعرفني
- دصب وشوفني وصدك خله اللحم وصار هجووم وصوت التمصمص واصل للستار
- يمعودين عوفو شي للحواوين
- محمود- كل عقلج ارقى شي بالعضم النخاع اكل بابا بس انت مبين عليك مو مايع يول دكل والله تقهر
- حمزه- شمرتله لحمه لكفها اسعد
- لكم خلياكل خرب غيرتكم هاك خويه ضمها جوه الماعون
- فراس- ههههه اي خوش كملنا اكل وخطيه تسطرو عالسنك ويغسلون المواعين يابه شبعت ضحك وصدك تحس تضحك من كلبك واني منا جاي فرحان علمود باجر اخطب وصبو الجاي اليعدل الراس
وراها علي فافون قدم زنود الست للكل وكعدنا سوالف وضحك اللي لعب بلي واللي لعب ططاولي واللي لعب ورق واني وحمزه ومحمود كعدنا نسولف
فراس- بيش شتريت هذا البيت بالعامريه بيش المتر
حمزه- والله حسب مااعرف المتر بواحد ونص تريد تشتري بيت
فراس- اي والله عاجبني والمنطقه كلش عجبتني واذا صغير مشتمل يكفي اني قريب شغلي عليكم بالصحه اني صيدلي مفتح صيدليه هنا بشارع المنضمه
حمزه- ها خوش اي اذا تشتري هنا يصير قريب على مكان عملك
فراس- اي صح
محمود/ عود اعزمنا بعرسك نذب لحم
فراس- اي طبعا وعفيه من تنلمون هم دزو عليه اغير جو حيل تونست اليوم
محمود- مو تتدلل بس جيب زنود الست وتعال هههه
فراس- بعيني يله يابه هاي دكت عليه 3مرات
حمزه- يابه بعدها ب10
فراس- لا امي هم وحدها ابويه مسافر تضوج وحدها
حمزه- كل الهلا بيكم سلم على اختك مسلمت عليها
فراس- وصل يله في امان الله
رونق- سلمت وطلعت ومبقت وحده مباستني شكد بسيطين تلاكيت وي فراس بالباب ها يابه
فراس- لج شنو ذوله ممتونس هيج ونسه نسيت روحي وياهم وشون اكل
رونق- اني هم مصدومه هههه يله نروح ماما وحدها وصلنا ونمت راسن وثاني يوم رحت للدوام
صباحووو حمزه
حمزه- هلاو رونق شونج عذريني البارحه مكدرت اسلم عليج
رونق- لاعادي عماتك كفو شون حبابات
حمزه- اي تنهدت كلش بحيث مهاوي للصبح تبجي واسكت بيها
رونق/ لالا صدك شفتها البارحه ضاجت وحده من عماتك كلتلها شنو هالوصخ الهنا بس والله جان نضيف
حمزه- تنهدت شكد افرح بيهم وشكد اضل شايل همها من يطلعون هاي كل مره تره هيج يسمعوها حجي وهي حبيبتي ناسكه متتحمل
رونق- هي شونها فدوه بس عيونها بمره
حمزه/ ههه الله يسلمج مو احلى منج ابتسمت
رونق- نصيت انهزمت من عيونه شو كام يتغزل هذا ااا يله نشتغل
حمزه- ماشي نشتغل ليش لا التهينا بالشغل روحه وجيه وصعده ونزله
رونق تعاي ويايه
رونق- وين
حمزه- عالسري فوك
رونق- حيل مبيه اصعد خل نصعد بالمصعد
حمزه-يله تعاي دخلنا للمصعد طبعا محد يصعد بالسري فوك غير السكرتير ومعاون المدير اللي هو اني بالمستقبل دخلنا المخزن خلينا الاوراق دليتها عالملفات وكعدت اصفط وهي دتجيب البقيه--- مال كريعات الملف جيبي
-اي هسه ضليت ادور لمحته كمزت لزمت البوفيه وكعت عليه 4اضابير على راسي عدل صحت اخخ
حمزه- ها ها يمعوده لا ياالله شو راسج انفشخ اووو مسحت راسها شو هاي متحجي
رونق شتحسين استندت عليه وكعدتها
شو رفعي راسج باعيني
رونق/ دخت
حمزه- امشي خل ننزل اخليلج ثلج هاي ورمت
صعدت المصعد من هبط طفت الكهرباء على حضنا صار انفجار بالمولده تخريب مفجيريها
صار المصعد ضلمه علكت ضوه التلفون
رونق هسه ترجع عالاحتياط يشغلونها رونق انداريت عليها ساكته تقربت منها رونق كلتها صوت ناصي
رونق- نعم همست
حمزه- ابويه غير تجاوبين ليش ساكته تقربت منها وجهت التلفون على راسها شو هاي شوي ووكعت
لج هاي شبيج
رونق- دايخه مدري شبيه
حمزه- تعاي لزمتها هي قصيره ناعمه واني كلش طويل وضهري عريض من استندت عليه نامت على صدري شكو دكه بكلبي سمعتها جان بالي يم كصتها وليش هالشكل داخت
رونق-دخت ونمت على صدره النوبه شكد عيب بس تاثرت بي دكات كلبه وهدوءه باوعت بعينه جان ساكت بس نفسه تخربط
حمزه
نننعم اني اتخربط كلشي بيه موزون ضعت وهي على صدري مع الاسف ماريد احس هيج عيب عليه
-شبيك هيج تتنفس
- ششون صرتي تكدرين تكعدين انتجي عالحايط
- ماشي اكدركعدت والبنطرون قماش وجان كلش كصيف انفتك
- حمزه- هاي شنو انشك خرب بالحظ ادري هو هذا لبس انتي لابسته جسمج كله مبين شون تطلعين كدام اهلج فراس شون يقبل صيحت عليها متحملت افكر شون راح تطلع من المصعد وهيه اكيد صاير لخه يم المصعد ديفتحون الباب
- رونق- شبيك تصيح قميصي طويل نازل ميبين
- حمزه- لا بربج بس فهميني شون تكدرين تمشين بالشارع والشباب تاكل بجسمج بعيونهم تقربت منها حطيت عيني بعينه
- رونق- صار عصبي كلش وكام يصيح جتي الكهرباء دار وجهه اشتغل المصعد وانفتح وصدك كومه شباب وبنات جانو واكفين ينتضرون جرني من ايدي خلاني وراها حتى مابين علمود الشك وصلنا لاقرب حمامات حمزه- فوتي خاتون هسه اجيبلج ابره وخيط واجي
- رونق- خوش سكتت خجلانه ومصدومه بيه وحتى خوف خايفه منه
- شوي وجاب ابوه وخيط هاج منيلك هاي
- حمزه- من سعاد فضيها خيطي وطلعي
- رونق- اوكي شكرا
- حمزه- رحت يم ابو الاستنساخ ضليت كاعد بعد مكدرت اروح لمكتب المدير لعبت نفسي
