ماساة امرأة

الجزء 3

#قصه_ماساة_امراءة
للكاتبه فردوس عبد اللطيف
جزء  3
بدينا نحضر للعرس اشتريت غرفه نوم بيضا من المنصور ورتبت غرفتنا بالطابق العلوى حجزنا بالحبانيه 3 يوم اول شي الزفه صارت بيت خالتى بقينا يومين عدهم  وكل ما اطلع من الغرفه يراقبونى ها شسويتو اهو هو انى مستحيه وهو خلانى على راحتى لانى كنت مرعوبه وخايفه واصلا ما مقتنعه ومتشنجه
سافرنا للحبانيه وبقينا 3 يوم هناك شويه تقبلت سالم ويالى تم الزواج وانى مستحيه من هالموضوع بس اخلاق سالم خلانى احبه واتقبله لان كان صبور ويايه
رجعنا لبيت اهلى وانى خجلانه كانى مسويه جريمه مستحيه منهم
استلمت البيت كالمعتاد كل الشغل على وانضاف بعد خدمه زوجى عبالى اتزوج واخلص اشو زاد الحمل على
بعد 3 شهر حملت بنتى اسراء وانى حامل لازم اطبخ انظف اخبز مواعين كلهن على وياها مغثه حسيت بالقهر لان امى اجبرتنى على هالزواج ولو سالم كان متفهم
سنه 1984 جتى بنتى اسراء حبيتهه بكل مشاعر الحب بهالدنيا وما يعرف قيمتهه الا الى يجربهه
فد يوم امى اتهمتنى بسرقه مبلغ من المال من غرفتهه
جاوبتهه كتلهه انى نفسي بنتج بس الى تغير انى تزوجت وانتى الى اخترتى الزوج شنو ذنبي

اختى تداوم كليه وماتشتغل بالبيت بس تدرس واى تقصير بالبيت انى الى اتحاسب حتى لو مو انى الغلطانه
مرات يجى زوجى يشوفنى ابجى يكول اشبيج احجيله
يبتسم ويكول هى امج
فد يوم اجه زوجى فرحان وكال انطونى شقه بشارع حيفا ببغداد لكن امى رفضت لان تريدنى ابقى يمهه اخدم عدهه واصرت على سالم وهو كان يحترمهه ويقدرهه ورفض الشقه وبقينا وياهم
طبعا اذا انكسر ماعون او كوب تنخبص وتصيح وتصير مشكله
بقينا وياهم لحد ما صار عمر بنتى 7 شهور بعد ما اتحمل حجيت ويه سالم كتله شوف لى حل لازم نطلع من اهلى تعبت اذا اكو نقل لاى محافظه اروح وياك
فديوم اجانى وكال اكو نقل للبصرة اوالكوت وين تردين كتله الكوت قريبه واتفقت ويا ه يكللهم النقل اجبارى وانطونه بيت هناك بمنطقه حلوة والبيت جديد ومرتب واسع طابقين حديقتين جوة غرفتين نوم وخطار وهول ومطبخ واسع وحمامين بس ما مؤثث
ما عندى غير ابيع ذهبي واشترى اثاث بعته واثثت البيت وارتاحيت بي وعشت ملكه حتى المنطقه مريحه واهلهه طيبين
لكن بعد سنه اجه امر بنقل زوجى معايشه فترة بالموصل يعنى حاله حال العسكرى يروح 3 اسابيع ويجى اسبوع وكانت بذاك الوقت الحرب بين العراق وايران بقيت وحدى وبنتى صغيرة وعدهه ربو وكل شويه تتخربط وانى حامل
علمنى سياقه كان عدنه برازيلي وعلمنى على استخدام المسدس لان الوضع يخوف وانى وحدة بالبيت بعدين جاب يمى اخته عمرها 12 سنه على الاقل ونس يمى
المعايشه 4 شهور بس صارت شطولهه على ما صدكت خلصت انوب دزوهم للحدود
ولازم يكون بالانذار 24 ساعه حتى لو ب 12 ليلا
ولدت ابنى امجد
للحكايه بقيه