ماساة امرأة

الجزء 11

#قصه_ماساة_امراءة
الكاتبه فردوس عبد اللطيف
الجزء  11
رعد اخذهه لبنتى وطلعو وكانه اخذ روحى وياه بقيت على نار لا ايدي تاخذ شغل وبس افتر وعينى عالدرب مرت ساعه كانهه شهور مرت ساعه 2 وبديت اطفر ادك عليه تلفون مغلق ظليت الطم وابجى وين اروح المن احجى ورة 4 ساعات يالى رجعو الا انى واكفه ورة الباب ماصدكت رجعت بنيتى ما اعرف وين وداها
ها ولج يمه وين رحتو البنيه لونهه مخطوف
ها رحنا للمقبرة
زين وبعدين 4 ساعات وين وداج بقيت اسالهه وادقق وياها وهى ترجف وتبجى
دفنا الشغل بالمقبرة
اى وبعدين
اصفرت وكعدت
الحقير ما خذهه للفندق ومسوى شغله عذرونى ما اكدر احجيلكم احبابي الاخت حجتهه بس ادبيا ما اكدر اعتذر
حتى يثبت السحر لازم يعمل  هذة الحقارة
دكيت لطمت اخذتهه لدكتورة يمنه فحصتهه الحمد لله بعدهه عذراء وانطتهه دهن وعلاج
بعد الحجى ميفيد هذه اول مرة اوثق بشخص ويطعنى اكتشفت رعد حقير وغدار زين المن احجى المن اشتكى والفضيحه بس طلبت من رب العالمين ينطينى القوة واتحمل هالمصيبه
اتصلت برعد وكتله هسه تجى اجه وكانه ما مسوى شي كتله ما تخاف من الله على اساس مثل بنتك وهاى يتيمه بس روح سلمتك بيد رب العالمين وبعد لا تراوينى وجهك يا خاين ياغدار برة اطلع من حياتى وما اريد اشوفك وحرامات وثقت بواحد غدار مثلك هاى الدنيا مابيهه غير الوحوش امثالك
طلع وبعد ما شفت وجهه بعد هذه الحادثه قررت اخلص من هذا المكان ورحت للتربيه وبقيت اراجع بلكى اكو تعينات كلما اقدم يضيع الفايل واسوى ثانى
داومت بمدرسه للبنين متوسطه محاضرات بالمجان على امل التعيين بقيت سنه كامله وراها انطانى المدير كتاب للتربيه يثبت انى مداومه سنه بدون راتب وتم تعيينى سنه 2005 وحصلت بيت قريب عالمدرسه داومت 6 سنوات بين تعب الاولاد والمديرة المزاجيه والعصبيه كنت ادرس عربي واسلاميه
فد يوم جتى اختى وزوجهه ابن عمى يصير كالت ليش باقيه هنا وحدج وجهالج كليات ومنطقتج بعيدة وخطرة والجثث بالشوارع  كالت اكو بيت بصفنه مال دكتورة تريد احد  يكعد بي حتى يحافظ عليه ويدير باله عليه والله رحت شفته بيت كلش حلو 600 م وبي حديقه وشجرة زيتون ونخلتين رحنا نظفنا وكعدنه بي بس مقبلو ينقلونى من المدرسه وسجلت خط يودينى ويرجعنى اختى يمنه بصفى حايط بينه
اسراء دخلت شريعه
امجججد هندسه تكنلوجيا
حسام تربيه ابن الهيثم قسم رياضيات
والصغيرة ايه كليه تربيه ابن رشد لغات
سويت معامله نقل سنه 2007

فد يوم بنتى اسراء كالت اكو ولد يريد يتقدملى يخطبنى وياي بالكليه عرفته
يمه منين   من بغداد الجديده
وفعلا اجججه الولد وخواته وابن اخته صغير وطلعت متعرفه عليه بالفيس كتلهم خلى نسال ونردلكم خبر
الولد ضعيف وجندى اسمه رافد. حجيت ويه بنتى مقتنعه بالولد حجيت ويه اخوهه الكبير كال احجى ويه عمى الكبير وخلى يجى ونشوفه ويجيب اهله ويتقدم  رسمى
اجوى بغرفه الخطار ابوى وحماى وابنى كاعدين
ندك الباب رافد وياه شخصين على اساس عمه وخاله   ابوك وين سالو كال مريض  وامك مكدرت تججى عاد ابوى وعمهه ما اقنعو  بي كلوله روح ججيب اهلك وبعدين  نتفق
وراها جوى حماى وزوجته  وخالتى ام  زوجى كالو  اكو محامى كرايبنا وابن شيوخ  يعيشها   ملكه ابنى امجد اقتنع  كتلهم  والولد ليش كتوله تعال كالو معليكم بي
لكن اسراء معانده  ومتقبل بالمحامى وتريد المهتلف  رافد بدينا  نضغط  عليهه كلنه انى  واخوهه وخالتهه
فد يوم رحنه للدوام كلنه الصبح ما عدا اسراء بقت بالبيت على اساس ضايجه ومهمومه  وماتريد تروح  للدوام  رجعت  للبيت ساعه 11 لكيت  مصيبه اسراء مو بالبيت ولكيت رساله على القنفه من اسراء
للحكايه بقيه  f