ماساة امرأة

الجزء7

#قصه_ماساة_امراءة
للكاتبه فردوس عبد اللطيف
جزء   7
بعد ماكملت العده بده ابوى يسوى معامله القسام الشرعى ولازم احضر وسوالى معامله التقاعد وامه وابوه هم الهم حصه بالراتب وانى واطفالى حصه
البيت عوضونه مبلغ تافه وحجزو بالقاصرين وقطعه الارض رجعت للدوله وانى رجعت بنفس الغرفه الى عند اهلى بالطابق الثانى وياي 4 اطفال مرت على 7 شهور كظيتهه قراءة قران وصيام لان من كثر البجى دمعى نشف بدت ماساتى بتحكم اهلى وتدخلهم بحياة اطفالى وكذالك عمامهم صار تدخلهم بكلشي بحياتنه كل واحد يسوى نفسه حنين ومسؤل والى هو ما يطبقهه على جهاله بس علينه صرنه مكفخه حتى باكلهم يتدخلون امى عدهه نظام بالاكل ميصير يتغير واطفالى مدللتهم وفجاءة كلشي راح وصارو تحت الاردين
ممنوع توكلين امجد بطاطا ممنوع اندومى لاسراء صحيح هذة الامور تافهه المفروض نتجاوزهه بس اليتيم يكون حساس وينهضم من كلشي
امى كالت بعد انتى خبزى بدل زوجه اخوج لان انتى اطفالج 4 وهى 2
مرة امجد سد الباب على ايد هباوى بنت اخوى عمرها5 سنه صارت مصيبه علينه اخوى يريد يضرب ابنى وانى اكله مو قصده اما زوجه اخوى مدلغمه بوجهنه على طول وهى اصلا بنت خالتى واخت زوجى وانى مربيتهه واخذناها لاخوى
اجتنى المشاكل من كل الجهات اهلى قدمو للحج ردت اروح وياهم اختى ما قبلت وصارت تدخلات ومخلونى اروح وياهم للحج كنت اتمنى اروح وانسى وترتاح نفسيتى بدت الامراض تطلع بي جسمى ضعيف ما اكل وكلمن يشوفنى يتعجب على اشلون تغيرت اشلون ما انقهر واشوف اطفالى يتحكم خالهم بيهم وكل تصرفاتنه ينتقدوهه وصرنه حديث الساعه امى من راحت للحج سلمت المصرف والتحكم بيد اختى الاصغر منى وانى على بس الخدمه تمرضت بالقولون العصبي ومعدتى هم طلع عندى الفتحه الفؤاديه ما تنغلق بعد الاكل لازم مداراة بالاكل وراحه وهنا مستحيل
اختى اصغر وحده ندى اكو شاب يشتغل بالامن كان يريد يتقدم لخطبتهه واخذت راى بالموضوع وهى كانت سادس علمى انى كتلهه اذا مقتنعه بي شكو بيهه من جوى من الحج وامى سمعت من اختى الوسط مع بعض التاليف بالكلام سوونى اشجعهه على ترك دراستهه وفعلا اجتى امه وخطبتهه وامى طردتهم وكلتلهم ما عندى بنات للزواج وتمرضت ندى وانقهرت بعدهه طلعت معدل 89 انقبلت صيدله باحد المحافظات رفضت امى وجبرتهه تقدم على زراعه علمود قريبه
انى صرت المكروهه وثقيله عليهم اختى دكول بوجهى ماتروح لعيالهه ليش هنا يمنه خو ما ابتلينه بينم
انى بين نارين الايتام وين اوديهم وامى دكول الراتب الى تنطى ميكفى قليل زين منين اجيبهو الى استلمه انطى الهم مصرف سنه 1994
بدين ادور على شغل رحت لجمعيه الاسرة المنتجه المديرة تعاطفت وياى وانطتنى ماكنه خياطه وكل يومين تنطينى قطع مفصله اخيطهم وتنطينى فلوس على خياطه القطعه
مرات جهالى يجوعون بالليل واذا انزل اوكلهم تصير مشكله جبت طباخ فوك وكمت اطبخ الهم واوكلهم امى انزعجت من هالموضوع ليش تطبخين فوك وحدكم عينى عازلين
زين ذولى ايتام ويتحسسون من كل شي انحرمو من ابوهم خلى لكمتهم ياكلوهه بهنىء شدت وياهم امى جدا قاسيه لان امهه قست عليهه وتطلع القساوة بينن
صرت اشتغل ويه الجمعيه اخيط عالقطعه امى تنزعج من صوت المكينه وصوت جهالى من يلعبون او يتحركون ولدج من يلعبون صوتهم يزعجنى زين وين اروح شسوى
كلت لابوى اريد انطيك فلوس تبنيلي بالحديقه غرفه وملحقاتهه حديقتهم 600 م
راح تخلصون منى ومن جهالة امى ماعجبهه الحجى ورفضت
زين اشترى بيت بفلوس الايتام واسجله بالقاصرين وفعلا شفت بيت ورحت حتى اتفق امى رفضت  ما قبلت كالت شنو بنيه حديثه وحلوة نعوفج وحدج ويه اطفال صغار ما خلتنى
زين النولى يمكم انتو شتردون انطونى حل
للحكايه بقيه