ماساة امرأة

الجزء 13

#قصه_ماساة_امراءة
للكاتبه فردوس عبد اللطيف
جزء   13 والاخير
فد يوم رحت التقى بيهم بمطعم الساعه بالمنصور كانو خايفين واكفين على صفحه لا يكون اخوانهه وعمامهه وياي بس انى كنت وحدى كعدنه بالمطعم انطيتهم 400 الف كتلهه هذا مصرف الكم وانتو خلاص تزوجتو بعد ما النه علاقه بيكم اسراء  من اطمنت حظنتنى وكالت ماما انى اسفه واعتذر سامحينى كتلهه الله يسامحج ورجعت للبيت مكسورة وطمنت على بنتى على الاقل اعرف اخبارهه
وبقيت كل يوم اتصل بيهه اطمن عليهه كانت ساكنه يم حماتهه ناطيتهم غرفه وبالليل رافد وزوج حماتها يشربون خمرا ويخلو بالثلاجه بنتى مشارفه هيج امور بدت مشاكل ويه زوجهه من اول شهر كتلهم ليش ما تاجرون وافقو بس مفلس الاخ رحت انى اجرت الهه شقه واثثتهه بمنطقه قريبه على بيتنا بس مشى مسافه خابرتهم اجوى عجبتهم وسكنو بيهه بدت تكتشف حقيقه رافد يقفل عليهه الباب ويطلع للدوام ويسولف ويه بنات الجيران وبقيت اوديلهم مسواك كل كم يوم لان هو كلشي ميجيب وانى صايمه ودوام وشغل البيت واديله عالحاضر  فد يوم خابرتنى كالت غمى عليه ودو الجيران للطبيب طلع عنده صرع وهاى 2 مرة يوكع وهو مكايللهه بدا ياخذ علاج وترك الجيش وكعد بالبيت انوبه امه واخو معوق كعدو وياهم وهى لازم تنظف الحمام وراهم لان امه خطار وميصير تشتغل وانى زاد على الحمل بعد امه واخو لازم ازيد المسواك وعلى طول يتعاكون ويضربهه ومرة متعاركين شامر نفسه من البالكون طابق 3 وهى لازمته يجرها ويكلهه نموت سوا لو ما صارت قويه وسحبته فد يوم جتى وجهه مزورك ضاربهه بالمرايه شافهه امجد كال طلكيهه هذا ما متحمل مسوؤليه اكلهه ابقي عدنه ما تقبل بعد قررت واتفقت ويه امجد اجيبهه ونطلكهه كوة
اخذت تكسي خليته بالباب واكف لكيته نايم كتله راح اخذ اسراء تشتغل بصالون حلاقه يمنه كال خو ما تتاخرون كتله لا هاك فلوس انطيته 2000 دينار واخذتهه ورحنا للبيت اخذهه امجد دخلهه بالغرفه وبالماسحه موتهه ضرب وهى تصرخ وقافل الباب وانى ادك واكله ولك يمه كافى هاى خيتك لحد ما غمى عليهه اخذتهه غسلت وجهه ومسحت جروحهه كتله ليش يمه كال اريد انطيهه درس ماتناسى طول حياتهه حتى شعرهه مكطع خليتهه بلغرفه وقفلنه عليهه وبقيت اختهه يمهه لا تسوى بروحهه شي وقفل كل بيبان البيت بقفاله وسلاسل من نطلع نقفل الباب عليهن حتى لاتنهزم وتروح عليه اجه رافد كتله تروح منا لا اخوانهه يكطعوك وعمامهه متحلفين بيك كال مرتى اريدهه  اشتكى عليكم كتله روح منا احسن الك
ورة 4 شهور رحت لمحامى اقاربنه سوالى معامله الطلاق وكملنه وطلكتهه وخلصنه من رافد انوب مستمسكاتهه بقت يمه وانشلع كلبي طلعتلهه بين الدواءر لحد ما كملت كالت اريد ارجع لكليتى حجيت ويه اخوها اول شي ما قبل بعدين شرط تلبس جبه وحجاب  كانت مرقنين القيد مالتهه رجعته وداومت فد يوم ماسمعت دك الباب صوت قوى تذكرت دكه كركوك من انقتل زوجى فتحنه الباب شرطه وجيش
زوج اختى الى بصفنه كاتلينه بالباب اول ما نازل من السيارة كانت بوقتهه فوضى والقتل بالشارع خفت على ولدى لان هوايه شباب اصدقاءهم راحو هيج بدون سبب ابنى امجد تخرج من الكليه وما حصل شغل كان يشتغل باليوميه وانوب الدكتورة صاحبه البيت كنت انطيهه ايجار 300 دولار بالشهر تريد اكثر كنت معتنيه بالبيت اجبس التمر وادزلهه والزيتون اوديلهه بعد ضاقت بينه لازم ندور على سكن ثانى وامجد لازم يطلع سويت سلفه ويه المدرسات وانطيته وطلع لتركيا كعد ويه شباب 7 يتقاسمون بكلشي وينتظرون اليو ان حصلت بيت بمنطقه ثانيه وايجار اقل تحولنه بي وجهالى كلهم طلاب كليات وامجد مصرف يحتاج شهرى
انور تعرف على بنيه عراقيه هم هى واهلهه مقدمين على اليو ان وبالمعهد تعرفو على بعض وخطبهه واتفقو بس امهه كالت الا امك تجى ورحت بعد ما تداينت مبلغ علمود نيشان ولو شي بسيط بس لازم بقيت 5 يوم ورجعت وراها طلع اسمهم سفر لجوء لامريكا وهم رحت بالباصات طبعا ما عندى فلوس طيارة وهم ودعته امجد ورجعت من رجعت خلصو ايه وحسام كال امجد خلى يرحون يكعدون بشقه الى كنت بيهه والله راحو وقدمو على اليو ان هنا بعد وشلت ومطلوبه هوايه اكو قطعه ارض شراكه بين زوجى واخوته ورث رحت كتلهم اريد ابيعهه كالو ما تبيعيهه لغريب نقتله ونقتلج احنا نشترى واشتروها بربع السعر هما وربهم حق ايتام ما يضيع حسام وايه بقو بتركيا وادزلهم مصرف واسراء كملت جامعه بس ماكو تعيين اتحولنه بشقه زغيرة علمود نوفر مصاريف واشتغلت بمعمل ينطوهه راتب اسبوعى وراها بدت تجى رسايل تهديد لاسراء اول شي نريد 3 دفاتر لو نقتلكم انت وامج بلغت الشرطه طلع الرقم ما مسجل باسم رجعو يتصلون بصوتهم وحددو المده اسبوع وانى هم اتصلو بي عاد ابنى امجد كال يوم طلعو لاتبقون ماما وظيفتى خدمه 15 سنه حرامات
ماما حرامات اذا انقتلتو جاى اكلج طلعو وانى ادز الكم مصرفكم
طلع اسم ايه وحسام هجرة لامريكا بعد كلى ماما روحى نفس الشقه كعدى
كتله خلى اقدم معامله تقاعد سالت تطول ه شهور واحنا متهددين رحنا عند صديقتى كامت تتحكم بينه وتريد تزوج