المخادعة

الرابع

قررت اروح لبغداد وكلت لاهلي اني لازم اروح لان رايديني بالمركز همه اقتنعو ومحد حس بشي .. جهزت نفسي وحضرت حصتي من الورث الي هنه45 مليون واخذت ذهباتي ولو هنه قليلات ... بقيت الليل كله منايمه واتكلب وروحي تلوب...
صار الصبح وامي رادت تجي ويايه كتلها لا مااتأخر وحته اذا اتعطلت ابات ابيتنه لان جان مده الايجار ممنتهيه من عفنا ولااطينه خبر لصاحب البيت بس جنه دافعين مقدما...
المهم وصلني اخويه للكراج واني طول الطريق افكر شلون راح اوصله وشكله وشتوسل بي شولون اقنعه يمسح صوري ...
وصلت للكراج ودكيت ع الرقم هم مغلق ... بقيت افر بأذاني شلون راح اوصله بعدين اتذكرت البيت الي اخذني عليه بيوم الاسود واتذكرت هو جان بالمنصور واتذك الشارع الي جان بي بس شون راح اوصله بقيت بحيره... اخذت تكسي وجانت دنيه ظهر واني مماكله شي ومفرفحه ومادري شسوي... ابو التكسي كلي وين اوصلج بالضبط... عاد اني وصفتله الشارع وهمزين طلع يندله.. وصلت ع الشارع وجانت البيوت تشابه بس ذاك البيت اميز من دونهن بي اشجار هوايه من بره... فلشت الباب ومطلعلي احد.. صارت الساعه ب4 العصر واني افتر بالشارع انتظر احد يجي ماكو...
خابرني اخويه وكلتله بعدهه شغلتي مخلصت والاجازه يمكن يكطعوها مني ولفقتلي كم جذبه وقنعته وكلتله الليله باقيه ابيتنه هو هم صار عصبي وكال جان اخذتي امي وياج وشعندج وحدج ومن هل حجي ...
صارت ب6 العصر واني كاعده اباب البيت ومنتظره وجان تطلع مريه من البيت البصفه هي وياهه عائلتهه كالت كولي عيني عندج شي؟ شفناج من الظهريه وردنه نبلغ عليج اكو شي وباقيه هنا؟
اني وكفت وجاوبتها:لا بس منتظره صاحب هذا البيت..
-هااااا؟ يعني انتي من الي يجيبوهن هنانه.. ماشي ماشي انتظري يجوز يجي بليل ...
هي التفت ع ابنها الجبير وكلتله(اوف والله لو عدنه غير مكان جان انتقلنا شنو احنه مجاورين بيت دعاره ومحد يكدر يحجي لان ابن مسؤول) دنكت ومتت بدمي وكلت لنفسي هاج استلمي السمعه الصارت الي...
بقيت لل10 بليل ادعي ع نفسي بالموت وساعه ادعي الله يخلصني من هل مصيبه شويه واجت سياره الافندي وجماعته ورا بسياره لخ... وكفت ع حيلي هو بس شافني نزل ويضحك بشماته ويكول هاا عجبتج ذيج الليله؟تردين نعيدها؟
بعدين نزلت وحده ورا كلتله هاي منو النوب؟ كللها بعدين اشوفج دخلي انتي جوه..
دخلت هي والولد وراهه واني بقيت واكفه يأشرلي اصعد ويا صعدت وكلت وين متوصل توصل اذا موصلت لحل اكتل نفسي وماارجع للعماره واجيب العار لاخواني..
طول الطريق اني ساكته وهو يحجي عليه ويفشر ويغلط وصلنا ع فندق وكال يله نزلي خاتون.. نزلت وامشي ورا وهو يمشي لحد ما شفته حجه ويه الرسبشن واخذ غرفه اني كبل جريت ايده وكتله الله يخليك لتعيد السويته وخلينا نطلع منا.. بس احجي وياك شتريد اسوي بس امسح صوري.. احجي بهمس ودموعي تصب وابو الرسبشن بقه متعجب عليه.. هو كبل ادارك الموقف وسحبني من ايدي وصعدت ويا للغرفه.. نزع سترته وساعته واني واكفه يم الباب واتراجف ...

كعد ع السرير ويباوعلي من فوك لجوه ويبتسم...
سراج:اييييي يا ام عيون حلوه! واخيرا اجيتي برجليج.. وين جنتي؟
-شتريد مني الله يخليك مو كافي السويته بيه..
كام وكف كبالي وحركاته ونظراته تخوف:لا موكافي.. وكعتي ومحد سمه عليج.. (مد ايده ع حجابي ونزله) ايي؟ مكلتي وين جنتي؟
احجي وابجي وجسمي كله يرعش:رجعت للعماره اوعدك والله مااطلع بوجهك ولااضوجك بس امسح صوري فدوه والله اهلي يذبحوني.. سراج لتخليني  اموت فدوه..
سراج:واذا كلتلج ماامسحهن وراح اصيرلج كابوس شنو تسوين؟
اني كبل وكعت ماعاد شالتني رجليه ولزمت رجلي ابوس بيهن واتوسله وماكو.. كلتله جبت فلوس وذهب اخذهن بس امسح صوري هو ضحك ضحكه شكبرها وشالني من الكاع بأيد وحده وكال:وبرأيج اني محتاج فلوس؟ شتشوفين محتاج؟ احجي ولج!
-لا لا ممحتاج.. بداعت امك امسح صوري والله امي تموت انت مابكلبك رحمه؟
-لتجيبين اسم امي ع لسانج فهمتي ياساقطه! وتحجين بالرحمه؟ليش لعد السويتي؟ قبلت بيج وبكل سوالفج قبل.. وحده جشعه وطماعه ومخادعه وادكين بيه!
ابجي واشهك وهو ولابكلبه رحمه درت وجهي اريد اطلع جان يلزم ايدي ويعتني حيل.. صاح وين؟ بعدنه متفقنه ع صورج الحلوات؟
-عوفني اطلع اموت نفسي ولا اخلي واحد مثلك يلعب بشرفي
-ههه ههه هه هههههههههههههههههه وج تحجين بالشرف؟ ياشرف هذا! شوفي كل ليله وياج امسح صوره وهنه 4 صور وبكيفج بعد..
تفلت بوجهه وكتله(نكس حقير) وجان يضربني راشدي كل قوته حسيت اذني انسدت وكعت للكاع وبقه يدفر ابطني وع ظهري واني اصيح اخ يمه كافي ارحمني الله ليوفقك الله لينطيك... وكأن ماكو ناس بهل فندق والي يفوت يسمع ويغلس ...
كعد ع الجربايه وبقه يباوعلي واني مدده واصرخ.. كال راح اعيشج ليله من العمر بس اصبري...
تندمت الف مره ع جيتي بس مجنت اكدر اسوي شي وهذا جان اخر حل ... بقيت بمكاني اصرخ وهو يحضر ابطله ويشرب اني كلت بس يسكر شويه اطلع من الغرفه ... بس هو يعرف شنو يسوي شرب شويه وكعدني ع كرسي وكال يله اشربي ..
-لوتموت!
-تردين اربطج؟ واصورج كم صوره لخ حلوات!
-لا الله يخليك لا.. اسوي التريده بس مااريد اشرب..(فكرت كلت بس اشرب يرجع يصورني)
-تعالي بحظني .. وشنو تعلمتي قبل ويه غيري سوي!
-مااتعلمت شي والله محد لمسني..
-انجبييي! غبي كدامج مو! يله تعالي..
جبرني اسوي شغلات واني نفسي لعبانه منه فكرت اقتله واخلص منه بس خفت لان ابو واصل واكيد هم انفضح وهم انقتل عاد موت بدون فضيحه اشوه... بقيت انفذ الي يريده وهو بكل حقاره مستمتع واني ادموعي تصب ومابيدي شي ...اهم شي انه ماطلب ذيج الشغله بس راد الاعبه واسوي الي يريده.. راح للحمام واني بقيت بمكاني الوب ... طلع وهو خدران ومرتاح ويبتسم بوجهي واني لو بيدي املخه باضافري..
-هسه راح تمسحهن؟
هو شمر نفسه ع الفراش وكال تعالي يمي احاجيج...
كعدت بصفه هو قربني اله اكثر وكال:شوفي امسحهن بس ترجعين لبغداد وشوكت مااطلبج تجين برجليج..
-ارجع والله واذا تريد ارجع حبيبتك بس لتطلب مني اعيد السويته اليوم.. ارحمني سراج فدوه...
-ابقي بحظني والصبح نحجي.. نفذت الي كاله وهو غفه مثل الثور واني اتذكر كل شي سواه بيه وهسه اني بين ادي ودموعي تصب مانمت للصبح بقيت ادعي الله ياخذ عمري وارتاح ..