روح بابا منا ومن صدك مااريد اشوفك لان اني انزعج بمجرد ماااذكر الي سويته ويايه
فااحسلك بعد لتشوفني وجهك حتى لاافكر انتقم منك
.... اني مااريد شي منج بس تسمعيني
انتي مارحتى عن بالي ابدا
واني رجعت هذاك سامر الي جان فاقد الضحكه وجان قاسي بس من دخلتي لحياتي خليتي يرجع يكون عندة امل وهدف
ومن رحتي هم رجعت فقدت الابتسامه لان اكتشفت انتي كنتي احلى نسانه دخلت حياتي برغم البساطه الي عندج
بس كنتي جميله بكلشي
باوعت عليه وسكتت
... والله لو هسه تحجي منا لباجر مراح اهتم الك ولا راح ادير بال لان اني اكتشفتك على حقيقتك
اني مامقهورة من شي لابالعكس اكو اشخاص مثلك يعلمونه انو بالحياة اكو ناس ميسون حتى نعاتبهم على شي وجان تدخل وسد الباب
ظليت واكف ردت ادك الباب مرة ثانيه بس مادكيت كلت هي حقها بكلشي تحجي ودكوله
واني خلي اتركها شويه ترتاح اعصابها واجي احجي وياها
رجعت للبيت عد جان يتلكاني ابو فراس ك
... ها شسويت
...كلشي ماسويت وهي ماتقبل تحجي ويايه وطردتني باوع عليه
...تذكر من كلتلك عوفها لتخليها تتأمل عليك خلي تعيش حياتها كتلك هاي مسكينه
خطيه لتوجع قلبهاوتعوفها وانت ماسمعت كلامي
... اي اعرف بس ماادري الي صار
صار بعد واني تندمت
... بس بعد شنو بعد مافات وقت الندم كلي زين
راح اسئلك سؤال انت هسه ليش رايح عليها شتريد منها
اني مجاوبت لان اخذني التفكير بكلامه كتله ماادري
.. متدري
شنو الي متعرفه لعد ليش ياابني ياسامر رايح عليها
ليش تريد توجع كلبها اكثر عوفها يجوز هي لكت الراحه والسعادة يجوز هسه تبدي تحب وتعيش وتزوج وتستقر
من كلي تحب تخبلت لان فكرت انو نيران جانت تنام بحضن شخص غيري شتعل بداخلي بركان
... لدكلي تحب وتزوج
شنو تحب
...شبيك ياابني من حقها متكدر تمنعها
....لااكدر كلي
شلون
ازوجها
..انت دتعرف شدتحجي لو الغيرة عمت عينك
... شبيها نيران
...مابيها شي بس انت مقتنع
لو لا كتله اي اكيد
... شوف ابني اذا تحبها من صدك قاتل علمودها
واخذها ولتخلي غيرك ياخذها بس اذا متحبها عوفها تعيش حياتها وانت هم فكر تعيش حياتك وتزوج ويصير عندك اطفال لان انت كبرت موصغير لشوكت ظل بلا عائله واستقرار
اني جنت اسمع كلامه بس مجنت افكر بي جان كل بالي يم نيران وشلون اخليها ترجع مثل قبل تحبني
... ابو فراس كال ها
... انت موكلت رقم نيران يمك كال اي
.... انطيني الرقم
...هاك بس والله يابني ماادري انت شديدور براسك وخايف عليك
وخله وطلع ابو فراس واني كمشت التلفون اريد اخابر كتبت الرقم ومسحته وبعدين رديت كتبت الرقم وانتظرت قرار من نفسي واخير شي دكيت ظل يدك التلفون وماكو رد
دكيت تقريبا تلث مرات وسديته ورة شويه سمعت تلفوني يدك وهو نفسه رقم نيران انتظرت شويه وجاوبت وسمعت صوتها
... الو هلو نيران
...هم انت وتالي شلون كتلك اطلع من حياتي عوفني لاكل شويه وطالعلي تره هذا التصرف موحلو
وجان سد التلفون مدكيت بعد عليها لان قررت اروحلها باجر
وجنت كاعد على نار ورحت ثاني يوم دكيت الباب ماكو احد
ودكيت على التلفون مغلق
خفت خاف هم راحت واختف سولفت لاابو فراس
....والله ياابني علمي علمك يجوز بيت احد من اقاربها
معارفها
.. ياااقارب موتعرف ماعدها احد
... والله ماادري بعد
هسه تبين وظليت اسبوع كامش نفسي بس لااكلي اكل لاشربي شرب لاداكدر اشتغل مالي واهس بشي حسيت نفسي مثل الطفل الي يدور على امه
ورة هلااسبوع رحت للبيت ودكيت الباب وفتحتها هي
واول مشافتني كالت استغفرالله وبدون اي مقدمات وسلام كتلها
نيران اني احبج اني اريدج
نيران ضحكت
....تريدني ليش لازم حليت بعينك من بعد تلث سنوات هم راح اكلك ليش جاي تفتح دفاتر قديمه بس ترة اني مونفسي هذيج نيران الفقيرة اليتيمه الخاضعه الذليله الخدامه اني هسه ست نيران صاحبته هذا البيت. الي دشوفه وهاي السيارة
اي تغيرت زوجت انسان اكبر مني٤٠سنه ماحبيته لان ماادري شلون جنت اشوفه ابويه او زوجي بس رغم هذا كان جيد نتشلني من الالم الي كنت اشعر بي ويكفي انو مستغل فلوسه حتى ياخذني بطريقه خاطئه زوجني وهسه مات بس عافلي كل املاكه وها للعلم خلي اكلك اني مااخذت شي مو مالتي لان هو اصلا ميصير عندة اطفال المهم انو اني عشت حياتي ومرت فترة من حياتي ومضت ومااريد اذكرها وانت من ضمن هاي الفترة الي اريدها تمضي
... بس مراح اعوفج ولو يبقه اخر يوم بعمري هم اخذج
...تاخذني شسوي بيه تشغلني خدامه يمك
... لا اخذج اضمج بكلبي الي دكاته بس الج اني اريدج يوم واحد تكونين الي ومستعد كلشي اقدملج
،،،اسفه مااكدر لان للحقيقه انت كشخص متستهويني بس تعرف شنو راح اخليك تحلم بيه بس مطولني
.... نيران انتي تعرفين اني كلشي اكدر اسوي واكدر بهاي الحظه املكج
...اي صحيح تملكني بس تملك جسد بس متملك روح واحساس وشنو الفائدة اذا الجسد حضر والاحساس غاب
.... ليش سوين هيج ليش تمرمرين كلبي اعرف بيج دسوين هيج عناد بيه واعرف بيج تحبيني والدليل نظرات عيونج
... والله خيالك كلش واسع استاذ سامر من زمان طلعت حبك من كلبي من شمرتني بالليل بالشارع وماكلت شنو المصير الي راح يواجهني و درت ظهرك الي من عفتني بنص ذيابه وماخفت ينهشون بلحمي للاسف انت سقطت من نظري من زمان
وماااصور الك بعد مكان ابتعد حافظ على كرامتك وعزت نفسك لان شكد محاولت تسوي راح اظل اشوفك هذاك سامر الي تخلى عني بمجرد انو صديقته الي من تعرض لحادث قطعته علاقتها بي بس من عرفت رجع يمشي وعندة فلوس رجعتله راح اظل انظر الك على انك انسان غبي وتستاهل الناس الي داير مدايرك والي كاعدين يستغلون بيك
،،،،،،،،،،،،،،،،،،،،،،،،،،،،،،،،،،،،،،
(انا لم اكن يوم ما غبي ولكن في بعض الاحيان لابد ان نتغابه لكي نرحم اوجاع قلوبنه ارحمي قلبي محبوبتي فوالله انا اموت اشتياق وانا في حبك ذليل كلنا نحمل اخطاء وكلنا لنا ذنبوب فهل لقلبك عن ذنوبي يتوب)
يتبع ....
#الكاتبه #روجمان
