اليوم العصر اجتي امي وخواتي كلهن هنا وازواجهم اني كتله لاابو فراس نيران تدخل للغرفه متطلع لحد ميرحون اهلي
اني اعرف ازواج خواتي شنو وشلون راح يصرفون ونيران فقيرة المهم لمن اجوي كلتلي
....امي سامر انت موًعندك خدامه
...اي عنديً
... لعد وينها
... ماموجودة
.... وين رايحه ....
.. طالعه
...والله خوش الخدامات يطلعن يفترن
سكتت مجاوبتها ظلينه كاعدين وخواتي مابطلن اريد اشتري فلان حاجه واريد فلان حاجه وماعدنه وابني يريد فلان شي من يجون لحد ميرحون يطلبون مني ويظلون يكلولي احنا نريد بس ماعدنا فلوس ومن هالحجي
عد اختي الجبيرة كالت
....اكوم اسوي جاي راحت سوي جاي ورة شويه جتي وجايبه نيران وياها اني كلش ضجت
...جان دكلي لعد هاي مو الخدامه الجديدة ونيران تباوع عليه وخايفه
... نيران
....كالت نعم كتلها روحي لغرفتج يله وهي بسرعه راحت وسمعت خطواتها على الدرج
جان زوج اختي كلي والله حلوة بالعافيه عليك من هاي ضامها وكذبت كلت طالعه اي متهني اني من كلي هيج صرت اعصاب
.....كتله انت فد واحد متستحي عبالك الناس كلهم مثلك وكتلهم يله كلكم طلعو من بيتي وبعد مااريد اشوفكم لان انتو لاعدكم ضمير ولاعدكم ذوق ناس انتهازين واستغلالين اختي وامي حاولو يحجون كتلهم ولا كلمه طلعو مااريد اشوفكم وعلى صوتي اجه ابو فراس كلي شكو كتله شوف اخر مرة يدخلون للبيت وكامو وطلعو من بيتي
بس صدك نغثيت وضجت وكمت اصيح بصوت عالي نيران
وجان اسمع خطوات سريعه اجتي
....نعم استاذ سامر
....انتي غبيه مو كلتلج مطلعين من الغرفه انتي اظلين متفتهمين وثوله وسكتت وردت منها اجاوبني مجاوبت بس جانت ترجف وجانت خايفه كلش
عد شويه اني هديت
ليش مجاوبين
....اسفه والله مو قصدي
باوعت عليها
...حذرتج سابقا انو من اكول كلمه تنفذيها وبدون اي نقاش ومتكسرين حجايتي ولا اقسم بالله ارجعج من مكان من مجابج ابو فراس يم مرت عمج
رفعت وجه وعيونها مليانه دموع
....لا الله يخليك اني اسفه بعد مااكسر حجايتك بس اني عطشت ونزلت اشرب مي اسفه
كتلها يله روحي
واني دخلت لغرفتي بس ضجت من اهلي واستغلاهم وضجت لان طلعت كل قهري بهاي المسكينه وذكرت من رفعت وجهه وكلتلي الله يخليك اني اسفه كلت لنفسي لعد شكد جانت مرت عمها تاذيها لمجرد ذكر اسمها هيج تخاف
كعدت شويه وبعدين نمت والصبح حسيت على صوت الباب
...منو
اني استاذ سامر
... دخلي المشكله انو اني من انام ماالبس شي ليفوك اضوج عد هي دخلت ولمن شافتني بسرعه دارت وجهها اني ضحكت وحبيت اضوجها
تعاي شكو هي مدنكه راسها تباع بالكاع وجان
....اكو واحد برة يريدك كال اسمه دكتور امير
كتلها اوكي وصراحه اليوم مزاجي مرتاح حبيت شويه العب بااعصاب نيران هي دتطلع واني ناديتها كتلها نيران كالت نعم استاذ
... تعاي ساعديني اكوم اكعد على الكرسي
...اجيت عد اجتي ودتحاول اساعدني واباوع يدها ترجف وجه صار احمر من الخجل بس من دساعدني وصارت قريبه مني كانت انفاسها يمي وكانت قريبه جدا مني لدرجه انوً صار عندي شعور بداخلي انو اتقرب عليها اكثر ولمن كعدتني على الكرسي مع العلم اني اكدر اكعد وحدي بس ردت اتقرب منها لمن كعدت على الكرسي
كتلها انطيني قميصي انطتني القميص ولبسته كتلها ممكن تسديلي الدكم بس هزت براسها يعني اي
وتقربت مني وبدت تسد الدكم بس حسيت بيها شويه ويغمى عليها ماادري ليش معقوله هاي البنيه هالكد تخاف مني او هي بريئه لهاي الدرجه بس الحقيقيه انو اني كلبي كام يوجعني من تقربت عليه وماادري شنو السبب هيج صار عندي فد احساس غريب صراحه قربهاحرك شي بداخلي
ولمن كملت الدكم ورفعت راسها وجان يصير وجهي بوجها ماادري شصار بيه ولمن ورادت تروح كمشت يدها
....تريدشي مني استاذ سامر ظليت ساكت وكامش يدها واباوع بوجة وكلبي كام يدك بسرعه وحسيت بوجع وحسيت برغبه وكان قرب هذا الجسد الصغير مني شعور متعب وفجأه ردت ابتعد عنها
و كتلها لا مااريد بس وظليت ساكت وكلبي كام ينفض عفت يدها بسرعه كتلها سويلي ريوك وقدمي شي للدكتور
....اي حاضر وطلعت بسرعه ماااعرف شصار بيه صارلي فترة طويله مشاعر بهذا الاحساس ومشاعر بااي شعور اتجاه اي امراة لان اني حاولت اكبد مشاعري لان اعرف شعوري اتجاة اي امراة ضعف بهذا الوقت بالذات وبهذا وضعي واي امراة تدخل حياتي معناتها تريد تستغلني وتقشمرني واني وضعي مايسمح ادخل بهيج مشاكل لان صراحه رجعت افكر باانو اسوي عمليه بلكي وارجع امشي وارجع اعيش حياتي بشكل طبيعي
المهم غسلت وطلعت للدكتور وسولفت وياة وكلي انو قبل اجراء العمليه الي اصلا راح تكون خارج العراق راح تكون لازم تحاليل وفحوصات وتقريبا العمليه راح تكون بعد شهرين يله اكدر اسوي العمليه اتفقت ويا الدكتور على المدة وشنو العلاج الي اخذة وشنو الامور الي لازم اسويها وبعدها
راح الدكتور
ورحت اتريك وشفت الاكل جاهز ونيران واكفه دتنتظرني اجي حتى صبلي جاي اني بديت اكل وشفتها هي بعدها واكفه صراحه صار عندي احساس انو لازم اعتذر من عدها لان حسيت انو اني البارحه ظلمتها وجرحتها كلش عد كتلها اني اسف على الي صار البارحه بس اني مااريدج تختلطين بااهلي وبخواتي وماااريد ازواج خواتي يشوفوج فلي اريدة منج انو بعد متكسرين كلمتي والي اكوله تنفذي كالت
...اي استاذ تأمرتي
بس صدكني مجنت متقصدة
باوعت عليها
.... اعرف مجنتي. تقصدين بس اني انفعلت
يتبع .....
#الكاتبه #روجمان
