في داخلنه مشاعر تموت وهي في قمه ازدهارها ومشاعر تولد من عتمه الظلام لكي تشعرنا اننا مازلنا نتنفس
حب يغيرنا ويجعلنه نتنفس عشق وحب يجعلنه نكره كل انواع المشاعر ولكن في كل مرة نحن نعشق وقلبنه يتألم وبعض الاحيان حبنا يجعلنه نبتسم وبشدة
ولكن رغم كل شيء نحن هنا مازلنا نتنفس
انا انتهى مشواري قبل ان يبدأ ومات قلبي قبل ان يولد خسرت حريتي باان اكون طليق واصبحت انا سجين كرسي هل سوف تعود حريتي من جديد
اني سامر مواليد ١٩٨٠ اني عندي خوات اربعه واني الولد الوحيد والدي يشتغل بالتجارة ومن هوًصغير وحالته الماديه كلش زينه يحبني بشكل لان الولد الوحيد
وجنت الي اريدة يسوي بدون اي تردد ومكنت اشتغل ولااهتم لشي جنت انسان عايش لنفسه لونسته لسفراته يمكن الشي الوحيد الي سويته انو خلصت كليه اني خريج فنون جميله
اني اعزف على الكيتار احب الهدوء ولكن بالليل ابحث عن الضوضاء والسهر
كان والدي دائما. يكلي اني لمن اموت اريدك متضيع تعبي مااريدك تضيع تعب عمري على النسوان واصدقائك وجنت اضحك وكله الله يطول بعمرك وجنت اخذ الدنيا بلهوً ولعب واستهزاء ماكنت اهتم لااي احد لان مجان عندي عائق بحياتي مغرور بلي عندي بالفلوس بشكلي مهتم بااناقتي
فرحان بالبنات الي داير مدايري بس اني كنت احب وحدة وبس والباقيات جانن مكملات للحياة الي متعلم عليه
واستمريت على هلتصرفات لحد ماااجتي فترة والدي صحته تعبت من كثرت الشغل واني ماكنت أعينه واشتغل وياة وكامو نسابتنه رياجيل خواتي يستغلون والدي وكام ينقهر وياكل بنفسه لحد متمرض ونام بالفراش
وحالته كامت تسوء يوم عن يوم وبرغم هذا اني مهتميت عايش لروحي ومرة خابرني صديقي احمد كلي وينك تعال عدنه سهرة اليوم كتله يله هسه اجي جنت مستعد بس يكولولي سهر ونسوان اركض وبهذا اليوم كنت اني وصديقي بالسيارة
ودامشي سريع وجان اكو سيارة مال حمل كبيرة ومااعرف شلون وانضربت بيه وماحسيت الاواني بالمستشفى
اول مافتحت عيني سئلت شنو الي صار كالولي سويت حادث سئلت على صديقي كالولي الحمدلله عايش بس عندة كسور المهم انوً ماكنت احس برجلي ردت حاولت عالجت ماكدرت كالولي انو رجلي مضررة واحتمال انو بالعمليه الي راح اسوية والعلاج الطبيعي ارجع امشي ولكن النسبه كانت ضئليه بااانو ارجع امشي طبيعي
حسيت انو اني فقدت السيطرة على حياتي وانو حياتي انتهت ظليت فترة اعاني سويت عمليه مكانت ناجحه والدي جان مريض وبيوم الي طلعوني من المستشفى وشافني بالليل حالته كلش ادهورت لان انقهر عليه كلش
وانهضم وماطول ورة الحادثه مالتي بثلاث اسابيع ومات
حسيت بتأنيب الضمير لان اني كنت السبب بكل الي وصله والدي لو سامع كلامه من جان ينصحني لو مساعدة من كان بعازتي من رادني اشيل عنه تعبه لان هذا المفروض الي يسووو الاولاد لاابائهم من يكبرون
يساعدوهم يعينوهم يشيلوهم بكبرتهم مثل ماشالوهم بصغرهم بس كل هذا راح وفات وقته
والي وصلتله بسبب غبائي وقلت وعي وبسبب اصدقاء السوء الي مجانو يهتمون الي جانو يهتمون للفلوس الي جنت اصرفه عليهم
يتبع......
#الكاتبه #روجمان
