#امنيتي
بقلم #Noor_H
ابطال القصه
ترتيل: بنوته عاديه مو حلوه بس مو بشعه
قصيره حنطيه البشره
عمرهه 22سنه
علي: متخرج من كليه الهندسه وجاي اشتغل بشركه والدي
حالتنه الماديه كلش زينه
طويل حنطي البشره عيون عسلي
جسمي مرتب لان داخل قاعه رياضيه
احب طالبه وياي جانت اعشقهه
بالبدايه انفصلنه وانخطبت ومن عافهه خطيبهه رجعت الي بالبدايه رفضت بس احبهه ورجعت علاقتنه سوه
نبدي بالقصه
#بارت1
ترتيل :عايشه وي 4 اخوان
اهلي ميحبون البنات لذلك محاربيني ع كلشي
ويضوجون مني
ممنوعه من الطلعه والطبه
بس اخوي الكبير امير وياي
وحاربهم شكد وزعل وياهم لحتى كملت دراسه للسادس اعدادي طلعت معدل زين يدخلني كليه زينه بس رفضو
ينتضرون اليوم الي اتزوج بي واطلع عنهم
وره سنتين خطبتني مره اقارب امي وطبعا رأسا وافقو بدون ماادري
وره ما اتفقو ياله كلولي
صيحت وهوست بس بدون فايده لا وفوكاهه ابوي ضربني وكالي تتزوجين غصبا عنج واذا اجيتيني بيوم زعلانه لو مطلگه موتج ع ايدي
بدو يحضرون لزواجي بدون ماادري بشي
امي ماتكدر تسوي شي لان ابوي عصبي كلش وممكن يضربهه
يوم من الايام اجاني امير بالليل
ترتيل : خير امير شبيك
امير :سمعت انخطبتي
ترتيل :واني هم هيج سمعت
امير :عذريني خيتي ماكدرت اسوي شي حجيت وي ابوي
ترتيل :ولايهمك يروحي وكفت وياي هواي الحمدلله يجوز الولد زين
امير :ان شاء الله يعوضج يروحي
بعد يومين كالولي باجر العقد والي بعده زواجج
اني بقيت مصدومه
جانت امي مجهزتلي كلشي ملابس وغراض كومه
واجه يوم العقد
وجابولي مره تشتغل بصالون لان ابوي ميقبل اطلع
حفت وحطتلي مكياج وسوتلي تسريحه بسيطه وكملت
جابتلي امي فستان طويل ومصلخ
لونه بيج بس نازك
لبسته
اجوي اهله نزلت الهم واني مااعرف منو او شنو اسمه او شنو شكله
علي:كلتلكم احب بنيه واعشقهه بس امي متحبهه لان تركتني وراحت وهسه اجت
امي مريضه عدهه امراض قلبيه وكل يوم والثاني طايحه علينه
بيوم كلتلي انو خطبتلي وحده من اقاربهه
اني اتخبلت شلون هيج تسوين واني ماادري وليش
مو اني احب تبارك
ماقبلت وصيحت عليه اجه حسين اخوي هدئهه واخذني ع جهه
حسين :شبيك اتخبلت ولك امك مريضه لو طاحت علينه شتسوي
علي :متشوفهه خطبتلي وحده ماادري منين وتدري احب تبارك
حسين :ولك مخبل تبارك ماتفيدك اولا عافتك وراحت وثانيا سمعتهه مو خوش
علي :ادري انتو متفقين عليه
حسين :اسمعني امي وضعهه ميصير تخليهه عصبيه
امشي ب امرهه فتره واتزوج الي تريدهه
مو الشرع حلل 4 بس دير بالك تأذي امي
لو صار بيهه شي بسبب ياويلك
