#بارت7
مرت الايام وعلي يمكن نسيته او هو نسانه
صارله هواااي مامار علينه
مرت الايام وبدت سنه دراسيه جديده
حسين ساعدني ع التقديم للجامعه
بيوم جنه نتناقش ع اي كليه احسن ضمن معدلي
ابو علي :حسين ابني معدل ترتيل شيدخلهه حكومي
حسين :يدخلهه هندسه او علوم بايو هنه محتارين بينهن
ابو علي :واذا اهلي
حسين :حتى يدخلهه صيدله
ابو علي :خوش لمو هالهوسه وبنيتي راح تدرسين صيدله
ترتيل :لا عمو مشكور بس انقبل حكومي كليه زينه
ابو علي :ليش خو وينه التعيين وبعدين انتي ونسرين واحد
انتي شكد صارلج عدنه مو سنه صارلج
ترتيل :اي تقريبا سنه الا شهر
ابو علي :اي جا بعد شنو الا اذا ماعادتني ابوج مثل ما عادج بنتي هاي بعد غير شي
ترتيل :بقلبي ياريتك ابوي
لا عمو الله شاهد شكد اعزك حتى يمكن اكثر من ابوي هههه
ابو علي :ههههه جا لاترديني يبنيتي خلاص صيدله يعني صيدله
حسين :وخلصنه من هالهوسه باجر اشوف شنو يحتاجون بالتقديم واكولج
ترتيل :ماادري ش اكوللكم مشكورين
ام علي :يمه والله حاسبينج بنيتنه واحنه ضلمناج وي ابنه خلينه مثل اهلج
ترتيل :لايمه شنو هالحجي تره ازعل
ابو علي :كله ولا زعل بنيتي
حسين :اااااايبااااه شنو هاي ترتيل تره بديت اغار
ابو علي :انجب انت خلص دراستك مو جزعنه
حسين :ماضل شي يابه وتفرح بيه
ترتيل :اممممممم حسون
حسين :هههههه ردت اخذ رايج اول بس انتي راح تروحين غير جامعه
ترتيل :اي عادي نمر عليكم
حسين :ههههههه اكيد اول مانداوم اخذج
بس البسي حلقه لا تخربين عليه
ام علي :ولك كدامنه هيج تحجي
حسين :احسن مما وراكم
مرت الايام وقدمت ع صيدله وانقبلت بس بعده الدوام وقررت اروح وي حسين اشوف البنت الي يريدهه
بنفس اليوم بالليل اجانه علي استغربت شعجب
علي :مرت ايام زواجنه عسل بعسل بس تبارك كلش تغار من ترتيل ع الرغم هي مموجوده يمهه حتى مااروحلهم
