#بارت11
علي :رجعت للبيت وميت قهر
اني الي خسرتهه ب اهمالي
اني الي مشيت وره قلبي
شوف هسه وين وصلك ياعلي
گمت اكسر ب اي شي كدامي هوست البيت كله
كسرت كلشي
كعدت حطيت ايديه ع راسي ومحتار
مااريد اخسرهه بس شنو ذنبهه اذيتهه هواي
مرت ساعات ع هالحاله قاطعني اتصال من حسين
الحك امي طاحت علينه
ترتيل :بقيت ابجي الى ان غفيت شويه كعدت ع صوت حسين يصيح
امي وكعت
اتخبلت راسا لبست صايه ولفيت الشال
ونزلت توهم ماخذيهه ع المشفى
شويه واندكت الباب طلع علي
اخذني ورحنه ع المستشفى
دخلوهه انعاش وماندري بوضعهه
گعدت ع جهه وكمت ابجي
اني السبب اني الي حجيت
لو مااني طلبت الطلاق جان ماصار هالشي
قاطع تفكيري علي حط ايده ع متني
علي :بالمستشفى منتضرين احد يطمنه وترتيل كاعده ع جهه وتسولف وي نفسهه
من اتقربت الهه سمعتهه تلوم بنفسهه وانو هي السبب لان فتحت موضوع الطلاق
حطيت ايدي ع متنهه والدمعه بعيني
علي :كافي تلومين بنفسج
ترتيل :اني السبب ادري بيهه مريضه ومع هذا ضوجتهه
علي :لاانتي مادخلج
ربج هيج كاتب
كافي لخاطري كافي
حضنتهه حيل
اني الي جنت محتاج هالحضن مو هي
جنت اتمنى احضنهه بس مو بهيج ضروف
بقيت اهدء بيهه بس هي ذابحه نفسهه بالبجي
بعد ساعات طلع الدكتور
الدكتور :المريضه صار عدهه جلطه قويه وانشل الجزء الايسر من جسمهه
ممنوع التعرض لاي توتر او جهد
حاليا وضعهه مستقر تگدرون ترحون لان ماراح تشوفوهه قبل 24 ساعه
حسين :
ابو علي :يله ابني اخذ مرتك واخوك وروحو اني باقي هنا
حسين :يابه سمعته انت مانكدر نشوفهه تعال ويانه ارتاح شويه واني اجيبك
