#بارت2
ترتيل:كعدت من النوم جنت جوعانه رحت ع المطبخ لكيت جايبين كومه اكل جاهز ومسواك وفاكهه وكلشي
سويت اكل وجاي اكل شويه واجه هو
علي:رحت للغرفه خلصتهه مكالمات وي تبارك ع كد مامشتاقلهه وهي تغار من ترتيل ومتقبل اكعد وياهه
وره ماكملت اتصال رحت ع المطبخ لان جنت جوعان لكيت ترتيل جانت تاكل كلتلهه جوعان
ترتيل :تعال اكعد هسه اجيبلك اكل
علي :رحت كعدت شويه وجابت كباب اهلي جانو جايبي
اكلت وكملت كمت للغرفه حتى مااكعد وياهه تبارك متقبل
ترتيل :كملت اكل شلت المواعين وخدرت جاي كلت اخاف يجي يريد
ورحت ع الغرفه
لعبت بالتلفون شويه وبعدهه كمت صليت وقريت قران ورجعت نمت
مرت الايام عاديه اتجنب احجي وياه
بين يوم ويوم امه تخابره تكوله جيب ترتيل
اتعلقت ب امه حسيتهه امي وهي هم تحبني كلش
دايما تكولي اذا زعلج بس كوليلي
علي: مرت الايام واني من الشغل للبيت بس ابدل واطلع اغلب اكلي بره البيت
امي كلش تحب ترتيل ودايما تخابرني ع مودهه وهالشي خوفني اخاف متقبل ع زواجي
مر ع زواجنه شهرين وتبارك كالتلي لو تخطبني لو تنساني وانت تجذب عليه ومااعرف شنو تعاركنه وراهه رحت لامي كلتلهه اريد اتزوج ماقبلت وصيحت عليه
رجعت ضايج كلش
رجعت للبيت رحت ع غرفة ترتيل
ترتيل :علي يوم عن يوم يبتعد اكثر واني ممهتمه لان كرهته بيوم اجه ع البيت كلش عصبي ويصيح كله منج
ترتيل :خير شكو
علي :كله منج راح اخسر حبيبتي
انتي دخلتي وخربتي حياتي
حبيبتي راح تعوفني بسببج
امي ماقبلت اتزوجهه
انتي السبب انتي الي فرقتينه
صيح وراح
ترتيل :اني اسمع ومصدومه مسويت شي لعد شبي
بقيت افكر افكر تعبت كمت للمطبخ لكيته كاعد بالصاله وحاط الجكاير يمه ويدخن
منضره يكسر القلب
حسيته شكد يحبهه ومتعلق بيهه
صح ضجت حتى لو مصاير شي بينه يبقه زوجي
رغم هذا قررت اساعده
رحت يمه
علي:بعد ماصيحت عليهه رحت للصاله وكعدت ادخن ميت قهر
