#بارت6
مرت الايام وعلي مايمر علينه كلش قليل
ومن يجي شويه ويروح
بديت اتعود ع غيابه وارجعه غريب مثل ماكان
امه بعد ماعرفت سالفه اهلي دارتني كلش
بيوم اجتنه ريم العصر وهي تبجي ووياهه جنطه ملابسهم هي واولادهه
هي عدهه ولد اسمه مؤمل 8 سنوات وامل 5 سنوات
عرفت انو اكو مشكله اخذت الاولاد لغرفتي ع مود تحجي وي امهه
رحت فتحت التلفزيون الهم وبقيت اسولف واضحك وياهم
بعدهه سويتلهم كيك وعصاير وبوشار
كلش اتونسو لدرجه من صار العشا ميشتهون ع كد مااكلو كيك. هههههه
بالليل نزلنه كعدنه سوه ريم جانت حيل ضايجه
كالت تعبانه اريد انام
ترتيل :تعالي ل غرفتي جبيره وونام بيهه وي اموله
ريم :ماشي حبيبتي مشكوره
ترتيل :ولو قلبي
مؤمل انت تنام وي خالو حسين لان انت رجال
مؤمل :ماشي خالتو بس اريد كيك
ترتيل :خلي ماما ترتاح اليوم وباجر اسويلك كيك وبوشار واشغلك فلم ونباوع عليه
حسين :خالتو خالتو ترتيل واني هم
ترتيل :ههههههه صار
رحنا للغرفه كعدنه نسولف عرفت انو زوجهه يعرف عليهه وحده وهي درت وعافته واجت
گلت بقلبي ماتشوفين حالتي
ترتيل :قلب انتي مايصير هيج تسوين
صح هو غلط وحقج تزعلين بس اسمعي
يجوز لكه بيهه شي ملكاه بيج
شوفي الاسباب اذا ماعنده سبب مقنع ذاك الوكت اني واهلج كلنه وياج
ريم :بس مامقصره وياه ووي جهاله
بيت وعيال واطفال وكل هذا احاول اخلي مرتاح
ترتيل :صارلج شكد ممشتريه ملابس نوم جديده
ريم :مااذكر من زمان
ترتيل :صارلج شكد مصابغه شعرج غير لون
ريم :بزواج علي صبغته بس نفس اللون
ترتيل :تحطين مكياج لو لا
ريم :ماالحك
ترتيل :عمي حقه يروح من ايدج
حياتي اني مو ضدج بس الرجال مايعذر عندج بيت وجهال
